Viernes, 26 de Enero de 2007

Efeméride 1926: Nace en Coronel Bogado, la historiadora Idalia Flores de Zarza.

+ Ver Más
YEN

Compra:G. 40 /Venta:G. 43

+ Más cotizaciones
Temperatura Actual:

(
N.
.

+ Más información

Ágã lunes osêta 25.000 funcionario público ha 60.000 mbo'ehára oguahêtáva óga rehe tetã pukukue oelimináha haguã umi ñati'û renda tavapyre.*Ko árape ojehecháta ojedekarápa asueto nacional ikatu haguã oipytyvõ operativo ha oikeve haguã gente ko tembiapópe.*Kuehe oñemoañete mbohapyha víctima fatal dengue hemorrágico, ha'éva pohanohára ha tendota choguy Miguel Angel Martínez Yaryes, opu'ãva'ekue dictadura Stroessner rehe ha derecho humano defensor.* Ministerio de Salud omoañete irundýha káso, karai 54 ary oîva internado Sanatorio Central San Lorenzo-pe, oime estable kuehe.* Ama py'ÿi ho'áva noipytyvõi, upévare oñeñangarekova'erã ógakuéra rupi ha avei umi terreno nandi.

Ojerúre tolerancia cero

Ko'ágã oñemoañetéma ha oñemoherakuã ani haguã oî poriahuvereko delincuente-kuéra rehe táva ohkaháre.

Nicanor omongele'e Lino-pe

Nicanor omomba'eguasu Lino Oviedo-pe, ohekávo hembipota oha'ãr0§itéva ha'éva enmienda. Jepente oî preso, omantene tuicha liderazgo”.

Negociado ohasáva 11.000%

Remate kañyháme cerro Lambarére oikóva, ojapóva judicial ñemoirûme 19 de julio ary 2004, ohechauka ejecutor orekóva peteî margen 11.100%, ha péva ohupyty valor fiscal propiedad. Péicha ko'ã mokõi finca orekóva 3 ha 11 hectárea, omoingéva área de monumento ha infraestructura, ofigura peteî valor legal 5.600 millones de guaraníes. Kóva ojesubasta kirirîháme base de venta ÿme péva ohupyty 50 millones de guaraníes, “oferta iporãvéva”. Kóva dudoso juicio regulación de honorario rehe, ojeaprovecha ko mba'e ndorekóigui escritura Municipalidad de Asunción, rehe. Ko'ápe oike, abogado Luis Humberto Arévalo, oñembojojáva “croquetas de oro” Itaipu kásope.

Fiscalía ombosako'íma jepovyvy koima rehe

Fiscalía omotenonde investigación koima oñemotenondéva Yasyretãme rehe.

Paraguái ha España ofirma convenio

España ha Paraguay ofirma ko árape convenio oñopytyvõva omokyre'ÿvo intercambio comercial ha inversion tetã oñondivéva. Péicha convenio ofirma vicepresidente ejecutivo Instituto Español Comercio Exterior (ICEX), Angel Martín Acebes, ha
Director General Red de Inversiones y Exportaciones (REDIEX) Paraguay-gua, Jorge Achon, oguahêvo Madrid-pe ministro de Industria ko tetãmegua, José María Ibáñez, oime upe acto-pe secretario de Estado español Turismo ha Comercio, Pedro Mejía.

Arakõi 29 jasyteîme, Asueto Paraguaýpe

Agã 29 de enero ha'éta “Ára D” oñembotapykue haguã dengue omba'apóta
funcionario institución estatal ha sector privado-gua, omoherakuã kuehe ministro de Salud, Oscar Martínez. Ko árape oñemotenondéta umi korapy nandi ha ikatúva omoheñói ñati'û ombohasáva mba'asy tapichakuérape, he'i secretario de Estado ñe'ê'asãi Cardinal-pe.

ABC REMIANDU

Ñane retã ohasa aravo hasyetereíva. Ojehecha oñeikotevêha vida política iñambue tetãme. Oñeguahê estado de cosa oñeikotevêha interes personal ha grupal, ha
oiméva relegado ha hesaráiva tetã oikotevêva, ñambyasyeterei. Paraguái araka'eve ndaha'éiva'ekue tetã rei. Personalidad mbarete nacional oreko.
Yma guive hembipota ha hembipota oguahêsévape ha'e tekosa'y ha ojajái umi kuimba'e público ha'eva'ekue estadista ikatúva oguahê ijoja yvórape. Péva umi
partido político oho jeývo pe omoñoiva'ekuéicha, ikatu iporπ jey tetãme.
Ofalta opu'ã upévarã, tér0π iñambue ha'éva ko'ágã, ivaivéva, ohóta sistema político-económico ojeharúva planeta-pe oñeplanteáva guive.

Temimbo'e omotenondéta minga ambiental

Centro de estudiantes Facultad de Medicina Universidad Nacional de Asunción ombosako'i ko ára guive campaña ohapejokóvo dengue kóva umi tenda ikatuha oñemuña dengue oúva Aedes aegypti tavapy Sajonia, gotyo.

Hetaiterei akãnundu oî Ñembýpe

ÑEMBY. (Higinio R. Ruiz Díaz, corresponsal). Irundýha káso dengue oñemoañete ko´távape ha hetaiterei káso akãnundu orekóva omyenyhê tasyo distrital ko távape.

Oñeñangareko pya'eva'erã hasyva rehe tasyópe

Viceministra de salud, Norma Duré, oho kuehe Comisión Permanente del Congreso-pe ha omoañete umi orekóva síntoma dengue-gui oñemotenondeva'erã centro médico-kuérape ha upe análisis pya'eva'erã ha ndojehepyme'êi mba'eve.

Fundación oiporu vaipa G. 5 mil millones obra ndopáivape

Fundación Santa Lucía omombo G. 5.000 millones construcción ojejapóva Hospital de Prevención de la Ceguera, Lúkepe. Kóva opyta rei irundyha arýma ha esqueleto hormigón armado ko'ágã okañy ipype mondaha, vaka oike avi pype ha ñati'ûmante avei omoheñói.

Intendente Guarambarégua oheka tape ani haguã oho ka'irãime

Ex intendente Guarambarégua, Cándido Arrúa (ANR), oheka tape ohapejokóvo investigación administración omotenondéva fiscala Brígida Aguilar, J. Augusto Saldívar-gua. He'iva Ejecutivo ikatu ointerveni municipalidad. Kóva oimputa lesión de confianza, malversación ha sobrefacturación opáichagua obra rehe.

Intendente-kue Fuerte Olimpo-pe deuda tuicha oheja

FUERTE OLIMPO, Alto Paraguay. (Carlos Almirón, corresponsal). Ojekuaa intendente ko távapegua, Diego Gallagher (ANR), Municipalidad oadministráva iñirû ha korreli Juan Servín oísãmbyhýva almacén de barrio-icha. He'i ko ára peve neíra ohupyty umi documentación administración oîva'ekuégui, ha pe ohupytýva oreko vía judicial rupive.

Hetave damnificado oî

CIUDAD DEL ESTE. (redacción regional). Arroyo Akara'ymi ojupi jey 3 metros, péva área inundada oiméva barrio San Rafael-pe. Kóva haimete 20 óga'imimi ohupyty ha péva oguahê 60 tekovépe.

Sierra Cosquín oha'ãrõ Paraguáipe

Ohasa rire 19 aravo viaje-pe, delegación paraguaya oimetáva XXXVII Festival de Cosquín oñemohenda camping posada-pe yvyramáta mbytépe oñepyrûma oensaya, péicha avei oñemohenda catalogo 200 piesa artesanía mbya guarani, ojegueraháva.

Castellano ha Portugués ha'e lengua oficial tembiapópe

Mbo'ehára Lino Trinidad Sanabria omoañete ko nota oñemoñe'êvape, ñe'ê guaraní ndohupytýi rango de “Lengua oficial del Mercosur”, oñemoherakuã haguéicha ary ohasava'ekuépe, péva Ministros de Cultura oñombyaty rire. Jepénte péva, ha'e ocertifica ha'éha lengua oficia tetã peteîgui oiméva miembros del Mercosur-pe, ha'évo castellano ha portugués idioma oficial ha mba'apópe guarã.

Negociación oposición ndive, añete térã tatatî reínte

Oficialismo kolo'o omoañete Nicanor Duarte Frutos ha'eha encargado onegosiávo opositor-kuéra ndive joaju enmienda térã reforma constitucional. Kóva PLRA ha oviedismo omoañetéva ndaipóriha mba'eveichagua oferta. Avave nomoañetei o{ipa terã ombotovépa umi contacto.

Duarte Frutos omoañete Lino ha'éha tendota guasu jepente oî ka'irãime

Presidente de la República omoañete tendota Lino Oviedo, oime gueteri ka'irãime. Omoañete Partido Colorado ogana jeýtaha 2008 oúvape. Duarte Frutos nomboykéi reelección, pero ndoikóirõ, he'i omba'apótaha tetã rehe presidencia de la Junta de Gobierno guive.

Ko'êrõ oñemotenondéta mok5iha jornada verano 2007

Oguerohory mandu'ápe 100 ary heñói hague Mauricio Cardozo Ocampo”. Oî disponible 300 entrada gratuita público-pe guarã oñeme'êva teatro Municipal-pe 8:00 aravo guvie 22:00 aravo peve.

Concertación espejismonte, oimo'ãháicha Nicanor

Kóva "simple espejismo" he'i Presidente de la República concertación omotenondéva opositor-kuéra, he'iháicha, ndorekói mba'eve en concreto. He'i ombyasýha ndohecháigui articulación fuerza opositora-pe. “Kóva oposición nomotenondéigui clima orekóva hetave competencia, Ko'ã partido oiméva poder-pe avei ho'a kaiguépe ha ndaipóri proceso omoambuéva ipya'e haguã jaipotaháicha".

Pedrozzo nomomba'éi versión orekóva ñesãmbyhýre

Senador kolo'o Gustavo Pedrozo he'i kuehe ha'eha simple rumore omoherakuãva umi opresentáva tendota presidencial 2008-pe. He'iháicha bancada, oñomongetávo ha omantenévo presidente Nicanor Duarte Frutos, he'i oipytyv0§taha enmienda ha oapunta marzo oúva peve oreko plaso oñemoañete haguã.

Llano he'i ndaipóriha mba'eveichagua negociación, he'i ha'e ndaha'éiha avave rerekua

Tendota Guasu PLRA-gua, Blas Llano, ombyasy umi factor interno ipartido-gua oñeha'ãva omosarambi guerovia'ÿ posición partidaria orekóva reelección presidencial rehe. Ndaipóri mba'eveichagua ñomongeta ni oficial ni oficiosa, he'i, ha omyesakã ndaha'éiha umi parlamentarios niñero ni umi 700.000 afiliado choguykuérare.

Óga pyahu orekóta victima dictadura-gua

Coordinadora de Luchadores/as y Víctimas dictadura-gua oinaugura hóga pyahu, ko'ágã Avda. Quinta Nº 921 haimete Parapití ha Estados Unidos. Kóva ko árape, 20 aravo jave.

Yvypóra omanóva 136 ohóva ko ary 2007 ohóvape

Ojekuaa 136 omanóva opáichagua suceso violencia oregistráva tetãme ko'ã ára 25 día ohóva ary 2007-pe. Péicha he'i reporte Policía Nacional-gua.

¡Cháke!: Amáme hetave oñemoña Aedes Aegypti

Hetaiterei ama ho'áva oipytyvõ oñemoñáve haguã ñati'û vector dengue. Población, tuicha responsabilidad oreko, oelimina haguã oerradica haguã ko mba'asy ko'ã árape ojukáma mbohapy tapichápe ko mba'asy ojeipysóva.

Oha'ãrõiterei Gobierno ombohovái haguã ko mba'asy

Omanova'erã peteî pohanohára, político hekoitépe ha kuimba'e teko porãva, Dr. Miguel Angel Martínez Yaryes, kóva gobierno Nicanor Duarte Frutos oñeinteresa haguã añetehápe epidemia dengue ojeipysóva tetãme ha ogueraháva mbohapy tekovépema.

Circulo Médico otaky MSP rehe

Presidenta Círculo Paraguayo de Médicos, Dra. Desirée Masi, he'i Ministerio de Salud Pública nomomba'ei dengue epidemia ojeipysóva tetã rehe. He'i campaña de prevención ofalla, marandu noguahêiva ciudadanía-pe ha ndaipóriha coordinación intersectorial.

Paikuéra ha komunidad-gua, oporopytyvõva'erã

Arzobispo de Asunción, Mons. Pastor Cuquejo, ojerúre párroco ha opavave fieles-católico-pe, omba'apo haguã ikomunidad rehe ombotapykue haguã ñati'û oñemoñáha ha'éva dengue transmisor.

Ñe'ênga

Arriéro piru jepokami, kumanda pire.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	62.169	530.184
Ayer	60.026	545.469
Ultima actualizacion:
26/01/2007 00:00:00

Viernes, 26 de Enero de 2007

YEN

Artículos más leídos