GUARANI

KUÑA REKOVÉRE OÑE’ÀVA

Ñe’¢poty

Kuña Paraguái

(Mauricio Cardozo Ocampos)

Peteĩ jey Tupã
iko’¢ ovy’aite
he’íma ojapotaha
isymi joguahaite.

Yvoty mayma ombyaty
urunde’y apytere
ha eirete ka’aguy
ha mokõi mbyja ko’¢.

Ha vokóintema Tupã
oñemo£ omba’apo
urunde’y ikanguerã
ha yvoty omboho’o.

Eirete ka’aguy
ityaimíma huguyrã
ha pyhare peh¢ngue
oñop¢ hi’avarã.

Ojapóvo hovami
mbyja ko’¢me ombohesa
ha ityvyta karapãmi
jasy ra’ýgui oipe’a.

Ipire tĩre ojapichy
ko’¢ju pytãngymi
ha ogueru amambái roky
hopea ysapyrami.

He’íma chupe Tupã
ta’ãngami porãite
kuñataĩ epu’ã...
che symi joguahaite.

Ha Yvy
kunu’ũ rerekuarã
mayma porãngareko
nderehe taijatypa.

Kuñataĩ porãite
upe guive ojehecha
omimbi ha ohesape
ndaipóri ha’éichagua.

Ha’énipo che syrã
ha avei che reindy
che mborayhu rerekua
ha’etéva Tupãsy.

Ichupe oñetupãnói
héra torosapukái
ndareíri oñehenói
chupe kuña Paraguái.

Nderehe’ae kuñami
ñane retã ipytuh¢
nderehe’aénte avei
ko Paraguái oikove.

Ndaipóriko ndeichagua
kuñami marangatu!
yvága ndaje Tupã
ndéve §uarã oñongatu.

Tembiaporã

1. Ñamombe’u pete£ te£ jahávo mba’éichapa Tupã omoheñói kuñáme.

2. Mba’ére Tupã oguerohory kuña rekove.

3. Mba’e mba’ére ombojoja kuñáme.

4. Mba’e ñane mbo’e ko ñe’¢poty.

5. Mba’ére ñamomba’e guasuva’erã kuña rekove.