abc Google  
Marandú

Pytyvõ ha ñemoirû Giuzzio rembiapópe

Opavave ciudadano comune oguatáva calle Palma rehe omonéî ha oguerohory oestampávo ifirma peteî documento contra la impunidad ha oipytyvõvo fiscal Arnaldo Giuzzio rembiapo, oiimputáva hechos de corrupción tendota omyakãva Cámara de Diputados, Víctor Bogado-pe (ojeeskudáva ifuero rehe péicha ombotove comparecér justicia rovái) ha péicha avei ambue tekove hi'aguîva oficialismo rehe. Jepénte, Giuzzio ojerúre Contraloríape declaración juradas de bienes orekóva Bogado, péva oñemotenonde upe marco de investigación omomýiva
enriquecimiento ilegítimo rehe.

Ndojekuaái mba'eve aviô okapuva'ekuégui

Misterio ha mbovy respuesta ojeguereko upe extraño accidente aéreo oikóva Brasil gotyo.

Omyangekói alianza militar Bolivia ha Venezuela omopyendáva

*Acuerdo oiko'õva Chile, Perú ha Brasil-pe ome'ê pa'û, techapyrã ramo, omohatã base militar-kuéra oñondive zona fronteriza rehe. *Avei participación mutua oimehápe oficial Fuerzas Armadas-gua péva oîvo "acontecimientos nacionales". *Convenio ofirmava'ekue gobierno Evo Morales ha Hugo Chávez upe 26 de mayo pohasava'ekuépe. *Oreko vigencia por tiempo indefinido, jepénte ojeratifica va'erã Congreso-kuérape. *Ojekuaa peve, sambuyhyhára paraguay-gua ndoikuaí gua'u ko'ã negociación oîva. *Ore diario orekóma documento copia,
oñemoherakuãva ko ore edición-pe.

Noñemomba'ei curso ojeguerekóva Lago Ypakarai ñangarekóre

Umi Candidato municipal oiméva cuenca del lago Ypacarai rembeýre oimémba oñemoarandu, jepénte ndaipóri umi oikóva táva Ypakaraípe voi, ko'ãva ohechauka nomomba'éiha recurso natural ha turístico orekóva, péva curso oikóva campus de la UNA-pe.

Kolo'o oñomoirû oipytyvõ⌡ haguã Evanhy-pe

Peteî acto ohechaukáva so'o repy ohóva amo yvate nombyaíri mba'everã´kolo'okuérape, hetaiterei so'o mbichy(asado) oñeme'êva umi oîva presente-pe, movimiento interno Paz y Progreso omyakãva Alfredo “Goli” Stroessner oñemoî a disposición kandidata kolo'ópe oikeséva omyakã intendencia de Asunción, Evanhy de Gallegos péva campaña omaña mbukúva elección municipal ágã 19 noviembre oúvape. Péicha omopyenda pacto de unidad republicano, hikuái.

Habeas Corpus oiko'ô tiranokuérape

Abogado Francisco Elizeche Baudo, omyakãva habeas corpus ojerurévo sasõ tendota opositor Lino Oviedo, he'íva juez Pedro Darío Portillo orekóha ipópe pa'û omohendávo, oñepyrûta garantía constitucional ciudadanía-pe guarãva ha upéi, umi derecho oîva preso político rehe, omyakãva partidos político tuichavéva Paraguay-pe, ilegal ha arbitrariamente oîva ka'irãime omomýigui japúpe hi'enemigo político upe juicio escandaloso nomyesakãiva iculpabilidad. Oviedo ágã 28 meses oîha cárcel militar Viñas Kuépe, péicha Comisión Nacional de Derechos Humanos-pe oñedenunsia.

BCP omohenda hembiporu omedi haguã inflación

Omohendávo ponderador bienes y servicios ajakápe, omoî amo ipahápe umi parámetro ojapóva omedi haguã inflación, ikatúva oinferi Banco Central del Paraguay (BCP)-pe, ohekávo gueroviapy ohundíva inndicador, kóva ary ohasava'ekue guive.

Opyrû soberanía paraguaya rehe Itaipu ha Yasyretãme nombopochýi mburuvichakuérape

Mbarete umi ipyajúva rovái, pero oñakãity umi mbaretévape. Teko oñemotenondéva ha'éva peteî conducta sicosocial ojapóva Erich Fromm kóva "Kyhyje sasõ oîvare" “Miedo a la Libertad”, kóva ñanemomandu'a ñamoñe'ê rire mba'éichapa oreacciona umi alto funcionario Gobierno nacional-gua ohendúvo declaración ojapóva ex viceministro Régimen de Interior Bolivia-gua, Rafael Puente.

Hesarái Navegación ha demarcación limite reheguáva

Tembiasa oúva tratado Itaipú (abril de 1973) ha Yasyretã (diciembre de 1973) ha'e pe ohechaukáva concepto ha tratamiento omotenondéva gobierno Brasil-gua, omýiva peteî imperio-icha, ha Argentina, virreinato ramo, orekóva ha ombohováiva Paraguáipe, ha igobierno ha ipueblo rehe.

"He'i jey, crédito ikatu oreko apluicación iporãvéva"

Umi ore irûnguéra oiméva interesado ko tema-pe: Ikatu ñamoñe'ê vy'apópe ha jesarekópe umi comentario ojapóva ore irû ha angirû Guillermo (López Flores). Roguerovia, upe discusión ha comentario rupive, ikatúta oñeguahê porãve tetãme.

Ñe'êpapára Victor Casartelli, ohaíva iñe'ãite guive

Ohai hekopete, Víctor Casartelli, iñe'êpoty ipu porãiterei ha omyesakã porãiterei. Ndoiporúi umi ñe'ê asýva, oguenohêva ñe'êryrúgui umi hasýva, ojapoháicha ambue ñe'êpapára oñemomba'eguaségui ha omoapañuãivo hembiapo, ha'e omyesakã umi moñe'hárape pe he'iséva iñe'ãite guive.

Heta káso opyta rei

Tembiasa ipusúva tysýipe otakýva umi político-kuéra, ombovúva ipatrimonio ha
ho'a vaíva oikógui pokarê, ko'ã mba'e omboguerovia galería intocable oguerekóva. Justicia oñakãity umi poderoso rovái, ko'ãva ohupytýva pya'eterei
absolución térã directamente investigación oîva ijehe opyta archivada Fiscalía-pe. Péicha impunidad oñeme'êva Poder Judicial-pe omosãsõ ostentación de riqueza oporohovapetéva maymávape.

Mombe'urã Fariña Nuñez rembiapóva ojajái modernismo-pe

Aranduka, "Las vértebras de Pan", ohaiva'ekue Eloy Fariña Núñez, omopyenda Biblioteca Popular de Autores Paraguayos, ombosako'íva diario ABC Color ha El Lector, moñe'êhárape guar0πva, oikuaaukávo haihára Paraguáigua.

IPS noîrî kuri audiencia de conciliación ha ojerure´va prórroga

Tendota legal Instituto de Previsión Social (IPS)-gua noñepresentái audiencia de advenimiento (conciliación) oikova'erãva kuri 10 de octubre ohasava'ekuépe, péva omoî ára kuri Dirección General de Contrataciones Públicas-pe.

Ome'{e hikuái prisión domiciliaria chino procesado-pe

CIUDAD DEL ESTE (redacción regional). Capomafioso chino Wu Wen Huan ou porã ichupe prisión domiciliaria. Ko medida odispone juez Aldo Genes Espínola
ko oriental supuestamente oiméva tratamiento médico-pe. Policía Antimafia ombotove ocustodia haguã, ikatúva ome'ê oportunidad okañy haguã.

BCP oasegura ikatúha opaga interes depósito rehe

BCP oguerovia noîporãi Agencia Financiera de Desarrollo
(AFD) oincursiona cobro de intereses ojapóva depósito upe ente emisor
orekóva entidad de intermediación financiera pública ha opagáva interes solo, excepcionalmente, imperio Ley Nº 2440/05 (artículo 14º) institución pyahúpe.

Movilización ojerurévo "Presupesto opavavépe guarã" oñembosako'i

"Tetã opavavépe guarã" ha'e pe coordinación omyakãva opavave organización campesina omoherakuãva movilización nacional ágã 19 de octubre oúvape "ojerurévo presupuesto general de gastos de la nación tohecha
reactivación productiva, salud materno infantil, boleto estudiantil universitario, educación pública, seguro ha tarifa social".

Py'apy "vialera" oî MOPC ombotapykuégui hembiapo

Gremio vial-kuéra ojerúre Ministerio de Obras Públicas-pe tombopya'e umi gestión oguerekóva organismo de crédito externo oresarci haguã umi empresa
insumo escalada ohupíva. Vialera-kuéra he'i odesangranáha oikóvo cada litro de gasoíl oiporúva ha ombohetavéta desempleo.

Mbo'ehára Kordillera ha Kaaguasúgua oñemoarandu

Mbo'ehára educación escolar básica Kordillera ha Kaaguasúgua omoñepyrû kuehe taller de capacitación ombosako'íva diario ABC Color ha editorial El Lector.

Kyhyjépe oñemotenonde aranduchauka Derecho UNA-pe

Ambiente naiporãmbaivape oñemotenonde kuehe aranduchauka Facultad de Derecho Universidad Nacional (UNA)-gua. Ojeguereko 503 postulante, ko'ãva oike oñepyrûvo ary ndohupytýigui puntaje mínimo oñeikotevêva.

Inversión empresa ojapóva tuicháve upe subsidio-gui, he'i Conatel

Electro Import-Impsat opresenta inversión ovuvéva subsidio ome'êva Estado-gui, péva he'i descargo opresentáva Contraloría Conatel rehe. Pëva ohustifikávo mokõiha desembolso, oreko'ÿre firma omohendáta teléfono público-kuéra, oargumenta empresa orekóva millonaria pérdida económica devaluación pirapire guaraní, oiméva dólar rehe.

Opositor-kuéra ocondiciona acuerdo embajador-kuéra ndive

Senador Alfredo Ratti, omyakãva comisión RR.EE. Senado-pe, he'i ojoajúvo vacancia ojeguerekóva umi embajada importante rupi, canciller Rubén Ramírez Lezcano oikuaa posición orekóva bloque opositor péva ombotovévo umi "Politiquero" candidato-kuéra ni ndoiporavóiva oikeséva osoluciona haguã gesstion interna oficialismo mba'éva, pero orekóva voluntad política toike omyenyhê haguã upe tenda oîva vacante.

¨Peteî secuestrado político ikatu ha'e Mburuvicha tetãme

SAN JUAN NEPOMUCENO (Antonio Caballero, corresponsal) "Che ha'e ex presidiario, oiméva'ekue procesado justicia rehe ha ajeporavo presidente ramo poderes del Estado peteîvape ha anitei oguahê peême guerovia'ÿ, peteî secuestrado político (Oviedo) ha'etaha upe Presidente de la República del Paraguay" ojeporavotáva, he'i Enrique González Quintana, oisãmbyhýva Congreso Nacional. Kóva oñemopyendávo PC de la alianza "Unidos por San Juan", kandidato
Carlos Reinaldo Paredes, omyakãva intendente municipal.

Giuzzio ojerúre Contraloría-pe declaración jurada Bogado reheguáva

Fiscal Arnaldo Giuzzio ojerúre informe Contraloría General de la República pe declaración jurada ojapóva presidente de la Cámara de Diputados, Víctor Bogado, oike guive función pública-pe. Ko representante Ministerio Público omotenonde investigación enriquecimiento ilegítimo rehe ohypýiva político-pe, ndahi'aréi osorteáva ifuero, posibilidad ojeprocesa haguã omomýigui hekope'ÿ manejo millonario Conatel fondo-gui.

Pokarê ome'{e brasileño-kuérape omokõ haguã Kanindeju ka'aguy

SALTO DEL GUAIRA (Rosendo Duarte, corresponsal). Deforestación oikóva departamento Kanindeju gotyo ndikatuvéi ojerrekupera. Umi léi oîva noñemomba'éi, oikéva avei deforestación Cero, ndovaléi oñangareko haguã ka'aguy rehe, kóva ha'e peteî arma de extorsión peteî ambiente oñemopyendáva korrupsión generalizada rehe. Amo 30 mil hectárea por año rupi oñembyai oikóvo, ilegañmente, ha avave nopenái oikóva rehe.

Ombokatupyry policía ka'aguýpe ombohovái haguã guerrillero-kuérape

CONCEPCION (Telmo Ibáñez, corresponsal). Peteî grupo oimehápe 15 policía rupi
oñeentrena mbohapy arapokõindy porã estancia "Agüerito" ka'aguýpe, ointerveni haguã oîvo acción guerrillero kuéra rehe.

Nicanor oñe'êta ko'êrõ FAO atýpe

Mburuvicha Nicanor Duarte Frutos oñe'êta ko'êrõ Roma-pe, oikóta mandu'a oficial ha'éva Día Mundial de la Alimentación rehe. Mandatario oho capital italiana-pe omomoaiteívo invitación ojapóva ichupe Organización de las Naciones Unidas para la Agricultura y la Alimentación (FAO por sus siglas en inglés). Ha oreko discurso 10:30 aravo jave Sala de Plenarias upe organismo-pe.

Oñepyrûta banderas de cascos blancos ñemoarandu

Peteî ambicioso proyecto de capacitación al contigente paraguayo de Cascos Blancos, oñepyrûta ko'êrõ, kóvba Cancillería nacional-pe. Ko'ápe oñepresentáta curso de entrenamiento, orekóva respaldo Gobierno argentino-gui. Hembipotápe oime ñembokatupyry voluntarios paraguayo-kuérape ointerveni haguã misiones de emergencia-pe, péva ñande territorio pukukue a nivel internacional.

Ñe'ênga

Gauchokuéko ndaipóri.

  • + Del Día
  • + De La Semana
  • + Del Mes

 Artículos más leídos

INSTITUCIONAL