abc Google  
Marandú

Kuñakarai peteî omano dengue-gui

Kuñakarai 47 ary orekóva omano hospital militar San Jorge-pe, dengue tipo hemorrágico-gui.*Péicha omoñaete ministro de Salud Pública, Dr. Oscar Martínez Doldán. *Ko kuñakarai barrio Campo Grande de Asunción-gua, oñandu oime jave Coronel Oviedo-pe, 13 enero ohasávape. *Según prueba laboratorial, orekóma kuri dengue clásico péva mboyve.* Omombe'u oîha ambue tapicha péicha orekóva pe sintoma peteî clínica paraguaýpe.* Omombaretéta medida preventiva tetã pukukue, oipytyvõvo Fuerzas Armadas ha municipalidad. *Ojejerúre población toipytyvõ aníve oñemuña umi ñati'û táva rehe.

Oficialismo oheka omoheñói andu vai

Oñeha'ãmbaite oikóvo oficialismo oheka tape omotenondévo cizaña oposición apytépe, péicha oñeha'ãvo ojereagrupa hikuái.

Tavaguasu Ciudad del Este noñeentregái

Ojerevela Ciudad del Este ha noñeme'êséi avavépe.

ABC REMIANDU

“Precio hendaitépe, no solidario”. Cumbre del Mercosur, oñemotenondéva Río de Janeiro-pe, presidente boliviano Evo Morales he'i: “Ndikatúiha Bolivia osubvenciona ohóvo gas Brasil-pe”, he'i “ágã Lula oñe'êvo solidaridad rehe tuicha mba'e”, pero Bolivia oipota gas peteî “precio justo, no solidario”va. ko'ápe reunión hepýva, presidente Duarte Frutos oñemohenda tovamokõime umi jefe de Estado-kuéra ndive, okirirî usurpación energía paraguaya oikóva Itaipu ha Yasyretãre ha upe infame violación ojapóva Hugo Chávez tekoporã jojáre ha principios ani oreko intervención ko'ã Estado ndive, avei ombotovévo mísero subsidio “solidario” ome'êva Brasil ha Argentina ñane retãme gua'u.

Kuñataî paraguái ombojurujái campeonato mundial oñeha'ãva golf femenino-pe

Celestre Troche (25) ha Julieta Granada (20) oñomomaitei ha ojeguerohory omohu'ãvo peteîha ronda kuehe, omantenéva ichupekuéra mokõiha ára consecutivo omotenondévo Copa del Mundo Golf Femenino oñeha'ãva Sun City, Sudáfrica-pe. Ko'ã paraguaya ombyaty 214 golpe, irundýha mbovyve ohóva hapykuéri-kuéra, italiana Verónica Zorzi ha Giulia Sergas. Ko torneo oñemohu'ã ko árape.

Plan oñemboguatáva Municipales mboyve

Ojeguerekova'erã presente antecedente omotenondéva 18 jasypakõi ohasava'ekuépe ministro del Tribunal Superior de Justicia Electoral (TSJE) Alberto Ramírez Zambonini, vóto orekóva disidencia ojoajúvo director Informática upe institución-gua káso, Ricardo Lesme.

Calé ome'ê golpe URNA Electrónica-pe ha ombohape fraude poravópe

Kiririrîetehápe ha maniobra omboapéva, Calé Galaverna ojapóva omonéî haguã Cámara de Senadores proyecto legislativo oñemoinocente ohenóivo “Ley omoambuéva artículo 106, 170, 246, 247, 248 ha 258 léi Nº 864/1996 omopyendáva Código Electoral Paraguayo”. Oguahêse odeclara omohendávo tape oiporavo haguã elección umi parlamentario Mercosur rehe.

Oipota omyesakã OEA-pa ome'ê kuatia Argaña-pe

Kuñakarai Darsy González de Woroniecki, omyakãva coordinadora de preso ha per seguido político Paraguäigua pehengue, odenunsia Organización de los Estados Ame ricanos (OEA)representante-pe, péva omanoseágui Comisión Interamericana de Derechos Humanos (CIDH) rera omokyre'ÿva senador Nelson Argaña.

Toinvestiga ha tohechauka

Ali Abou Saleh, omyakãva Cámara de Comercio Ciudad del Este, he'i umi propaganda negativa orekóha intereses creados hyepýpe.

Omoherakuã Albergue terrorista ha oñemohatãve oikóvo

Umi atentado Embajada de Israel rehe oikova'ekue 1992 arýpe ha ohóva AMIA gotyo ary 1994 Buenos Aires-pe, oñemopyenda pe oñeinvestigáva Ciudad del Este-pe, ojehekávo sarambikuépe umi omyakãva'ekue, péva ojepovyvývo umi complejo inimbo omomýiva ha oñangarekóva terrorista-kuéra rembiapo mundo-pe.

Funcionario he'i Caja Municipal omohenda resultado financiero 2006

Caja Municipal ohupyty ingreso orekóva ejercicio 2006 péva 2005 jave, ko acuerdo ojapo director financiero, Domingo Vega. Jepénte péva, omoañete fondo de jubilaciones oregistráva déficit, upéva rehe reserva matemática opagávo jubilaciones.

Asuka orgánica oexporta 7 jey ári 2006 ohasava'ekuégui

Ary 2005, Cooperativa Manduvirá omondo 234 tonelada asuka orgánica ha ary ohasava'ekue ojupíve 1.600, he'i Andrés González, gerente upe entidad-gua. Péicha exportación okakuaa pokõi ári, omonéîgui producto nacional tetã ambuére, ome'êva trabajo haimete 3.500 productor-kuérape.

Licitación Conatel ojedelara desierta, he'i Contraloría

Supuesta deuda G. 1 millón fisco ndive, Conatel nomomba'éi Data Lab licitación ha'éva G. 12.000 millones ha oadjudika Promec SRL, ombohetavéva oferta. Péicha ohenói control radio pirata ha Contraloría he'i oñemyesakãva'erãha mba'ére oje declara desierto.

Ka'avo ha yva hepyeterei oñekuave'ê

Umi hortaliza oî gueteri precio yvatépe consumidor-pe guarã, kóva umi togue hi'upyrãva, péicha rohechakuaa ko'ã ára ohóvape Mercado Central de Abasto-pe. Péicha oîvo contrapartida, rohechakuaa pira jehepyme'ê ndahepýiha, péicha suruvi, Puente Remanso gotyo, oñeikuave'ê G. 18.000 kilogramo peteî, ikatúva oipytyvõ tembi'u peteî ára peguáva.

Ganadero oguerovia oguejýha vaka ro'o oguejyva'erã consumidor-pe guarã

“Oguejývo ganado productor-pe guarã, oguejyháicha 30%, péva iporãva'erã ohasa avei consumidor local-pe, ha'éva ore principal mercado, en las buenas y en las malas”, péicha he'i Dr. Juan Néstor “Tito” Núñez, ganadero ha ex titular Asociación Rural del Paraguay (ARP)-gua.

MIC ha supermercadista ohesa'ÿijóta so'o repy

Ko'êrõ ministro de Industria y Comercio, José María Ibáñez, ha umi directivo Cámara Paraguaya de Supermercados (Capasu)-gua, ohechávo política de sinceramiento so'o repykuére.

Oky Cháko gotyo ha péva omoapañuãi damnificado Pilcomayo-pe

Ama oikóva Chaco gotyo, omoapañuãi asistencia orekóva umi poblaciones ohupytýva río Pilcomayo creciente. Péicha ko situación ohapejoko médico ha rescatista-kuéra rembiapo.

Ohecha asy BCP ñemoha'eño, vaivene político oîva rehe

Jahekava'erã tape elección Directorio Banco Central del Paraguay (BCP)-pe, ndaipóriva sujeta vaiven político-kuéra rehe, péva ente emisor oikotevê pya'e orecupera jey institucionalidad, ndorekóiva ko'ágã, péva ndoikóigui mokõi tekove henondépe, he'i kuehe ore diario-pe economista Manuel Ferreira Brusquetti.

Pytyvõ ñepyrûmby tuicha mba'e ñemoambue oîta tributario-pe

Jepiguáicha ary paha térã oñepyrûvo, Subsecretaría de Estado de Tributación ojedesidi ohai reglamentación. Hetaiterei mba'e oî ni umi ñaiméva mba'apópe ára ha ára ko'ã mba'épe nomyesakãi oñehesa'ÿijóvo hapoitépe. Pëicha ko material roikuave'ê moñe'êhára kuérape “Primeros auxilios sobre las nuevas reglamentaciones”, ikatu haguã ohesa'ÿijo ha omyesakã umi cambio ha oikuaa haguã mba'e ñemoambuépa oî ha mba'éichapa omohenda porãva'erã.

Contador-kuéra ojerúre flexibilización

Umi profesional oñembyatýva Colegio de Contadores del Paraguay-pe ojerúre Subsecretaría de Tributación ani ojopyeterei pláso ome'êvape, péva omotenondégui umi cambio omohendáva Tributación, péicha omoherakuãva pya'eve ha oñemoarandúva profesional herramienta pyahu omoîva'erãva administración, contador ha contribuyente-kuéra. Péicha he'i marandu gremio de contadores oikuaaukáva viernes ohasávape.

Defensoría omokyre'ÿ y potî sakã oñemboy'u haguã

Defensor del Pueblo, Manuel María Páez Monges, oiméva interesado umi beneficio oñemboy'u haguã maymáva tetãnguáva. Upéva rehe, Defensoría oinvestiga umi proyecto Essap ha Senacsa, oikuaauka oficina de prensa institución-gua.

Noñemboguejýi gasoíl repykue

Jepénte internacionalmente petróleo oguejy 14% oñepyrûvo ko arýpe ha dólar oî gueteri bajo, Petropar he'i “ko oguejýva ikatu oreko efecto financiero 90 día oúvape”, péva niko peteî absurdo oje'eháicha.

INC Vallemi oikotevê mantenimiento equipo orekóvape

Secretario general Sindicato de Funcionarios de la INC Vallemí (Fusincv), Felipe Alvarez, he'i kuehe Industria Nacional de Cemento (INC) oiméva Vallemíme oikotevê inversión haimetéva, US$ 10 millones instalación orekóvape ofunciona haguã oikóvo.

Villeta planta ndodespachái kuehe, ndaipórigui pedido

Kuehe ndaipóri despacho cemento público-pe guarã, ojereactiva rire 28 día ohóvape planta INC Villeta-pe, ambue árapokñindy ohasava'ekuépe oñembyai kuri
imotor molino clínker reheguáva.

Crédito bancario oñemombyta

Umi crédito bancario ojehecha ary 2001 guive, oñemohendávo PIB, peteî nivel ha'éva 26,2% ary 2001-pe, nivel 14,4% 2006. Kóva imposibilidad ocanalisávo fondo prestable umi crédito ojeguerekóva causa recesión económica ohasáva tetã.

Petróleo Venezolano ho'a junio 2005 guive

Precio cesta petrolera Venezuela ho'a ko arapokõindýpe 19 mese, operdévo 2,37 dólares ha opromedia 44,50 dólares por barril (dpb), ombyaíva inventario tetãnguéra consumidor-pe, péicha he'i informe Ministerio de Energía omoherakuãva viernes, péicha he'i agencia reuters Caracas guive.

Ecuador omboyke sector petrolero estatiza, omomýi jeýta contrato

Gobierno socialista Ecuador omboyke posibilidad oestatisa upe industria petrolera, jepénte oinsisti orenegosiáta contrato multinacional ha ohekáta retorno OPEP tetãme, he'i agencia AFP Quito guive.

Dólar ojupi ojegueroviágui consumidor estadounidense

Dólar opu'ã jey viernesguive moneda prindipal, péva omotenonde rire sondeo preliminar enero guive confianza orekóva consumidor estadounidense omopu'ã jeýta ha oguejýta Reserva Federal tasas de interés rehe, he'i agencia Reuters Nueva York guive.

"Dimensión MERCOSUR" oñemoherakuã

Ojehepyme'ê aranduka ohaíva umi oikuaaáva Mercosur, Aldo Centurión López. Péicha ombohéra ijapoháre “La dimensión MERCOSUR” (2006, versión digital), orekóva 14 capítulo, mokõi Anexo, normativa, péicha ocho presentación
oñemotenondéva foro, congreso ha seminario rupive, nacional ha internacional.

Aranduka Paraguái reheguáva ojejuhu biblioteca virtual memoria

Togue Internet oreko peteî pa'û bibliografía temática péva Paraguay omoherakuãva mundo rehe. Kuehe guive ojeguereko digitalizado 60 aranduka, oñemboguejyva'erã red, umi obra ndikatúiva ojehupyty péichante biblioteca pública-kuéra rupi.

Ñe'ênga

Ipuku kóva, he'i mala visión kasõ oplanchava'ekue.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

31.524

236.162
Ayer

34.760

265.006
Ultima actualizacion:
21/01/2007 00:00:00