abc Google  
Marandú

Lote yvy franja costera-pe ohepýtavoi G. 670 millón

* Umi omongu’éva pe franja costera he’i pe pirapire ojepurútava BID-gui franja costera ñepÿrurã (puerto guive guataha San Estanislao peve), 60% ojepagataha oñevendévo 85 hectárea yvy pégui osêva. * Ojepe’arire guataha ha plása rendaguã, hemby 52 hectárea (péva 520.000 m2). * Pláta ojevýva’erã BID-pe ohupitýta 265 millón dólar, ha oñevendévo pe yvy oñembyatýta (60%) 159 millón dólar-mínte. * Pépe ojehecha ko tembiapo osê haguã ovende va’erã 1 m2 pe yvy 305 dólar-re (¡1.860.000 guarani!). * Peteî lóte (12x30) osêtavoi amo 110.000 dólar, péva 670 millón rupi, guaraníme ko’ágãgua. * Máva piko ikatu ohepyme’ê péva?

Tupãsy oñembosako’i oha’arõvo imembykuérape

Ko’êramo oñepÿrû Tupãsy Caacupé novéna, ohótava Misa Guasu, ára 8 jasypakõi oúva peve. Pévare tuicháva ñembosako’i oguahêma ohóvo hu’ãme diócesis Caacupé, institución pública ha privada-kuéra ñemoirûmba guasu rupive. Hi’agyîmbaitéma Tupãsy Virgen de los Milagros de Caacupé ára.

Caacupé-pe ohejáva’erã ipypukúva tapykuere opavavére

Monseñor Claudio Giménez, avare guasu diócesis Caacupé-pegua, omombe’u ko aty guasu he’iseha heta mba’e, ha katu tuichavéva pe jerovia ha tekove potî jeheka rape, oipykuiva mayma tapicha py’aporã, oipotáva Tupãsy pytyvõ. Pa’ikuéra oipota ko áraguasuete rupive mayma tetãygua tombopyahu ha tomoambue hekove. ``Ñandejára, orembo’émína pe añetetégua'', ha’e jerure oikótava ñembo’ehápe.

Mba’yrumÿi Estado mba’e ojepuru Nicanor ñemoherakuãrã

Peteî mba’yrumýi ojopóiva’ekue Taiwán rehe oñemboja kuatia oñemohekuã haguã Nicanor Duarte oikutuse jevyha Junta de Gobierno ñesaimbyhy. Pe mba’yry oipuru senador Alejandro Velázquez Ugarte (péva vicepresidente primero Congreso-pegua) ha oguereko ijehe "Nicanor presidente de ANR".

Heta magistrado ohejarei polítikokuérape tembiapovai

Ojehekua ministro Corte Suprema pegua, karai hue, camarista ha fiscal-kuéra heta ijaty senador kolo’o Juan Carlos Galaverna santo ára hápe. Péva ohechuka mba’éichapa Poder Judicial opyta poder político guýpe. Péva ningo vyrireieterei, he’i hikuái, ha katu ndaha’éi upéicha. Umi político, taha’e kolo’o térã taha’e’ÿ, oja hague tembiapovai, mbarakajachaite: akóinte ho’a porã oîvai vaicha ramo jepe. Péicha heta kásoma oparei, oî rupi ñepytyvõ umi ministro, camarista, hue terã fiscalkuéraguio; umi hysýiva’ekue oipopyhy haguã Kale-pe isantoárahápe.

Mbykymi: ko’ãva ha’e káso opareíva

* Francisco Romero, senadora kolo’o ména, oñemboja rire hese ho’uha heta pirapire Conavi mba’eva, osêreiete peteî juicio oral rire. * Tendotakue Wasmosy-pe ojehejarei potaite Banco Desarrollo-pe viru G. 42.500 millón ñeme’ê hekope’ÿ. * Corte Suprema omboyke pe condena oîmava’ekue ANDE ruvichakue Mario Orué akã’ári, pláta jepuru rehe avei. * Juan Carlos Galaverna katu oviola Constitución, ha karu pe denuncia oñeñongatu ha opa. * Senador Kolo’o González Daher Auto ojejuhu auto mau reheve, ha péva opareínte.

Ñemboavogáda oporombatavy ha oipe’a pirapire

Peteî kuña (38 ary oguerekóva) oipuru kuatia ambue mba’é ha oñemboja abogada ramo are guivéma ra’e oikóvo, oporombotavy ha onohê heta tapichágui pirapire. Héra Myriam Concepción Rodríguez Ortiz, ha chupe ojekuaa Fiscalía ha Poder Judicial-pe. Hógape ojujuhu ko’ágã heta sello ha kuatia expediente judicial, avave ndoikuaáiva okañyha oikóvo.

Ojepe’áva’erã umi Banco Central ruvichakuéra

Ohechaukaporãsérõ ndoipotaiha corrupción, tendota Nicanor Duarte ko’ágã oguereko ipoitépe mba’e omondoro haguã mba’evai Banco Central (BCP)-gui. Pépe aretéma oñembohapo pe aty privilegio reve ha, ijaveve ñemonda ha tapicha ombyaty pya’epya’eva pirapire mante heta. Pe BCP-pe oikóva ndaha’éi vyrorei; pépe ojehúva ohechaukáta mayma tavayguápe añetetépa pe Tendota guasu ha iñirunguéra he’íva ápe ha pépe: ndoikuaaseiha mba’eve corrupción-gui. ABC Color-pe guarã, ndaipóri oñeha’arõitereíva’erã: ojehekáramo iporãva ñane retãme, ojepeápaité va’erã Directorio-pegua kuéra ha oñemoî hendaguépe tapicha ohechukáva tekopotî ha katupyry tembiaporã, oñemaña’ÿre mbaé partidoguápa ha’e.

Roa Bastos rembiapokue oguahê ABC rupive

Roa Bastos rembiapokue aranduka ``Hijo de Hombre'' oguahêta ko arateî guive ABC rupive mayma tavayguápe. Ko tembiapo ombosako’i ha omoha’ãnga karai katupyry Carlos Meyer Saldívar, ha osêta ohóvo 40 arapokõindy pukukue. Ko árape osê ABC-ndíve pe aranduka ape, peteîha vore osêta ko arateî 4 jasypakõi oúvape, ha hapykuéri hysÿita ambue vorekuéra, oimba peve kuatiahaipyre.

Aranduka "El fantasma de Canterville" osê avei

Ko árape osê avei ABC Color-ndíve aranduka hérava ''El fantasma de Canterville'', ohaiva’ekue Oscar Wilde. Ko tembiapo oñondive ogueraháva Editorial El Lector ha diario ABC Color ha’e Biblioteca Popular de Autores Universales rehegua, oipotáva mayma tapicha pópe oguahê kuatia arandu ikatu haguã oñemoarandu aranduka porã rupive.

Olimpia oñemombarete tenonde ha Libertad ojaparo

Kuehe oiko mbohapy ñemboharái. Olimpia ohasa ange pyhare 12 de Octubre ári 3 (Patito Aquino, Miliki Jiménez ha ha Dante López ominge)-1 (Alonso), táva Ciudad del Este-pe, ha oñemombarete Torneo Clausura 2005 renonde. * Tenonderã, Gral. Caballero ogana Libertad-pe 2-1. Tacuary katu ohenonde'a Guaraní-me 1-0. * Ko ka’árupe guarã hemby mokõi ñembohovái: Luque ombohováita 3 de Febrero-pe, ha opákuetévo Nacional ondyrýta Cerro Porteño ndíve.

Hysýima jevýma partído ko ka’arúpe guarã

Ko ka’arúpe guarã, hysýima jevýma 38 revýha Nacional Interligas rehegua ñemboharái tetã tuichakue, UFI ombosako’i háicha. Hetaiterei rupi (38 voi oîta), ko’ápe mandu’a mbykymínte hesekuéra. Oha’ãta Choré-Santaní, Atyrá-Arroyense, Tobatí-Caraguatay, Ybytyruzú-Guairá, Ovetense-Caaguazú, Gob. Rivera-Caazapá, Caapucú-Pirayú, Quiindy-Colmenense, Paraguarí-Carapeguá, Paranaense-Hernandarias, M.R. Alonso-Central, Luqueña-Liga del Sud, Nueva Italia-Lambaré, Villeta-Sanlorenzana, Bella Vista-Amambay.

ÑE’ÊNGA

Sarambíko oiko, he’i hãi peteîva okarúrõ

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

20.426

136.221
Ayer

20.016

126.564
Ultima actualizacion:
27/11/2005 00:00:00