abc Google  
Marandú

Tuicha kyhyje ojo’apa ramo aguarã mba’asyvai ñane retãme

* Naiporãiete vaicha ñane renonderãme umi ysyry jupi oguerúva hendive.
* Péva ikatu ogueru hendive mba’asy cólera ha fiebre amarilla, ojo’a haguã dénge ndíve, ha ikatu ombopohyive umi tapicha campaméntope opytáva rembiasa.

Oñemyape’sãta tapicha ñemopotî ha ohesape’arã

Péva rehegua py’apy ohenduka kuehe Elvio Brizuela (kóva viceministro de Emergencia Nacional). Upekuévo omombe’u mba’épa ojejapóta oñeha’ã haguã ojejoko umi mba’evai. Oñemyape’sãta tapicha trabajador social ojapo haguã ñemopotî ha ohesape’a haguã mayma tapicha campamento háre.

Ko epidemia ikatu ombyai gobierno-pe, he’i Chiola

Karai senador kolo’o Martín Chiola omombe’u kuehe tuichaha py’apy pe mba’evai ikatúva oiko ko’ápe, taha’e social, economía térã política rehe, isarambive ha hetave ramo ohóvo mba’asy denge. “Ko epidemia ikatu ombyai gobierno-pe”, he’i Chiola, Avei omombe’u ohendu hague oje’eha pe Embajada Norteamérika ojerure hague ipaisano kuérape ani haguã ou Paraguáipe.

Mitã hasýva mokõiha jevy ikatu oreko hemorragia

Tekotevê ojepuru repelente, mosquitero, oñemoî tela metálica okkê ha ovetâ rehe. Péicha ojerure Dr. Antonio Arbo, kóva infectólogo mitã rehegua, ani haguã ñandesu’u ñati’û Aedes aegypti. Iporã ñañangareko ikatuhaguéicha mitãnguéra rehe, ha iporãvéva jajapo pe iñepyrûmby guive ndajahejái ombo’a ñati’û térã oja hupi’a ñande róga háre.

ABC ha El Lector ojepytaso jevýma oñondive

Ko pyhare ojehechukáta umi aranduka pyahu osêtava tenonderã, primero ha segundo ciclo pe Educación Escolar Básica rehegua. Ko’ã kuatia ombiesako’i oñondive editorial El Lector ha diario ABC Color. Péicha, ojehechátama mba’emba’épa oguerúta ko’ã tembiapo porãite osêtava ABC-ndíve ko ára 19 jasykõi (febrero) guive 23 jasyapy (marzo) peve. Péva 20 mil guaranínte hepy.

Opositor ku’éra omongu’éta juicio político Corte kolo’ópe

Umi partido, movimiento político y organización sociale kuéra oiméva Concertación Nacional-pe oñembyatýta ko ka’aru omobe’u haguã oimeha peteî ñe’ême omotenondetaha juicio político umi 5 kolo’o Corte Suprema de Justicia-pe. Umíva Wildo Rienzi, Antonio Fretes, Alicia Pucheta, Víctor Núñez y Raúl Torres Kimser. Avei oime umi mokõi ministro Tribunal Superior de Justicia Electoral-pegua: Juan Manuel Morales (kolo’o) ha Rafael Dendia (encuentrista).

Oñemongu’éta ndaje 400 mil kolo’o

Partido Colorado ndaje oime omongu’e haguãicha 300 ha 400.000 afiliado jepe odefende haguã umi ministro kolo’o Corte Suprema de Justicia ha Justicia Electoral pegua. Péicha he’i kuehe Palacio de Gobierno-gui osêvo pe diputado Ñe’êmbukuygua, Benjamín Maciel Pasotti. “Ndorohejamo’ãi ojejapo enjuiciamiento hesekuéra. Ndorohejamo’ãi avei Pedro Fadul ha avave opoko Corte Supre rehe ojaposeháicha” he’i.

Policía Urbana oku’eñepÿrû táva Paraguaýpe ko pyhareve guive

Pe Policía Urbana Especializada (PUE) oñepÿrû omba’apo ko pyhareve guive ñande Táva Guasu guataháre. Hembiapo tupive oñeha’arõ tasa’ive umi tembiapovai táva rapére ñerairõ ha ñemonda, ha tojejokove umi mitã “pirañita”. Secretaría Nacional Antidrogas (Senad) ome’ê kuehe ko’ã tahachi pyahúpe guarã 154 pistola. PUE osê oñangareko haguã tavaygua rehe ha ojoko haguã jejuka ha ñemonda Paraguaýpe.

Concejal-kuéra omoambue “edicto Riera”

Pe Junta Municipal de Asunción omaña jevy kuehe “edicto Riera” rehe ha ohejáta tenonderã toipe’a hokê oipotaha aravo peve umi ñemu ha vy’aha pyhare omba’apóva. Umi oñemboy’u iróva rehegua oñevendekuaa 2:00 aravo peve arapokõindy pa’ûme, ha arete jave katu 4:00 aravo peve.

Oñepÿrûta arapyahu tetãme guarã

mandu’ávo ñane situación política rehe, pe sociólogo Alejandro Vial he’i ko oikóva Partido Colorado rehe, ko oposición ñemongu’e ha pe Fernando Lugo ñemyakãsê política-pe ohechuka ñandéve hu’ãha hína petei ara ipukuetémava ha upekuévo oñepÿrûha ambue ára, arapyahu, ikatúva oguer ñandeve heta mba’eporã, ha katu ndajaikuaáiva gueteri gueteri mba’éichatapa.

Jagueroviase’ÿva: kuriju omokõ peteî peón estánciape

Peteî kuriju tuichapa jepéva omyesa’ã ha omokõ peteî mba’apohárape estancia “Karaja Vuelta”-pe, opytáva ysyry guasu Paraguay rembe’ýpe, 353 km ñande Táva Guasúgui, yvate gótyo. Upépe, y oykepa rire hógape, osênguevo yjyvatevehápe, oity, ojopy ha omokõ mbói guasu Juan Carlos Gutérrez Medina-pe, avave ikatu’ÿre ojapo mbaéve hese, hembireko ha ta’ýra kuére renonde.

Iporãma ñañe’ê gasoíl repy rehe, he’i Ibáñez

Iporãma ñañ’ê pe gasoíl repy guejy rehe, péva opáma ko’ágã ñane Gobierno-pe guarã. Péicha he’i kuehe karai ministro de Industria y Comercio, José María Ibáñez. Ha katu umi gremio usuario ha consumidor rehegua imandu’a chupe kuehe pe mba’e rehe jahechápa ndoguejyimive combustible repy.

Firma ovendéva pileta ogueru umi aparato control satelital rehegua

Pe Contraloría General de la República oporandu Aduana-pe mba’perepa omotenonde upe firma SLC Internacional. Kóva añoite oime autorisado omba’apo haguã pe control satelital de carga-pe. Pe empresa ojogua umi equipo satelital peteî firma pytagua omba’apóva piletas de natación ha mbaé jehesape-pe, ha pe precio katu ojegueroviase’ÿ haguãichavoi, he’i avei Contraloría.

Heta oike ñane piña Mercado de Abasto-pe

Oime yva opámava ohóvo, ha upekuiévo ambue yve oñepÿrû oike heta ohóvo Mercado de Abasto-pe. Péicha pe ñane piñahete heta oike. Avei oguahê heta ñane narãha, ha sa’imive katu pakova. Umi yva opáva ohóvo katu sandia ha merõ, ohasáma rupi ohóco hi’ára.

Irundy mandyju desmotadora-gui ojejoko tembiapo

Iriundy desmotadora mandyju rehe omba’apóva-gui ojejoko tembiapo ojejuhu rire kuehe oipyhy ojogua mandyju chokokuégui báscula japú reve, ndoguerekó rupi kuatia INTN ome’eva pévarã. Ko tembiapo oiko Servicio Nacional de Calidad y Sanidad Vegetal y Semillas (Senave) rupive.

Recalde omombe’u va’erã fiscal-pe mávapa ome’êse chupe coima

Ko’êramo pyhareve, pe omyakã “interino” ramo Entidad Yasyretã, Ing. Angel María Recalde, ohova’erã Fiscalía-pe omombe’u haguã mávapa umi oikuave’êva chupe osê pe preacuerdo Yasyretã deveha rehegua. Ko’ágã peve, noñe’êséi váicha pévare.

Lugo oipota ojeheka ambue método oñeporavo haguã candidato

Karai obispo-kue Fernando Lugo he’i kuehe ha’e oimeha pe Concertación ha pe Bloque Social ndíve, ha katu oha’arõta tojeheka ambue método iporãvéva ojeporavo haguã candidato, anítei avave opytavai. Péva ojerure umi frente opositorguápe. Oipota avei oñemohenda umi sector sindical.

Pa’iguasukue oñepÿrû oguata Cháco-re

Fernando Lugo omoñepÿrûta ko árape hembiapo ñande Chaco-re. Péina ohóta ohecha tenda ha oñemongeta tapicha kuéra-ndíve heta hendárupi. Hendive ohóta Movimiento Popular Tekojoja ruvicha kuéra. Lugo oiméta ko árape Escuela Pa’i Puku, Montelindo ha Pozo Colorado-pe.

Venezuela omonei compromiso democrático omoîva Mercosur

Pe Hugo Chávez gobierno, Venezuela rehegua, omonei pe compromiso democrático ojehai va’ekue ary 1998-pe, ojeruréva Mercosur umi oikesévape socioite ramo. Karai José Huerta, kóva embajador Venezuela remimbou, péicha ohechauka kuehe kirirîhaitépe kuatia rupive.

Corea ojopói tembipuru hepy

Sa’ive ojepueu haguã pirapire ñehenói teléfono rupive umi ñane ministerio kuéra háre oñondive, Corea ojopóita ko pyhareve peteî sistema de comunicación telefónica pyahu ohupytýva hepy 2.500.000 dólar. Umi coreano-pe guarã, umi ministerio háre oñeñe’ê 100.000 dólar mensual, ha ko mba’e rupive tuicha ikatúta oguejy péva.

ÑE’ÊNGA

Libro de suénoicha ndejapu

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

51.982

649.892
Ayer

46.136

578.925
Ultima actualizacion:
15/02/2007 00:00:00