abc Google  
Marandú

Oposición o joko mokõi crédito ha omoha'ãrõ renta personal

Añetehápe "arapo hû" gobierno Nicanor-pe guarã. Diputado-kuéra omondóva enero 2007 guive impuesto ñemohenda renta personal rehe, ombotovévo Ejecutivo veto, presupuesto ary reheguáva operde G. 25.000 millones. Senador-kuéra, ombotove mokõiha préstamo ohupytýva ha ohasáva 200 millones de dólares, peteî oñedestináva ome'ê haguã fondo Agencia Financiera de Desarrollo-pe ha ambue represa río Yguasúpe. Ohustifika postura "soberbia" ha "umi constante violación Constitución ojapóva Duarte Frutos", he'i bloque opositor vocero. Kuehe diputado oposición-gua, umi kolo'o disidente ndive, oikuaauka manifiesto ndoipotáiva Nicanor reelección.

Espinola omongavaju Adriana-pe

Imandu'a ojeporavo hague ha'e haguã oposición, pero ha'e, otraiciona upe mandato, ha ojededica ogana punto oficialismo ndive.
Omokyre'ÿ Adriana-pe, ome'ê jey haguã peteî vehículo ha'éva cámara ousufructúava ilegalmente ha ojejerureá avei telegrama ohasáva heta jasy.

"Aquiles" ohoovisita Lino César-pe

Capitán club popular tetãmegua, Cerro Porteño, Carlos "Aquiles" Báez, oho ovisita kuehe Lino César Oviedo-pe, péva kársel militar Viñas Kuépe. Báez oike ha'eño ha oñomongeta 60 minutos rupi preso ndive. Jugador oregala peteî remera de Cerro ha general ome'ê ichupe peteî remera blanca oñemoñe'êva: "Libertad a Lino-ó". Jugador ojesolidarisa Oviedo situación rehe ha he'i chupe taimbaretéve.

Evanhy oñemotenonde tuicha

Mok45i jasy municipales jeporavorã, tendota kolo'o Evanhy de Gallegos okakuaa ha omopyenda 44,3 por ciento intención de voto; mokõiha tendápe, 20 punto ojoavýva, oime senador patriaqueridista Miguel Carrizosa. Upéi choguy Jorge Léoz orekóva 9,3 por ciento ha Rafael Filizzola, País Solidario-gua, 7,5 por ciento. Ambue dato relevante ha'e 70 por ciento asunceno oipota alianza oposición. Omoñepyrûva publicación diaria péva lunes oúva encuesta omyakãva, ojeruréva ore diario, consultora First Análisis y Estudios-pe.

Argentina omboapura paraguáipe oiporavo haguã embajador

Gobierno argentino ojerúre diplomáticamente Paraguáipe toiporavo peteîha embajador Buenos Aires-pe, oikuaauka canciller Rubén Ramírez Lezcano. Jepénte ko'ágã peve ndoikuaái tendota mávape, ministro ohustifika umi senadores opositores mayoria omantenéva peteî postura política ombotovéva acuerdo embajador-kuéra rehe.

He'i hikuái senadora ha'eha chupam,edia ha oñe'êréiha

Adriana Franco de Fernández (ANR) ha Armando Espínola (PLRA) opu'ã ojeuhe ñe'êreitýpe Senado ryepýpe. Senadora nopenái orden ome'êv aichupe Espínola, omyakãva sesión orekógui calidad de vicepresidente primero ha ojerurégui
ani haguã imandu'a discurso-pe crédito rehe, ojapova'erã oîgui orden del día-pe. Adriana nopenái indicación ome'êva ichupe ha oñe'ê jey haimete 10 minutos ombotovégui oposición crédito oîva, he'ívo ohóha interes ciudadano contra-pe.
Espínola oñe'ê ha he'i discurso ikolega hi'agraviante para la inteligencia de los legisladores, "ñe'êrei, hekope'ÿva senadora omoñe'êva ha oguerúva, chupamedismo avei miseria humana imandu'ávo oposición-re". He'i peteî "disparate" ha naipaciencia-véima he'i senadora.

ABC REMIANDU

Comedia tetãnguéra noñealineáiva. Oguata La Habana gotyo, upe XIV Cumbre umi oñehenóiva Países no Alineados. Ko aty, heñóiva 1961 jave ombyaty haguã umi tetã no alineado órbita Estados Unidos-pe ha upéicha Unión Soviética, supuestamente omantene omombyry Guerra Fría oîva, ha'éva fracaso iñepyrû guive. Omoañetévo ojekuaa va'erã iñepyrûmby guive oikéva umi tetã oñembotapykuéva planeta-pe, ojekuaáva dictadura vaíre, Cuba kásoicha. Umi 116 tetã miembro, ndaipóri ni peteî okakuaáva término económico, político ha cultural-pe. Upéicha,ikatúta oje'e Movimiento de Países no Alineados añetehápe oime “alineado” .. oñembotapykuévo (fracaso).

Obispo ojepy'amongetava'erã Lugo postulación rehe

Obispo Misiones ha Ñeembukúgua Mario Melanio Medina, he'i mundo ndopáiri Lugo ojepostula ramo presidencia de la República-rã. Ha'éve katu, osugeri umi obispo oñembyaty haguã ha ojepy'amongeta tesape oikotevêva pueblo rehe, pa'û orekóva Mons. Fernando Lugo tendotarã. "Ojehecha ichupe pueblo tabla salvadora ramo oñapymíva ohóvo miseria-pe ha ndorekovéi moõ gotyo oñeprendéta",
oreflexiona. Oguerovia ha'e, iporãve oñeñomongeta porã Roma ndive oipe'a haguã upe pa'û. "Ñande avei jaguereko acuerdo a los tiempos ñemopu'ã", oasegura.

Aty guasu táva Encarnación gotyo

Editorial Servilibro ombosako'i kyre'ÿme mokõiha Libroferia de Encarnación heta tembiapópe. Ko árape oñepyrû, 9:00 aravo jave, oñepresentáta aranduka "Relatos para adolescentes" Milia Gayoso Manzur ohaiva'ekue, auditorio Biblioteca Pública-pe upe távape.

Ko'ãva Paraguái memby ojeguerochichîvéva

Talento ha ñeha'ã jepytasópe cineasta Paz Encina ha ñoha'anga ha'ãha Ramón Del Río ha Georgina Genes, directora ha protagonista Hamaca paraguaya-gua, ojeguerohory kuehe Junta Municipal de Asunción-me, ha'ékuéra oñegalardona ha oñembohéra "Hijos dilectos de la ciudad".

ABC ha EL LECTOR oinauguráta ko'êrõ ñemoarandu mbo'ehárape guarã

Ko'êrõ oñeinauguráta curso taller de capacitación para docentes, ombosako'íva diario ABC Color ha la editorial El Lector escala nacional-pe. Ko ñemoarandu oñepyrûva oñembosako'íta Paraguay ha Villarrica-pe, ha gratis participante-kuérape.

Indígena orekuperáse léi archivada Parlamento-pe

Indígena opavave etnia-gua orecuperáse Ley 2822, "Estatuto de los pueblos indígenas", osancionáva ary ohasava'ekuépe, ojearchiváva oveta rire Ejecutivo.

Oestima hikuái 3.000 plano obra opytáva Asunción-pe

Haimete 3.000 plano obra opytáva Municipalidad de Asunción-pe, upe institución nome'êigui expediente ha ndaipóri funcionario ojeresponsavilisaséva aprobación rehe péva oiko rire heta mba'e vai Ykua Bolaños-pe. Ko situación ndoporomokyre'ÿi ha omboguata ilegalidad ha péva oporopy'apy ko'ágã.

Paraguay nomoañetéi compromiso capa de ozono reheguáva

Umi tetã oreko compromiso ha'éa sistemática reducción gas omokãva capa de ozono. Paraguái ndojapói oikóvo, jepénte oasumi compromiso, ha oexpone sanción comunidad internacional-pe.

Consejero oasumíta caja comunal jey

Consejo de la Caja de Jubilaciones y Pensiones del Personal Municipal orekóta peteî tekove pyahu oikéva miembro ramo Tribunal Superior de Justicia Electoral-pe, ha omomarandúva directiva, ha'éva entidad orekóva sentencia 671 Corte Suprema de Justicia rehguáva, 8 de agosto ohasava'ekue, opyta firme ha ejecutoriada.

Ome`êta hikuái ko árape becas Alban

Delegación Comisión Europea oiméva Paraguáipe, oipytyvõva Universidad Nacional de Asunción (UNA)-pe, ha'éva punto focal tetãme, ome'êta beca programa Alban
umi estudiante ojeporavóva ñane retãme, péva curso académico 2006-2007-pe guarã.

Limpeño-kuéra tasyo nomomabueséi

LIMPIO (Cirilo Ibarra, corresponsal). Representante opaichagua sector-gua comunidad, omyakãva intendente Francisco Aveiro (PLRA), ojerúre director tasyoguápe, Dr. Rodolfo Romero Caballero, ani omonéî upe cargo. Inombramiento miércoles ohasava'ekuépe oikévo Dr. Luis Antonio Canata rekovia ha, oñedenunsiháichaa, ha'e presión política-pe.

Oñotÿ hikuái Paraguáipe

LIMPIO (corresponsal). Párroco upe tavapýgua, pa'i Rafael Tanasio, otaky katue Dr. Gustavo Pereira Bello rembiapo rehe. "Ko'ágã ndikatúi ñapermiti tou hi'operador político ooisãmbyhy jey hospital", he'i pa'i.

"Oipiro centro asistencial"

LIMPIO (corresponsal). Dra. Eulogia Galeano, directora médica tasyo materno infantil ko távaygua, he'i procedimiento nondojejapóiva hekópe, omotenondéva Dr. Luis Antonio Canata ñemoambue. "Oguahê hikuái hi'oficina peve peteî secretario Ministerio-gua, peteî nota ha omoirûva Dr. Rodolfo Romero. Ome'êva kuatia, omopyendáva nombramiento director pyahu", he'i.

Ministro he'i ohekánte omyatyrõ hembiapo

LIMPIO (corresponsal). Ministro de Salud, Dr. Oscar Martínez, omyesakãvo Dr. Luis Antonio Canata jehekýi materno infantil sãmbyhýguyi, omoañete ndohecháiha tembiapo porã upe profesional-gui. "Avei, Limpio omerece peteî profesional ikatupyrýva Dr. Rodolfo Romero-icha", he'i.

Merkosur oipytyvõnte Empresario-kuérape, he'i edil

PILAR (Clide Noemí Martínez, corresponsal). Umi traba oîva tránsito fluido oiméva Pilar ha Puerto Cano ndive, provincia Formosa, ohechauka Mercosur oipytyvõha empresa kakuaápe ha ciudadano común-pe, péicha he'i concejala departamental Ludmila de Sánchez (PQ). Mburuvichakuéra oapeláta gobernador de la provincia de Formosa, Cancillería nacional ha argentina otrata haguã oresolve umi apañuãi ha ome'êvo garantía pasajero-kuérape.

Ñemoarandu educación ambiental rehe

FILADELFIA, Chaco (Marvin Duerksen, corresponsal). Ko árape omohu'ã peteîha taller de capacitación didáctica péva manejo sostenible recurso natural péva Chaco sudamericano-pe. Ko evento mbohapy ára jave ombosako'i agencia de cooperación alemana GTZ h oipytyvõva entidad gubernamental, iñambuéva.

Apañuãi ý potî ha oñepohãnova rehe

LIMPIO (Cirilo Ibarra, corresponsal). Ipukúma ha oñeikotevêve ko távape, oreko hikuái problema ndaipórigui agua potable comunidad limpeña Pikete Kuépe. Ohasáma peteî ary porã umi gente omyakã medida de fuerza, péva Junta de Saneamiento róga guasúpe, omoî administrador Hiram Zárate akã rehe ndaipóriha ko vital líquido.

Fiskalía ointerveni municipalidad oinvestigávo arka sakeo

CIUDAD DEL ESTE (redacción regional). Fiscal Alfredo Acosta Heyn ointerveni
kuehe Comuna oinvestigáva sákeo arca municipal ha'éva mafia oñeempotráva peteîha tendápe. Kaso peteîha ojoajúva tributo pago rehe ha'éva upe firma "Baltimor Internacional", presuntamente ojedesvia 80 millones de guaraníes. Intendente interino, Carlos Núñez (PLRA), ha asesoría jurídica oautorisáva negociado.

Opói "caza de brujas añetéva"

CIUDAD DEL ESTE. Asesor jurídico comuna esteña abogado Ramón Esquivel, odeklaráva oviedista, omomýi "caza de brujas" añetéva institución municipal oikuaaséva máva térã mávapa umi responsable oproporcionáva umi documento prensa-pe. "Ñamyesakãta ko káso ha roipota oñeinterveni Centro de Procesamiento de datos, péva roikuaaségui máva ome'ê documento-kuéra", he'i abogado ojapo rire declaraciones umi medio radial upe tenda gotyo.

Bombero-kuéra osuspende servicio social

CIUDAD DEL ESTE. (redacción regional). Umi oiméva Cuerpo de Bomberos Voluntarios ko távape, omoherakuã ossuspendéha servicio social oîva umi comunidad carenciada ndive. Kóva intendente interino Carlos Ramón Núñez Cañete (PLRA) omboguégui transferencia recurso-kuérape.

Ministro de Salud he'i omohenda porãsénte tembiapo

LIMPIO (corresponsal). Ministro de Salud, Dr. Oscar Martínez, omyesakãvo Dr. Luis Antonio Canata ñemosê ha dirección hospital materno infantil-pe, oasegura
ndohecháiha trabajo iporãva mencionado profesional-gui. "Péicha avei, aguerovia Limpio omerece peteî profesional de la talla del Dr. Rodolfo Romero", he'i.

Ñe'ênga

Pláta rehe ndojái mba'eve.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

26.175

270.066
Ayer

45.562

441.423
Ultima actualizacion:
15/09/2006 23:00:00