abc Google  
Marandú

Ministro he'i oitýtaha tukumbo umi omyakãva tembiapo vaíre

Ministerio de Agricultura y Ganadería (MAG) oguahê peteî ñe'ême ointervenívo mbo'ehao agrícola departamento San Pedro-gua, oîva Santa Rosa del Aguaray-pe,
ojekuaa rire oñeñotÿha marihuana reserva orekóvape, he'i péicha tendota guasu
Estado-gua, Carlos Abel Santacruz.

Gogorza he'i mbarete porã, Lugo ndikatúiha omyakã concertación

ENCARNACIÓN (redacción regional). Tupão Católica Mons. Fernando Lugo ndikatúi oñemoî tendota ramo concertación opositora-pe, péva opropone kuri partido Patria Querida, upéva rehe oincursionáta política-pe, he'i kuehe obispo de Encarnación ha presidente Conferencia Episcopal Paraguaya (CEP), Mons. Ignacio Gogorza. Imandu'ávo obispo-kuéra ndive ñomongetápe CEP omyakãva Tupãrendápe upe arapokõindy ohasávape.

Obispokuéra oipytyvõ Monseñor Lugo-pe

Jepénte ko'ã Obispo oipytyvõ ha omonéî tembiapo omyakãva he'i ha'e ndikatúiha
Mons. Lugo, oñemoî tendota ramo concertación-pe.

Vy'aguasu telefonica Estatal, pueblo ro'óre

Ojekuaa oîha vy'aguasu telefonica estatal-pe ha péva pueblo kostilla rehe
Copaco omongañy pérdida ha'éva US$ 2 millones jasýpe.

ABC REMIANDU

Estado ijusticia ÿva osê “banda de ladrones”-pe. Peteîha encíclica Papa Benedicto XVI, “Deus Caritas est” (mborayhu cristiano), omoinge San Agustín ñe'ê, ojoguáva ohaíha ko'ã árape tiempo ha tetãme: “Remota itaque iustitia, quid sunt regna nisi magna latrocinia”. He'iséva, Peteî Estado nomoañetéiva justicia, oguejýta mondaha aty. Okakuaa política Paraguáipe, oikéva omanda sector excluyente, osêva Estado ha'éva partido ñemombuku, ha paradigma agustiniano ñemotenonde. Jesareko hegemónico oikéva poder administrador avei
sistema de justicia-pe, ha'éva peteî segmento independiente ha apartado presión política-gui. Consecuencia isarambíva, grave detrimento léi imperio-pe ha omomýiva ñe'êjoja ha tekojoja.

Reserva Intenacional okakuaa US$ 183,1 millón poteîha jasýpe

Nivel de reserva internacional neta (RIN) ohupýtýva US$ 1.464 millones oñembotývo peteîha arapokõindy ko jasýpe, péicha he'i Banco Central del Paraguay (BCP). Kóva cantidad omarkáva okakuaáha US$ 183,1 millones ohasáva ko arýpe.

Abogado Banco Central ha IPS ipirapire heta juicio de quiebra rupive

Upe quiebra banco-kuéra opermitíva enriquecimiento abogado-kuéra Banco Central del Paraguay (BCP) ha Instituto de Previsión Social (IPS) péva cobro millonario honorario-kuéra rupive, heta ára ohasáva G. 2 mil millones ha peteî juicio-nte. Ko'ã juece he'i astronómica regulación ojejapóva léi rupive péva ikatúva omoambue kóva. Ko'ã resolución, oikéva ohecha ore diario ha upéva rupive
justicia omoî exorbitante monto umi letrado hembiapo rehe "trabajos" omombaretéva sospecha orekóha existencia rosca peteîva, ojoguávo ko'ágã
ndikatúiha ojejuhupyty, jerpénte oreko intervención Sindicatura General odisponéva Corte.

Contralor nomombe'úi supuesto daño ohasáva Caja ovendévo umi bono

Contraloría General de la República odenunsia upe arapo árape, Fiscalía General del Estado rovái, directiva Caja de Jubilaciones ha Pensiones Personal Municipal orekóva supuesto perjuicio ojoguávo umi bono del Estado.

Contralor ommbohape marandu omyesakãva negociado vial Planás omotenondeva'ekue

Omondóva Parlamento-pe upe marandu ombo'opívova negociado "empedrado chino" reheguáva ha'eháicha upe mbotove oficial Contraloría General de la República ojapóva, tendota ko tendápegua, Octavio Airaldi, omyesakã manipulación oîva
auditoría-pe upe "blanqueo" oikóva fraude vial rehe.

Liberalismo paraguayo hi'aramboty 119 ary

Choguykuéra paraguayo ogueromandu'a 119 aniversario heñóihague Centro Democrático, kóva Partido Liberal Radical Auténtico. Oisãmbyhýva ko'ágã diputado Blas Llano, omotenondetáva ko vy'a guasu. Acto central óga guasu partidario-pe, Vicepresidente Sánchez ha Herrera, 10:00 aravo jave.
Llano ome'êta marandu partido rehe opavave ikorrelípe.

Conmebol omboty 90 ary oikovéha

Confederación Sudamericana de Fútbol (CSF), omboty ko árape 90 ary heñóihague
, péva ijojávo Copa del Mundo de Alemania paha oñeha'ãvape. Upéva rehe ko acontecimiento tuichaitereíva ha oñemomba'eguasúva, institución omoherakuãva Nicolás Léoz -oiméva ko'ágã Berlín gotyo oasistívo Italia vs. Francia- ñeha'ã.

Umi oikóva Paraguáipe oñembyatýta ha ohecháta vakapipopo ñeha'ã

Comunidad residente italiano-kuéra oiméva tetãme ikatúta oiporavo ko ka'arúpe
partido paha Copa del Mundo de Alemania oha'ãtáva Francia rovái. Oreko mokõi tenda tradicional ha'éva colegio Dante Alighieri, oîva Alberdi ha Humaitápe, upépe oipe'áta hokê ikatu haguã maymáva oguerohorýva ko ekípo ohecha "tifossi" péva 13:00 aravo guive (partido paha peteî aravo rire oñepyrûta). Pantalla gigante oinstaláta ikatu haguã ohecha ñeha'ã iñirûnguéra ndive.

"Kóva kuatiañe'êryru renda oñeikotevêtereíva"

Haihára Franciso Pérez-Maricevich omomba'eguasu emprendimiento cultural omotenondéva diario ABC Color ha Editorial El Lector. Péva omoherakuãvo umi tembiapo ojapóva ñe'êpapára ha haihára Paraguái mebýva guive ohechaukágui hetaiterei oîha ikatupyryetereíva jeha´pipe ñane retãme. Péva imandu'ávo biblioteca popular de Autores Paraguayos, Editorial El Lector ha ABC Color, omotenondéva kuaandy rekávo.

STP oî EXPO-pe

Secretaría Técnica de Planificación (STP) oî presente peteîha árape Expoferia Internacional de Ganadería, Industria, Agricultura, Comercio y Servicio rembiasápe, kóva edición número XXV oñemotenondéva 8 guive 23 de julio 2006 peve táva guasu Mariano Roque Alonso-pe.

Ñemoarandu alternativo

Peteî taller alternativo teatro, cerámica, reciclado ha educación física, oñemotenondéva ambue disciplina-kuéra ndive, oñemotenondéta ko'êrõ guive ágã
21 jasypokõi meve, omotenondéva 3 a 8 ary, péva 9:00 a 12:00 aravo peve, Club Universitario Rugby de Asunción (CURDA). Kóva inscripción, ikatúva oñehenói
tels. 681803 ha (0971) 919335, térã omondo mail a andreamartinessi@gmail.com.

Mitãpyahu oñembo'e kuehe omomba'e ha oguerúvo umi teko porã opáva ohóvo sociedad-pe

Temimbo'e colegio técnico ha soldado comandos de ingeniería, comunicación ha infantería-gua omotenonde hikuái kuehe procesión oguahêva santuario de Cristo
Rey peve. Hembipotápe oguerúse jey valores morales ha sociales okañýva ohóvo tetãme ha ñande tavayguakuéra apytépe.

ODD oho omomaitei Duarte Frutos-pe ha oñe'ê jahechápa ndojojaúi jey partido kolo'o

Osvaldo Domínguez Dibb oñepresenta kuehe guardia Mburuvicha Rógape ha oexigi
ojeresivi haguã ichupe Mburuvicha Guasu Nicanor Duarte Frutos. Oha'ãrõ'imi rire empresario tabacalero oñomongeta mandatario tetã oisãmbyhýva ndive.

Ñe'ênga

No quiero que nadie sepa esto, he'i oipotáva ojekuaapa.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

31.797

349.895
Ayer

33.174

362.795
Ultima actualizacion:
09/07/2006 00:00:00