abc Google  
Marandú

Oîhína mba'e oñeñongatúva preacuerdo Yasyretã ndive

*Amo ipahápe,"preacuerdo a nivel técnico" ohupytýva Argentina ndive Yasyretã rehe oikuaaukáta público-pe ágã miércole sala de convenciones Banco Central del Paraguay-pe. *Ko'ágã peve, mburuvichakuéra omombe'únte ohecháva detalle parcial ha oñemboykévape documento, kóva ombohetáve guerovia'ÿ pe contenido-pe he'íva. * Ojeguerovia, ojehupytývo upe arreglo, oñemoañete ha tolelegitima deuda espuria entidad-pe, ojupíva 5.647 millones de dólares-pe. * Avei toñecompromete capacidad futura tetã orekóva orenegosia haguãl Tratado.

Kanasawa oñembotavy léi militar-gui

Kanazawa otransgredi jey umi regla militar ha cadena de mando nomba'éi.

Yataity oipepirû maymávape

Peteî tejedora ohechauka mba'éichapa ikatupyry oipyaha haguã telar plaza
Yataitýpe Guaira gotyo, upépe omoañete arapokõindy ohóvape Expoferia Artesanal Ao Po’i. Ko'ã organizador-kuéra ojerúre público-pe ani haguã oñeamilana hayvi haguére ha hi'aguîvo ko ára tembiapo ohechaukáta ha ojeguerohoryetéva, ko árape oñemoirûi techaukápe tembi'u Paraguái, so'o mbichy, jineteada ha banda folclórica-kuéra omokyre'ÿta aty guasu. Péicha avei, kuehe oñepyrû Guarambarépe tradicional Festival del Takuare’ê, omotenondéva aficionado-kuér aha jerokýpe mávapa ojeroky porãve. Ka'apukúpe, oñemotenonde avei, Fiesta del Arriero.

Parlamento oñamindu'u hikuái kirirîhaitépe

Parlamento-pe oñemomýi ombohapévo hikuái kirirîetehápe mba'éichapa ojerepartíta hikuái presupuesto 2007.

ABC REMIANDU

¿Mba'e monda pyahu oñembopupuhína Yasyretãme? Ko'ã negociador paraguayos ñomongeta oguahêvape Paraguái ha Argentina deuda tuicháva Yasyretã ndive, ohasáva 10.000 millones de dólares, kóva negociado peteî"preacuerdo" kirirîetehápe oîva ha ndoikuaáiva opinión pública paraguaya. Kóva omomba'égui opavave paraguayo-pe ha'eva'erã peteî"propuesta de acuerdo", umi negociador omomarandúva ko'ágã miércoles oúvape opinión pública-pe compromiso
"preacordado", he'iséva oîmbámaha "cocinado" ko'ágã ome'êséva imagen institucional. ko'ã condición, "preacuerdo" Argentina ndive, tetã oiporurasáva Yasyretã heta ary rire Paraguáipe ho'ávaíva, oiméne soberanía nacional ome'ê jeymahína.

Panadería Comunitaria ha'e kolo'o PC

ENCARNACION (redacción regional). Peteî proyecto panadería comunitaria omotenondéva Programa de Desarrollo Comunitario (Prodeco) ha'e PC tendotakuéra kolo'o intendencia Encarnación-guáva. Ko tenda oime upe barrio Ñati'û ‘Mosquito’-pe, omotenonde operador oficialismo, Lucio Larrosa, hembireko ha'éva presidenta emprendimiento comunitario-gua.

España gotyo ojeho ojehekávo trabajo

Tasême oime Gobierno ndojeporiahuverekóiva mit0Òrusukuéra rehe
"La maravillosa juventud oñani Paraguáigui", he'i ñane compatriota oguahêvo ore mba'apohápe ha'éva redacción omomaitei rire aeropuerto-pe ijoyke'y mokõiháme ohóva España gotyo ohekávo tape porãve hekovépe guarã.

Ñemoherakuã residuo pohanoharã

Peteî carta de compromiso oipytyvõ haguã "Campaña oipohanóva hja oñangarekóva umi residuo líquido Paraguaýgui" kóva oñepresentáta ko'êrõ tendotakuéra intendente de la capital omotenondeséva.

Ojeguereko dengue káso heñóiva táva Trinidad gotyo

Tavapy Trinidad gotyo heñói dengue ha'éva peteî mba'asy oguerúva ñati'û ha ikatúva ome'ê hemorrágia, añetehápe umi paciente oiméma hikuái tratamiento-pe ha ohechaukáma huguy péva oñeanalisáta Laboratorio Central Ministerio de Salud Pública-pe.

Directora OPS oúta Paraguáipe misión oficial-pe

Directora Organización Panamericana de la Salud (OPS), Dra. Mirta Roses Periago, oiméva visita Paraguáipe misión oficial-pe, hembipotápe omombaretése joaju cooperación ndojeguerekóiva OPS ha ambue Estados miembro-kuéra ndive. Ha'e oguahê ko árape 11:30 aravópe aeropuerto internacional Silvio Pettirossi-pe.

Tendota oiméva imputado orenunsia ÿre intendente ramo

GUARAMBARE (Higinio R. Ruiz Díaz, corresponsal). Ko'ágã intendente Cándido Arrúa (kolo'o nicanorista) orenunsiava'erã kuri, tres meses ohasáma oimégui ha'e candidato a concejal, péicha oñemoñe'ê a Código Electoral-pe. Péicha avei oime imputado lesión de confianza, malversación de fondo ha oreko medida alternativa kairaîme.

"Indulto impositivo" ndojegueroviapái oîgui evasión omombytáva Neufeld

Subsecretaría de Tributación, omyakãva viceministro Andreas Neufeld, ohechauka inacción sospechosa upe impuesto evadido rehe. Péicha ‘‘hesarái’’ hikuái okobrátaha impuesto evadido, ko'ã mbo'ehára sampedrano ndorekóiva rubro omba'apo hikuái pirakutúpe oikove haguã.

Sampedrano-kuéra opyta jeýta tape'ÿre okyramo oikóvo

SAN PEDRO DE YCUAMANDYYU. (Cristino Peralta B., corresponsal). Tavaguasu departamental opyta oikóvo tape'ÿre ha, oky ramonte oikóvo, péicha opytáta ha'eño ivaígui tape. Upe 59 kilómetro ruta XI Juana de Lara, ombojoajúva ko tavaguasu Nueva Germania ndive, ndorekói gueteri pavimento ha oime hikuái añetehápe ñembyasýpe ndikatúigui osê tavayguakuéra hape vaígui.

Ohechaukáta hikuái hembiapo

SAN LORENZO. (Aldo Benítez, especial). Colegio Privado Leonarda Sánchez de Páez ko távape ohechaukáta hembiapo temimbo'ekuéra viernes 10 oúvape, 18:00 aravo guvie, péva ombotývo hembiapo ary 2006 reheguáva.

Tobatî artesanía porãvéva ohechauka

TOBATI (redacción regional). Pe XX edición Expoferia Tovatî, ohechaukáva Villa Artesanal-pe upe 20 de octubre guive, ko árape omboty techauka. Kóva omotenonde umi artesano opavave tendágui oúva, ohechaukáva hembiapo ha'éva producción iporãvéva ha ojeguerohorýva.

Mbo'ehára Paraguarígua omohu'ã tembiapo ñemoarandúpe

PARAGUARI (Catalino Ibarra, corresponsal). Salón de eventos Gobernación de Paraguarígua henyhê kuehe ha oime hikuái 200 mbo'ehára rupi 9º departamento-gua, omotenondéva mokõiha jornada taller Práctica Educativa "Espacios de Reflexión y Construcción", ombosako'íva ABC Color ha Editorial "El Lector", oipytyvõva Secretaría de Educación zonal.

Ojeguerohoryeterei Villa Hayes gotyo Abc ha el Lector rembiapo

VILLA HAYES (Cirilo Ibarra, corresponsal). Jepénte ama guasu oguahê, mbo'ehára kuéra oñemoarandu Taller de práctica educativa ha espacio de reflexión y construcción, omotenondéva Gobernación itavaguasúpe. Ko tembiapo ombosako'i oñondive El Lector ha diario ABC Color, oisãmbyhýva Educación Escolar Básica.

Takumbúpe héra aranduka oñemoherakuãva ko árape

Kóva mombe'u puku oikéva Biblioteca Popular de Autores Paraguayos-pe, ore kuatiahaipyre ndive. "En Tacumbú", ohaíva Raúl Silva Alonso. Oiméva volumen número 20 arateîme osêva ha omotenondéva joajúpe El Lector ha ABC Color omoherakuva literatura paraguaya clásica ha contemporánea.

Ballet Naranja ohupyty jopói

Ballet Naranja club Deportivo Puerto Sajonia-gua ohupyty peteîha jopói upe concurso "Tarde de talentos", ombosako'íva Mall Excélsior-pe arapokõindy ohasávape.

Banda "binacional" oreko ñemongañýme petÿre omba'apóvape Este gotyo

CIUDAD DEL ESTE. (redacción regional). Peteî banda "binacional", oiméva umi paraguayo ha brasileño-kuéra, orekóva secuestrado tabacalero Pablo González Morel-pe. Umi hogayguakuéra opagáma un millón de dólares, pero ko'ã omongañýva karaípe ojerúre omosãsõ haguã hetave viru. Kóva omomýima "ejército-pe" oñeñangareko haguã ijehe tekovekuéra ipirapire hetáva.

BCP omboguejy calificación financierakuéragui

BCP oikuaauka informe Calificación de Entidades Financieras (Cadef) 30 de setiembre 2006. Kóva he'i 14 financiera oiméva sistema, 9 omohenda iposición. Mbohapy banco omantene calificación iporãvéva.

Transparencia mokõi hóva

Paraguaýpe oñembyaty hikuái umi oisãmbyhýva organismo de control República del Paraguay, Brasil ha Argentina he'ívo ome'êtaha upe llave ombohapetáva ichupekuéra hermética compuerta oipe'a administración Itaipúpe, Brasil gotyo, péicha katupyrýpe directora financiera brasileña, Mussoi Groff, oñomongetávo ha omoherakuãvo upe publicación especializada Gazeta Mercantil, he'i toguépe binacional "ojeadapta oikóvo sistema ijetu'uvéva mundo (EE.UU-pe.) péva imandu'ávo gobierno corporativo ha transparencia administrativa" rehe.

Oñeha'ã hikuái oinsisti oikotevêha firma pacto fiscal reheguáva

Proyecto Gasto Social Presupuesto-pe, omokyre'ÿva Sistema de Naciones Unidas, oikotevê Ejecutivo ohechauka omoñepyrûha elaboración de presupuesto plurianual. Ombocháke oaprovecha porãve haguã beneficio oikotevêva firma pacto fiscal rehguáva.

Parlamentario ombosako'i repartija presupuesto 2007

Salario, oikóva 4 millones de guaraníes kóva combustible parlamentario peteî teîme, ko'ã miembro Comisión Bicameral de Presupuesto omonéîva aumento 20% presupuesto del Poder Legislativo arapokõindýpe, oñongetáta hikuái.

Ñe'ênga

Una vez más, he'i político oñembotavysérõ hína.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

24.376

222.197
Ayer

25.906

263.209
Ultima actualizacion:
05/11/2006 00:00:00