Domingo, 16 de Abril de 2006

Efeméride :

+ Ver Más
Temperatura Actual:

(
M.
.

+ Más información

* Ñemombe’u osêva Banco Central del Paraguay (BCP)-gui rupi ojekuaaporãiterei mba’éichapa oñepyrû ojupive preciokuéra ijetu’uve jave interna Partido Colorado rehegua.
* Karai arandukuéra omombe’u tuichaiterei ojupipaha precio rasa ojepoírõ pirapire mercado.

Ary 2006 oñepÿrûvo hetave ojepoi pirapire

* Jasyapy (marzo) 2005 quive -pe guive oñepÿrû ojupi inflación- jasyapy 2006 peve oñeguenohê 1 billón guarani, sa’ive ramo jepe producción upe aja.
* Viru atýra tuichave osê ko ary oikévo, hakuve jave pe campaña kolo’o oiporavo haguã huvicharãnguéra.

Paraguái tuichave inflación oguerekóva Amérika Latina-pe

Pe plataita sêva apytépe Itaipú ohechuka pojera, oguerúvo hetaiterei “ñemoitûrã”, sa’ive oñeñandu haguã tekotevê ha oî haguã tesarái jejopy ha mba’evaígui.
* Ko’ágã katu Paraguái tuichave inflación oguerekóva Amérika Latina-pe: 4% voi ohupyty ko 2006 jasyapy paha peve. Ha ñane gobierno he’i kuri ko arýpe pukukue ndohasamo’ãha 5%!

Tavaygua oha’arõ ohupyty resurrección moral umi polítikope

Ko Pascua de Resurrección peteî araguasu ha’etéva akóinte omombarete ha omyenyhêva mba’e porã pyahúgui mayma tapicha ohahúva Ñandejára. Ko Pascua avei ñanemomandu’a ikatuha ñandepu’aka ñaña, joavy, mano ha mayma mba’evai rehe. Pévare mayma tapicha ojeroviáva omomba’eguasu ko ára, ohechauka ivy’a, omboyke py’aro ha oñemoaguî jevy ambue hapicha rehe, ha iporavéva: omboyke oîva mba’evai ha oñeha’ã ombopyahu hekove. Ko’ã mba’e avei oha’arõ opavave tavaygua mayma huvichágui. Imbarete gueteri ñane retãygua jerovia ikatuha hapicha ombopyahu hekove oha’arõ iporãve ñande sociedad. Hetave jevýnte ndojekuaái mburuvichakuéra ohejaha oike pe espíritu hesekuéra. Hi’ãite va’erã ko Pascua pyahu guahê ohesape ha omohesakã heta apyru’û iñypytûva oñemboyke rupy mba’eporã ha ipore’ÿ rupi moral polítikagui.

Luis Bordón ohóma ombopu iporãve hápe

Ñade arpa paraguái opyta ityre’ÿ, oheja rupi chupe túva katupyryete, karai Luis Bordón, pe Jueves Santo árape. Chupe ojekuaa ndaha’éi ikatupyry rupi arpa mbopúpe año; avei kuimba’ete ha hekove rory ha py’aporã rupi.
Ko’ágã ohóvo ombopu iporãve hápe, oheja 30 disco renyhe imba’epu rory potî porã, ha’e mante ojapokuaa háicha: ijapytépe oî hérava "Arpa paraguaya en Hi Fi", "El arpa y la cristiandad", "Paraguay 80" ha hetave ambue. Luis Bordón hekove reñói raka’e táva Guarambaré-pe, yma 1926-pe, ha upépe jevy oñeñotÿ hetekue, ha’e oipota haguéicha.

Gobierno voi oporomyaña oñesê haguã, he’i mitã pyahukuéra

Ñane Gobierno voi oporomyaña oñesê haguã Paraguáigui, he’i karaia’y ha kuñatãinguéra oñembyatýva ko’ã arete guasu aja oñembo’e ha oñemongeta haguã heta mba’e ojopýva chupekuéra rehe. Estado ndoguerekói política, ndoikuaái moõpa ohose, ndaipóri mitã pyahukuéra rembiaporã ñane retãme. Péicha, Pascua Joven, ko Arapokõindy Marangatu rehegua aja, omboja Gobierno rehe "omyañaha" tapicha os{e haguã oho mombyry oheka hembiaporã. Ojerure mburuvichakuérape hikuái topáma crisis política ha toñehendu ijerure.

Taipoty servicio ha topa soberbia ñande apytépe, ojerure Arzobispo

Mons. Pastor Cuquejo, arzobispo táva Asunción rehegua, oipota taipoty ñande apytépe servicio ha topa pe soberbiavai. Péicha ojerure ange pyhare vigilia pascual aja, tupão guasu Catedral Metropilitana-pe. Pépe ijatu hete tapicha oñembo’e ha ohendu haguã Mons. Cuquejo-pe. Upekuévo omongaraiuka y ha tataindy. Ko pyhare, 11:00 aravo jave oñepÿrûta ambue ñembo’e guasu, ha pépe oñehendúta mensaje de Pascua.

Monseñor Martínez oipota ñamboyke py’aro, japu ha corrupción

Obispo táva San Lorenzo rehegua, monseñor Adalberto Martínez katu ojerure mensaje pascual rupive mayma tapicha tomboyke ijehegui py’aro, pochy, chentese, japu, jejapo’i, ha mayma mba’e ñanembyai ha ñanemomobyrýva ñande rapycha ha Ñandejáragui.

Ndoikói hetave programa

Lidia héra peteî mitãkuami ñandeypykye rehegua ojeruréva limosna mitã’i ijyva’ári guataha kurusu Gral. Santos ha Pirizal-pe. Hendive, hykue ánga ambue 6 mitãmimi oha’arõva chupe tape ykéke, oky aja. He’i itúva oimeha Caraguataý-pe ha isy oikuãve’êha pohã ñana mercado-pe. Ojapóma 1 ary opo hague Tendota guasu he he’i oha’arõtaha 10 ára hasa peve oñeguenohêmbaite haguã ko’ã mitã guatahágui (péva diario kuéra ohechauka rire heta mitã ojeporeka guataha kurusuha rupi). Upérõ oñembosako’i ha oñemongu’e heta tembiaporã, programa ha subsidios, ha katu jahecha ramo oikóva, sa’i iñambue ko mba’e upe guive.

Ndaipóri ascenso FF.AA.-pe, ha mba’eve ndoikói

Ndaipóri ascenso Fuerzas Armadas-pe, ha avave ndohechaukái pochy terã térã py’a tarova. Mburuvicha guasu kuéra okirirîmbaite. ``Mba’eve ivaíva ndapóri ko’ápe”, he’i Elio Flores, verde’okuéra rehegua. José Key Kanazawa, jefe de FF.MM.

Mokõi pistolero ñande ojapi Enrique Galeano-pe

Peteî tapicha osê omombe’u ha’e ohechahague mba’éichapa ojejuka pe periodista Enrique Galeano (omba’apo va’ekue tenda hérava Asote’y-pe) táva Yvy Ja’u-pe ypýpe. Mokõi pistolero ñande ogueraha chupe ysyry rembe’ýpe ha pépe ojuka chupe. Péicha omombe’u táva Concepción guive Telmo Ibáñez ha Freddy Rojas.

Yacyretã omohesakãva’erã ko’ágã tembiapo Aña Cua rehegua

Tembiapo usina auxiliar jejaporã brazo Aña Cua-pegua ko’ágã itapykue mivéta, oñemohesakãmba peve jerovia’ÿ ojeréve ko tembiaporã rehe. Péicha he’i tendota Oscar Nicanor Duarte. Ndojekuaái araka’e pevépa ipulúta koñeha’arõ.

Omoñepÿrûva’ekue sarambi ojerureva’erã disculpa

Tendota guasu pe omoñepÿrûva’ekue ko crisis ipukúmava, ha ha ha’e he’iva’erã ojejavy hague ha ojerure va’erã disculpami jepe oviola haguére Constitución Nacional. Péva Mons. Ignacio Gogorza, Conferencia Episcopal Paraguaya (CEP) omyakãva remiandu.

Ojejeruréma juicio politico umi ministro kolo’o-pe guarã

Oguenohêvo pe fallo Nivanor ikatu haguã omyenonde ipartido, umi 5 kolo’o Corte Suprema-pegua omoñepyrû kuri sarambi ne’îrava gueteri ijapýra. Ko’ágã ojejeruréma juicio politico Víctor Núñez, Wildo Rienzi, Raúl Torres Kirmser, Antonio Fretes, Alicia Pucheta-pe guarã.

Ejecutivo ohechaporã Mons. Cuquejo jerure

Poder Ejecutivo-pe guarã, iporã pe ñemongeta diálogo oposición ha Gobierno, ojerue haguéicha monseñor Pastor Cuquejo. "Tapicha marangatúva mante oñe’êva péicha ha oipotáva oposición toñemongeta, ikatu haguã osê ñane retã ko karuguagui. Ko pa’ã ñande gueraha vaivéta ko’ýte nañañomoirûmbái ramo", he’i Luis Alberto Castiglioni, vicepresidente de la República.

Senador oposición rehegua omomarã Cuquejo ojeruréva

Senadorkuéra oposición rehegua omomarã monseñor Cuquejo jerure ñemondeta rehegua opáma haguã crisis polkítica. Mateo Balmelli (PLRA) he’i ndaikatuiha oiko diálogo ndaipóri ramo Nicanor ojapo tenonderã rectificación ha autocrítica. Patria Querida ha Unace-pe guarã tekotevê Tendota he’i ojavyhague. Carlos Filizzola katu oipotante tesarái, tojevy py’aguapy he ñemongeta oñondivepa.

Oñemongu’e jevýta Ligas Agrarias Cristianas

Peteî aty guasu oikoháhe mandu’a 30 ary ojehu hague Pascua Dolorosa, Constantino Coronel -kóva omoirûva’ekue Ligas Agrarias Cristianas ñepÿrûrã- omobe’u kuehe oñemongue’e jevytaha umi liga agraria, ha oñeha’ã jevytaha omba’apo ikerayvoty ipotapy rehe. Péicha omombe’u táva Santa Rosa (Misiones) guive Rafael Marcial Montiel. Oñembojoajupa jevýta hukuái omba’apo haguã cambio estructural pypyku rehe.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	22.431	129.217
Ayer	22.139	147.112
Ultima actualizacion:
16/04/2006 00:00:00

Domingo, 16 de Abril de 2006

Interna kolo’o rupi ra’e oho árare pe inflación