abc Google  
Marandú

Ojejuhu peteî barcaza "oñeñamíha" gasoil orekóva 80 litro

*Oñemoñami "ordeña" combustible kakuaa río Paraguáipe péva ojeporúgui barcaza
especial tuicha capacidad orekóva. *Peteîva, oreko 80 mil litro gasoíl, osekuestráva mburuvichakuéra argentina peteî riacho Clorinda gotyo. *Ko káso omondýi prensa pytaguávape ha ombohasa procesamiento peteî fiscal omosãsõséva carga. *Osê ijára ramo peteî paraguayo hérava Juan Carlos Silva, ndikatúiva ohechauka moõgui ou carburante ni opresenta documentación embarcación-pegua. *Péicha he'i fuente naviera, kóva jepokuaa jepiguáichava río-pe. *Pe hembýva oñeikuave'ê mercado negro-pe.

Nelson oñanduháicha

Oguerovia Nelson, ex oviedista Johnny Velázquez he'iha Oviedo rehe ha'éha peteî
asesino.

Irundýha sapukái Sasõme

Ricardo Martínez osa´pukái Libertad gol peteîha, angepyhare Defensores del Chaco-pe. Omoirû Cristian Riveros, avei omarcáva peteî tanto, upéicha avei Javier Villarreal ha Rodrigo López. Ekípo paraguayo ogolea 4 a 1 El Nacional de Quito-pe, ombyaty 7 puntos, kóva peteîha posición ko grupo-pe orekóva ha ohasa potaite ambue atýpe Copa Libertadores de América reheguávape. Peteîha aravo'ípe ojavy heta ha oheja oempata ndojesarekóigui defensiva rehe, pero pe hembývape ojepytaso jey ha oguenohê joavy oîva.

Fiscala he'i oñemoapañuãiséha ichupe

Kuñakarai Fiscala oguerovia oñemoapañuãiséha ichupe periodista kásope.

Oppenheimer ABC Color omomba'apo

Ore diario omomba'apo exclusividad Paraguáipe ohai haguã periodista argentino Andrés Oppenheimer, pe oñemomba'eguasuvéva ha agudo analista omoañetéva política latinoamericana ha relaciones hemisféricas ojeguerekóva Estados Unidos ndive. Ha'e ogana kuri Premio Pulitzer ha hetáve galardon oreko, Oppenheimer ha'e peteî comentarista ha principal corresponsal región Miami Herald ha Nuevo Herald-pe, avei omoherakuã artículo cincuenta kuatiahaipyre prestigioso-pe. Roguerovia análisis ha puntos de vista omyesakãva ñane pytyvõta jajepy'amongeta haguã ha jahechakuaa realidad orekóva ñane continente ha mundo.

ABC REMIANDU

Pokarême omoirû holgazanería Congreso-pe. Legislador paraguayo omomba'éva salario opagáva pueblo ñambyasy. Oñembojepokuaáma ndohóiva sesión oîvape, oguahêva tarde térã ohóva ohechauka haguã hova okañy haguã upéi. Oî sesión
osuspendéva ndaipórigui quórum. Ojehuháicha, ombotapereko política mbohovái, péicha avei oficialista opositor ojoguávape, oheja reíva hikuái sesión. Heta oî ojapóva turismo gratis orespaldávo actividad profesional. Péicha, oî itie'ÿvéva, banca parlamentaria oîva ombyaty haguã pirapirénte péva ovendévo vóto, situación oñedenunsiáva legislador-kuéra. Oñeha'ãrõ Congreso oreko jey dignidad, decencia, coherencia política ha patriotismo, valor ñane retã oikotevêva desesperadamente.

Corte omotenonde Nicanor ojeruréva, ha opyta rei lesión oîva G. 135.000 millones rehe

Péicha concesión irregular de crédito ha cancelación fraudulenta préstamo omoîva perjuicio ha'éva 100.000 millones de guaraníes umi ahorrista Banco Paraguayo Oriental-pe. Estado paraguayo avei oñelesiona 35.000 millones de guaraníes péva auxilio ome'êva Banco Central del Paraguay (BCP). Ko sákeo ojejapóva umi acreedor-kuéra ha Estado rehe opyta impune 8 de abril. Umi porundy ministro Corte-pegua, ojoguáite, ndojepy'apýri osanciona haguã umi omonandiva'ekuére banco-kuéra, péva omotenondégui umi káso político, umi ho'ávaicha presidente Nicanor Duarte Frutos rehe.

He'i jey upe acuerdo FMI ndive oñefirma jasypo oúvape

Upe acuerdo pyahu orekóva Fondo Monetario Internacional (FMI) ojesuscrivíta mayo ohasávape, péicha he'i kuehe ministro de Hacienda Ernst Bergen. He'i ofaltáha omonéî paha upe documento mburuvichakuéra organismo multilateral-gua. Péva programa osuponáeva ko'ágã serie de meta ha medida oñemoîtáva jasypo 2008 peve.

Exportadora nome'êi kuatia oñeikotevêva fisko-pe

Firma exportadora Anghimar SRL, oñembotýva arapokõindy ohasávape mbohapy ára, omondo Subsecretaría de Tributación Ministerio de Hacienda-gua umi documento
orekóva operación ojapóva upe firma; péicha avei, umi kuatia ndaha'éiva ointeresáva fisco, he'i kuehe fuente entidad estatal-gua.

INC okapu potaite, he'i técnico cementera-gua

Umi Técnico Industria Nacional del Cemento (INC)-gua odenunsia vicepresidencia-mokõiha oîva Senado-pe pe planta clinker Vallemí okapu potaitéha, básicamente ko'ã apañuãi suministro fuel oíl, ome'êva combustible oguereko haguã ko material producción. Legislador-kuéra ojerúre kuehe Contraloría-pe omotenonde haguã auditoría integral ente estatal-pe.

PYMES oñepytyvõta responsabilidad social-pe

Haimete 56 pequeña ha mediana empresa, orekóva cadena de valor de ocho grandes empresas, oñeipytyvõta oñeimplementávo proyecto omotenondéva Asociación de Empresarios Cristianos (ADEC), omomýiva práctica de responsabilidad social empresarial (RSE). Kóva ofinansiáta BID.

Senador ojerúre Contraloríape auditoría integral cementera-pe

Vicepresidente segundo Cámara de Senadores, Modesto Luis Guggiari Zavala, ha iñirûnguéra senador Cándido Vera Bejarano, Emilio Camacho, ha diputado Blas Riveros, ojerúre kuehe Contraloría General de la República-pe oñemotenonde haguã auditoría integral Industria Nacional del Cemento (INC)-pe.

Empresari omokyre'ÿ ojeaprovecha haguã ñeikuave'ê

Empresario sector farmacéutico Dr. Enrique Bendaña he'i osê porãha visita ojapóva Estados Unidos gotyo delegación oficial ha empresarial omyakãva vicepresidente Luis Castiglioni. Kóva oñemoherakuã haguã tetã -katuete oimo'ã ñande Uruguay-ha, péva oñeha'ã "ovende" Paraguái imagen, kóva "marca" Paraguay, he'i.

EE.UU oreko interés maquila ha so'o rehe

Delegación oficial paraguaya, omotenondéva vicepresidente de la República, Luis Castiglioni, omantene kueheambue contacto importante inversionista estado ojapóva Florida (EE.UU.) gotyo, umi oîva interesado régimen maquila rehe, fabricación alta tecnología, rubro farmacéutico, so'o, kamby ha umi osêva chugui. Misión empresarial oisãmbyhy Red de Inversiones y Exportaciones (REDIEX).

Paraguái oime presente feria Berlin gotyo

Oñeñandúvo conjunto Red de Inversiones y Exportaciones (Rediex), Secretaría Nacional de Turismo (Senatur) ha umi empresa privada-kuéra, Paraguái oime
presente 40ª edición orekóva feria mundial de turismo, ohenóiva ITB, oñemotenondéva Berlín, Alemania-pe.

BCP he'i umi depósito ñembyaty ohapejoko inversión

Concentración kakuaa ojapóva sistema financiero ha ahorro mbovymi ojeguerekóva mediano ha largo plazo ohapejoko inversión ha, upéva, desarrollo, he'i kuehe Raúl Ayala, miembro Directorio Banco Central del Paraguay (BCP).

Ñe'ênga

Mbói piketeícha che vare'a.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

26.001

167.322
Ayer

35.756

208.986
Ultima actualizacion:
24/03/2006 23:00:00