Domingo, 28 de Mayo de 2006

Efeméride 1872: José Antonio Alves de Carvalho es nombrado Cónsul del Paraguay ante el Imperio del Brasil.

+ Ver Más
Temperatura Actual:

(
N.
.

+ Más información

* Are rire, kuehe ojekuaa mba’épa odeclara ra’e jasypa (octubre) ary 2005-pe Hernán Román Duarte, pe malevo he’iva’ekue oike hague avei pe asalto apópe, ojejuka hague aduanera Yolanda Benítez.
* Duarte omombe’u oikuaa hague hikuái Yolanda ha iconcubino, pe doctor Amado Peralta, ogueruha hína ra’e heta pláta piriri, coima rupi oñembyatyva’ekue Aduana-pe.

Fiscalía oñemokirirî ha ndojeporekái Duarte oñe’ê rire

Oikuaa avei pe pirapire onohê hague Peralta peteî tenda táva Ciudad del Este mbytégui. Fiscalía katu, oikuaarire ko mba’e, oñemokirirî ha ndojeporekái hese. Upe riremi, ára 11 jasypakõi (diciembre) jave, avave ndoikuaái mba’éichapa, Duarte ombovu kamisa lómo ka’irãi táva Coronel Oviedo-peguágui.

Gobierno Wasmosy ha'e pe ipokarêveva'ekue ra'e

Gobierno Juan Carlos Wasmosy(1993-1998) oguerovia ciudadanía ha'éha pe ipokarêvéva Paraguay-pe, péicha oikuaauka encuesta nacional porarê ojehecháva pokarême, péva ojekuaauka ambue árape Transparencia Paraguay (TI) rupive, hapykuéri administración Luis González Macchi(1999-2003). Ko tembiapo oiko peteî acuerdo oñemotenondéva diciembre 2005 guive, enero ha febrero 2006-pe.

Yvyryrýi ojuka 3.000 tapicha Indonesia-pe

Peteî yvyryrýi guasu ojuka kuehe 3.000 tapicha tetã Indonesia, Ásia-pe. Péva oñemombe’u ange pyhare peve. Tuicha sarambi opyta jevýma pe nda’aréi oikoma haguevoi pe sunámi guasu ary 2004 pahápe. Ko’ágã, umi oikovéva apytépe oime tapicha ñane retãygua, ha hendive kuéra ojekuaa mokõi pelotéro: umíva Vidal Cabrera ha Adolfo Fatecha, ohuga va’ekue Olimpia-pe.

Pueblo remiandu corrupción rehe ha'e tovajepete mburuvichakuéra apytépe

Peteî encuesta pokarê reheguáva omyakãva Transparencia Internacional omoî de relieve ombotovéva ciudadanía orekóva Estado oguataháicha. Hasyeterei pero omyesakã, población ohechakuaa mbohapy poder Estado orekóva ha'éva corrupción, oiméva: Congreso, Poder Judicial ha Ejecutivo-pe. He'iséva tuicha apañuãi Paraguáipe ojopýva, poha tendápe ary 2004rõ ha 2005-pe, oikémariundýha tendápe. He'iséva pueblo ohecháva corrupción Gobiernope oñemopyenda. Oporomondýi senador ha diputado-kuéra ojehecha franja oîhápe pokarê. Kóva ha'e núcleo esencial clase política ohechaukáva vanguardia tekovaíha.

Dólar omohu'ãta ko jasýpe jupi'imíme

Dólar americano oñemohju'ãta operación orekóvo signo de recuperación péva oñembojojávo arapokõindy ambuépe ojehecháva tuicha ho'áha. Péicha ko divisa
EE.UU-gua orekupera jey 180 punto arapokõindy jasypo ohóvape ohasávo
G. 5.520-gui amo G. 5.700 mercado comprador minorista-kuérape.

Arapokõindy oikévape ojekuaáta gas oî ramo térã ofaltáta

Ára ouvape ojehecháta gas precio pyahu péva ojeporúva óga pype ha péicha upe
suministro oúva Argentina guive hendaitépe térã ñane retãme jasypokõi oúvape.
Estimación oúva sector privado-gui ome'ê peteî ajuste pyahu 300 guaraníes por kilo omoherakuã.

Transferencia G. 85.000 millones cuenta orekóva AFD rehe

Ministro de Hacienda, Ernst Bergen, directivo AFD omotenondéva presidente César Barreto, omohu'ã transferencia ojapóva. Ko'êrõ lunes oprotocolisáta
transferencia G. 85.000 millones del Fondo de Desarrollo Campesino (FDC) pe
Agencia Financiera de Desarrollo (AFD)-pe omoñepyrûva operación ko arapokõindýpe. Péicha avei, oñembohasáta US$ 12 millones UTEC-BCP.

Cooperativa ome'ê excendente US$ 1,2 millón

Cooperativa Medalla Milagrosa ohupytývo ejercicio 2005 oreko utilidad ohasáva
G. 7.000 millones (ha'éva US$ 1,2 millón). Mburuvicha, Miguel Angel Verdún, he'i ko cifra ohupyty récord organización omotenondéva ha'e kóva ojupíva
emprendimiento tuicha impacto social omyakãva peteî escuela deportiva ombo'éva opáicha disciplina péva ohupytývo aptitud física ohekávo bienestar corporal.

Osê sobreseimiento Martínez Picco-pe

Mburuvichakue Aduana-gua, Wilson Martínez Picco omondo peteî nota ore diario-pe
imandu'ávo upe nota oñemoherakuãva 25 de mayo ohasávape. "Proceso contra aduanero oguéva noepenáigui Corte".

Temimbo'e hyegusúva ohupytýta pytyvõ económico municipalidad-gui

Peteî proyecto de ordenanza omoheñóiva programa municipal pytyvõ temimbo'épe
umíva adolescente ha'éva umi mitãkuña hyeguasúva oñemoarandúvo oikóvo, péva ani haguã oheja upe estudio, péva opresenta concejala Ana María Ferreira Melgarejo.
Péicha Comisión Asesora de Equidad Género ha Legislación de la Municipalidad de Asunción oestudia ko propuesta normativa reheguáva ohupyty potaitéva dictámen.

Mitãnguéra mboriahúpe oñeme'êta juguete mimi

Red Paraguaya Desarrollo Humano-pe guarã, REPADEH, ome'êta donación de juguetes péva Gobierno de la República de China (Taiwan), ome'êvo umi mitãnguéra oikotevêvéva tetãme.

Carbón oho Brasil gotyo ka'ípe "péva ypotykuru voi" Kanindeju gotyo

PINDOTY PORÂ, Kanindeju (Rosendo Duarte, corresponsal). Oñemotenondévo apañuãi ombohováiva brasileño-kuéra Bolivia ndive gas káso rehe, oñembohetáve carbón paraguayo Brasil ojoguáva. Ko negocio oiko ilícitamente, ojehekýivo yvyramáta ha umi tuichavéva oiñeikuave'ê comercialización internacional rupive.
Ko acuerdo de cooperación oñembohováivo tráfico ilícito de madera (ley 551/95) Paraguay ha Brasil ndive, ha'e ley muerta mburuvichakuérape guarã.

Ka'a rehe oñemoñe'ê hikuái oipotágui tratamiento especial

85% ka'a oñevendéva EE.UU. gotyo heñói ka'aguy paraguayo guive.
Péicha estudio ohaíva Paraguay Vende ha Rediex he'i, ko medida ka'a omombaretéve ha oñemohenda porãiterei upe subcategoría categoría de infusión-me, ha oñemopyenda hekoitépe, osêvo familia del “camelia sinensis te”-gui,
péicha okakuaavéta proyecto omyakãva.

Omoañete inversión yvy ha'éva yvyete ijeheguíva

Karai Armando Pepe, Esperanza Cánepa (centro) ha Lucía Cánepa. He'i inversión neporãvéva ha'e yvyete, ha'echávo ko'ã ary ohóva ha omoañetéva ymaite guive
ko'ágã katua, he'i Armando Pepe, omyakãva empresa inmobiliaria argentina oraháva ko téra voi. Ko empresa, inmobiliaria Cánepa & Cánepa Uruguay-gua ha
Inmobiliaria del Este ñane retã Paraguáigua omopyenda peteî alianza estratégica omoherakuãvo negocio inmobiliario envergadura Mercosur-pe.

Oñomongetávo gente oguahê tesakãme Centro de Arbitraje ha Mediación rehe

Apañuâi heñóiva o0paite ámbito-gui ikatu omohu'â py'aguapýpe tekotevê
ohupytýva umi tribunal justicia ordinaria-gua, omoañetéva abogada Silvana Marighetti, directora técnica ha servicio-gua, Centro de Arbitraje y Mediación Paraguay (CAMP), Cámara Nacional de Comercio ha Servicios de Paraguay-gua.

Chipero sy oipota oñeinvestiga umi mba'apohára MEC-guápe

EUSEBIO AYALA (redacción regional). Elida Gaona de Giménez
(47), ha'e Daniel Giménez Gaona (27) sy, oiméva preso Takumbúpe cheque
ñemondáre Ministerio de Educación-gui, ha'e omoañete imemby kuimba'e ha'éha peteî chivo expiatorio. Péicha he'i Delitos Económicos Policía Nacional-pe ojokóva idocumento (cédula).

"Ikatu jaikuaa peteî ára jaikove haguã"

Premio Nobel de Medicina 1993, Richard Roberts, oiméva Paraguáipe.
Pe ojejuhúva ha'e upe base de estudios ikatúva omotenonde salud
mundial. "Pe apytu'û yvypóra orekóva oî ñembokakuaápe. Ikatu mba'e oguahê pe jaikuaávo peteî ára jaiko porãve haguã py'aguapýpe", he'i kuehe, peteî conferencia de prensa-pe.

Ko arapokõindýpe ojekuaáta gas ojupíha ha oîtapa faltante

Árapokõindy oúvape ojehecháta gas licuado ojeporúva oga-kuéra rehe. Ha péicha
oúva Argentina guive jepiguáicha térã ñane ret0πme guarã junio oúvape.
Oñeha'ãrõ sector privado ome'êha upe ajuste ha'éva 300 guaraníes por kilo.

Ou atropello oikova'ekue empleado Victoria-gui

Instituto Nacional de Desarrollo Rural y de la Tierra ndohejái oike
85 tapicha okobra haguã isuekdo abril reheguáva. Ko'ãva empleado Victoria SA péva Puerto Casado-pe, kóva oficina administrativa oñembotýva oúgui peteî
disposición abogado Eduardo Bernal-gui, asesor jurídico presidencia del instituto-gua. Indert oisãmbyhy ingeniero Erico Ibáñez.

Diputada oipytyvõ oñemosê haguã umi acusado káso Cecilia

Diputada Julia Ramos, vice presidenta Cámara de Diputados Bolivia-gua, ome'ê iñe'ê añeteguáva oipytyvõ haguã Mirta Gusinky-pe omosê haguã umi paraguayo
Angel Acosta ha Blas Franco, oje'éva ha'ékuéra pe omongañy ha ojukáva Cecilia Cubas-pe. Pëicha parlamentaria oñeinteriorisa ko káso rehe, péva oñomongetávo
Congreso-pe arapokõindy ohasávape.

Ojeheka tape ani haguã oñehundi so'o

Kure ro'o ñane retã mba'éva oñemondo potaite Rusia gotyo. Péva triangulación ojejuhúva ñane retãme ikatúva ombyai ha ohundi mercado guasu ñande so'o
paraguáigui ohóva mercado ruso-pe.

Paraguayo ojoguáma US$ 45 millones Iquique Chile-gui

Oje'epyme'êvo umi empresa oñeinstaláva sistema franco Iquique, Chile gotyo, oúva Paraguái gotyo ohupyty 45,9 millones de dólares (CIF) oñemboguatáva ary
2006-pe, he'iséva ojupíha 36,2% enero guive-abril 2005 peve. Ko rubro electrónica reheguáva ha'e pe ojeguerohoryvéva connacional rehe, he'i upe marandu de prensa nación transandina-gua.

Universidad Nacionakuéra oheka tape ambue

Oñeha'ãrõvo debate reforma universitaria rehe ojehu oikóvo ha, ojehecha
mbo'ehakoty facultad ymaite guive oîva Paraguaýpe(Asunción), ha'eva'erã
universidad nacional ipyahúva Paraguay-pe. Kóva peteî tradición histórica
oñemopyendáva teko ha jepolkuaa orekóva resistencia, ipore'ÿ ohechauka pytyvõ
ha jehechakuaa oñeikotevê oñemoambue pya'emínte avei.

Oñemokyre'ÿva'erã opavavépe omoñe'ê peteî libro

Emina Nasser de Natalizia, ha'éva especialista Lengua ha Literatura-pe, omotenondéva heta ary docencia a conciencia. Ha'e he'i mba'éichapa ko'ã árape tekombo'e, cultura, lenguaje ha ambue mba'e orekóva tuicha significación sociedad ryepýpe.

Blas Llano ojerúre Ejecutivo-pe toipe'a ministro del Interior-pe

Ministro del Interior, Rogelio Benítez, oiko ambue tetãme ndaha'éiva Paraguay, upe puesto ndojoguáiva oiméha inseguridad ho'ava tukumboícha tetãme, omoañete titular PLRA-gua, Blas Llano, péva gira ojapóva opa distrito ojeipysóva Itapúa rehe.

Choguykuéra omopu'ã Senado ñesãbmbyhy ha oñombohovái mbarete porã hese

Umi senador choguy Armando Espínola ha Cándido Vera Bejarano, oikeséva oisãmbyhy haguã Senado presidenciae periodo legislativo oúvape, ombotove ñe'ê omoherakuãva Eusebio Ramón Ayala, he'i niko upe cargo oñeme'êva'erãha oviedista-kuérape. Bancada PLRA odefiníta itendota 14 de junio oúvape ha oiméta senador-kuéra PLRA-gua oiméva interesado omyakã haguã upe cargo.

ÑE’ÊNGA

Huguái kapi’i oguerokyhyje

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	25.822	199.571
Ayer	30.688	205.502
Ultima actualizacion:
28/05/2006 00:00:00

Domingo, 28 de Mayo de 2006

Artículos más leídos