Domingo, 19 de Marzo de 2006

Efeméride 1971: El gabinete nacional repudia la excomunión del ministro del Interior Sabino Augusto Montanaro, por la iglesia católica.

+ Ver Más
Temperatura Actual:

(
N.
.

+ Más información

*Ore diario oreko acceso peteî acta de reunión Equipo Económico orekohágue Presidente upe 17 de mayo 2005 Mburuvichá Rógape. *Duarte Frutos ha ipytyvõhára aguî ombopiro'ýse política fiscal ha monetaria ogenera haguã "burbuja económica" mbykymi calendario electoral 2006-pe hi'aguîva upérõ ha oguatáva 2008 peve. *Oipota kuri peteî "Consejo de Desarrollo Económico" oiporu haguã 300 millones de dólares entidad brasileña Proex oipurukáva, ojoguáva "crédito chino-pe" oinvertíva obra pública-pe oike ÿre control-pe. *Oî discusión mbarete, Dionisio Borda ohekýiva gabinete-gui. *Borda he'i ABC-pe upérõ kóva rehe ha'e osê, jefe de Estado he'i ndaupéichaiha.

Mercado hû combustible rehe

Oñefaena combustible "maû" peteî estación de servicio tankegui emblema Esso Tres Bocas gotyo, comisaría Arroyo Seco rováiete, 15 de marzo 1:50 ko'êmbota peve. Káda pyhare osê enjambre de kombi ha camioneta orekóva tambor ha bidon
Villa Elisa gotyo ome'ê haguã gasoíl ha naftas "oñeñamíva" barcaza, cisterna-gui térã depósito Petropar-gui voi. Kóva oñemonda directamente, ko'áva contrabando-ite. Péicha avei ojemombohasa solvente, oñembojehe'áva carburante rehe. Ore periodista oinvestiga jasyteî guive. Péicha ojeguereko fotografía, tenda, téra, ojekuaa oîha mburuvicha omoirûva ko mba'e. Oñemomýi mercado negro upe volumen orekóva, 10 millones de litro al mes, ohupytýva opavavépe 80 millones de dólares anual, tuicha ho'a vaíva fisco-pe, umi consumidor ha omba'apóva legalmente-pe.

Mercado omongakuaa empresa oikotevê ÿre financiación

Peteî ama de casa, ohekáva recurso omomba'apo haguã omoî peteî tenda karuha ha oikuave'êha imba'erepy ipya'éva Ruta I ári, hogaitépe, Paraguarí yvate gotyo; upéi upe negocio oikuave'ê avei yva rykue ha ensalada. Kóva héra “El Estadero”, ijára, Balbina Garcete, omoañetéva “noikotevêiha oñesê tetãgui ojejuhu haguã oportunidad; ombyasýnte 24 aravónte orekóha peteî ára oñemba'apo haguã.

ABC REMIANDU

Periodista Galeano opyta mba'evéicharõ hapykuére(impune). Ndojekuaái periodista radial Enrique Galeano táva Yvyjaúpe péva 4 jasykõi guive, oguerosapukáiva
ejercicio omosãsógui hemiandu ha omoherakuãvo, Paraguái ko árape, chákepe ojeiko. Oñemopyenda cultura ñemombarete, jaguerovia kuri 1989-pe opáhague, ko'ágã ojehaitypo hatã jey. Ñane retã justicia dependiente oreko, ou órden poder político-gui ha oñemoî periodismo verdugo ramo ha péicha oñemoî omandáva rehe. Pero oî afectado noñecontentáiva oiporúvo justicia tulumbo ramo. Ko'ágã jaikuaáma noñemomba'éiha tekove oñeñandúvo amenasádo opinión ha información oñemoherakuãvo prensa. Oñeha'ãrõ fiscal térã policía ipy'aguasúva ohekýi haguã misterio pyahu ojoajúva poder rehe.

Yvy Ja'u

En Yby Ya’u
culpan a diputado
de desparición de
periodista Galeano

Tekoasy omoheñóiva Reforma

Reforma impositiva, omoingéva modelo tributario pyahu tetãme, oñepyrû guive, péva ohechakuaa tributarista Nora Ruoti Cosp, he'íva tukumbo ha'éha persona física ha avei imarangatúva jurídica-kuérape guarã. Proyectil ójapíva ha oguahêva oikévo Impuesto al Valor Agregado ha impuesto renta personal-pe. Péicha, Suplemento Económico ABC Color oikuave'ê ko número-pe peteî guía práctica contribuyente-pe guarã, roipotágui peguereko peteî pytyvõ omboguatáva po'a oikéva javoráipe oñeplanteáva katuete ojeho ramo Tributación-me ikatu haguã oaporta cuota sostenimiento de Estado-pe.

Conspiración oñemoherakuã oîha Rio parana navegabilidad rehe

Apañuãime oñemotenonde proyecto de construcción central hidroeléctrica pyahu Yasyretãme, ko káso vertedero jerére orekóva peteî dique complejo ohóva Aña Kua jyváre río Paranáme, oñemenasáva proceso licitatorio-pe.

ALCA añoite

Karai Oscar Herreros Usher, C. I. N0 325 062, iponencia rupive péva ñomongeta jovái oikóva kuri(ALBA vs. ALCA). Kóva tema ohóva modelo de desarrollo económico oikotevêvéva ñane retã. Péva rehe orroga myesakã, concisión ha respeto oponente rehe.

Mandiju oñehundíva programa oîva rehe

Ojehasa niko apañuãi mandyju producción rehe ko'ã árape, upéva rehe oñeikotevê umi omba'apóva mandyjúre toñemoirû, avei Gobierno, toñepyrû oheka solución añete ha ipaháva ko situación-me. Ndikatúi programa subsidio parcial ha acción orekóva populismo ha improvisación, ovaléva promoción oñepyrûvape iñemitÿ katuete opáva protesta-pe, manifestación ha ñembyasýpe, avei, pérdida
económica cuantiosa ojehecháva heta kásope; katuete seguridad-pe, ha'éva tuicha causa mboriahúpe 500.000 persona rupi, ha'éva 25% población, ko'ágã Paraguái ojejuhúva línea de pobreza guýre.

Nuncio Apostólico pahu oguahê ko árape ha'e Monseñor Antonini

Oguahê nuncio pyahu oúva Vaticano guive, ha'e Mons. Orlando Antonini, omyakãta ñane retãme hembiapo representante papa Benedicto XVI Iglesia del Paraguay ha Gobierno.Religioso ha'e avei diplomático oiporavóva omyakã haguã upe cargo 16 de noviembre ohasávape oikéva Mons. Antonio Lucibello rekovia.

Indígenakuéra omoñepyrû acción protesta-pe

Indígena ary ohasava'ekuépe oikuaaukáva Seminario Metropolitano rupive upe Ley 2823 veto, oikéva Estatuto Comunidad Indígena rekovia, omoherakuãva parlamentario-kuéra upe estudio modificación-me. Omyesakã oñemoha'ãrõvo pedido oguahêva Paraguaýpe oñehendu haguã iñe'ê.

Transacción cofinanciamiento BID ohupyty US$ 2.200 millones

Transacción cofinanciamiento multilateral ha bilateral, ohupyty'ÿva operación sector privado ojapóva Banco Interamericano de Desarrollo (BID) ha umi fondo fiduciario, ojupíva US$ 2.200 millones ary 2005-pe, cifra ohasáva promedio
US$ 1.600 millones ko'ã po arýpe.

Resolución 8 BCP ndaha'éi pe ijetu'uvéva ko región gotyo

Resolución 8 Banco Central del Paraguay (BCP) upe calificación riesgo ohasáva cartera de crédito, oñembojojáva normativa ambue banco central rehe oîva a nivel regional, ndaha'éi rígidaitéva ko tenda gotyo ha opu'ã ohóvo práctica gestión rehe ha oñangareko sistema financiero rehe, he'i economista peruano Roberto Keil Montoya.

Ministro kolo'o oñemoî peteî maniobra Ejecutivo-pe

Umi po ministro kolo'o, ani haguã opyta en duda ha Nicanor Duarte Frutos ikatu ojupi presidente ANR-pe, he'i hikuái resolución Corte ojapóva ome'ê pa'û ojokóvo fallo Justicia Electoral-pe kóva incompatibilidad cargo-pe. Ko'ã juece
alto tribunal, oñemoîva maniobra Ejecutivo-pe, Ko'ágã ohekáva omoapañuãi umi omonéîva inconstitucionalidad. Ojepohéise hikuái cuestionamiento heñóigui opaite sector-gui, ndoguerohorýiva pe oikóva'ekue.

Fadul he'i oficialismno kolo'o ha'éha delicuente organizado

ENCARNACION (redacción regional). Presidente Partido Patria Querida, Pedro Fadul, he'i oficialismo kolo'o ha'éha "delincuente organizado" ha oñembohory
declaración ojapóva rehe victoria ohupytýva Nicanor Duarte interna kolo'ópe ombocháke ha omondýiva oposición-me. Péicha he'i oñemoherakuãvo oficialmente precandidatura intendencia municipal Encarnación gotyo, Patria Querida rehe, ex fiscal encarnaceno Eduardo Petta.

Fundación La Piedad omboty 50 ary

Ogueromandu'ávo cincuenta ary oñemopyendahágue Museo ha Biblioteca Fundación "La piedad" ko'êrõ 19:00 aravo jave, Edificio Museum Dr. Andrés Barbero, opytáva España 217 c/ Mompox oikóta mandu'a aty guasúpe.

Renée Ferrer ojeiporavo peteî premio oñemomba'eguasúvape

Haihára Renée Ferrer de Arréllaga ojeporavo oî haguã ñane retã representante ramo XV Premio Reina Sofía Poesía Iberoamericana-pe. Péva jopói ha'éva galardón oñemomba'eguasúva omyakãva Universidad de Salamanca ha Patrimonio Nacional de España ha oî dotado 42.100 euros, impresión antología upe autor ojeporavóva ha avei ambue mmba'e ojejapóva upe jave ha oñeme'êvo premio guasu.

Nicanor he'i umi opositor oñeko'õha ivictoria rehe

CORONEL OVIEDO (redacción regional). Presidente de la República, Dr. Nicanor Duarte Frutos, kuehe he'i umi opositor hembipotaitereíha, ha opavave orekóha iñe'ãme ñeko'õ ombyatýva, péva ha'e oganágui interna kolo'ópe. Péva he'i oî jave Ka'aguasúpe Alianza Colorada oñemotenondéva ndive, péva club Coronel Oviedo ko távape, upépe umi korreli opresenta "tendotápe" ha'erõguáicha "gran profeta de su valle".

Aranduka omoirûva El LECTOR ha ABC COLOR TEKOMBO'ÉPE

Martes 21 de marzo oñemoherakuãta mbohapýha aranduka colección El Lector ha ABC Color, odestináva 1º ha 2º grados educación escolar básica-pe. Kóva Medio Natural ha Salud 1, temimbo'ekuéra 1º grado-pe guarã. Oñeikuave'ê 24 mil guaraníes upe diario ndive.

Filizzola ohenói aty ñomongetápe opositorkuérape

Presidente Senado-gua Carlos Filizzola oikuaauka kuehe resolución ohenóiva sesión Congreso Nacional-pe ágã martes 21 jasyapy 8:00 aravo jave, pedido de legisladores oposición-gua, osêva resolución Corte ojapóvagui he'íva hikuái
Constitución Nacional ovioláva. Péicha senador opositor-kuéra otaky kuehe convocatoria ojejapóva rehe, ha'ekuéra voi ojerurégui Filizzola-pe umíva ojeruréva oje'eháicha "en el menor tiempo posible".

Senador oha'ãrõ umi ministro oho

Senador Arsenio Ocampos Velázquez, vicelíder bancada PQ-gua, oipota sesión Congreso-pe oikotáva tojejapo peteî debate abierto implicancia ojapóva sometimiento 5 ministro Corte-pe péva presidente de la República ojapóva. Péicha avei toñemonéî resolución okondenáva ko ojejapóva, péva tojopy umi omoheñóiva ko apañuãi vaiete.

Opositorkuéra omonéîva condena Corte Suprema ha Ekjecutivo-pe

Bancada oposición-gua omokyre'ÿ sesión Congreso kóva omonéîvo declaración okondenáva fallo Corte Suprema-pe omonéîva Nicanor Duarte Frutos oasumi presidencia ANR. Péva umi oficialista ogueroviáva ojoko haguã propuesta.
Omonéîvo declaración, senador Martín Chiola, vicelíder bancada kolo'ópegua, he'i orekóta valor declarativo ha niupéicharõ oforsáta juicio políticoha ambue medida ojejapóva Corte ha Nicanor rehe.

Expo 2006 táva guasu Cascavel gotyo oñemomba'e guasu

Peteî comitiva paraguaya kuehe omoherakuã XXV Expo 2006 de Mariano Roque Alonso, tavaguasu Cascavel, Brasil-pe, péicha he'i Luis Fleytas Bogarín, comité organizador, omyakãva delegación. Péicha avei predisposición ohechaukáva Dr. Lisias de Araujo Tomé, intendente ko távapegua, ha Claudio Koop, secretario de Comercio ñane retã ykereguáva.

Reportaje derecho del consumidor-pe

Ágã 10 de abril oúvape oikóta concurso nacional de reportaje periodístico pe ojeheróva "Fomentando el Respeto a los Derechos del Consumidor", omombe'u ore diario-pe kuañakarai omyakãva Dirección de General de Defensa al Consumidor (DGDC), Mónica Hume. Ha'e he'i avei oñemomba'eguasúta péva rupive umi tembiapo iporãvéva ha omoherakuãva kuatiahaipyre, ñe'ê'asãi ha ta'angambyry ojoajúva respeto derechos del consumidor rehe omomba'eguasúva Ley Nº 1.334/98 Defensa del Consumidor ha avei Usuario-kuéra.

Ñe'ênga

Nde delicadoitéta ramokéna eñealambra.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	44.478	263.553
Ayer	27.077	155.506
Ultima actualizacion:
19/03/2006 23:00:00

Domingo, 19 de Marzo de 2006

Artículos más leídos