Viernes, 09 de Marzo de 2007

Efeméride 1973: Alejandro Fretes Dávalos es nombrado comandante del Colegio Nacional de Guerra.

+ Ver Más
PESO ARG.

Compra:G. 1.635 /Venta:G. 1.690

+ Más cotizaciones
Temperatura Actual:

(
L.
.

+ Más información

-Nohendúi umi cuestionamiento ojapóva sector privado, Congreso omotenonde "Y" estatización total.

Corte ombopuku Oviedo káso

Mburuvicha Guasu Corte Suprema de Justicia-pe, Alicia Pucheta, he'i ágã lunes Sala Penal ohecháta omonéîpa Lino Oviedo kondena pa ary ka'irãime. *Kóva káso omonéîva, mbohapy árape oorresolvéta plenario máximo tribunal ohecha haguã ko káso. *Ko'ã ministro ohendúta declaración umi 37 testigo pyahu oikuave'êva defensa ha ohesa'ÿijóta kuatiañe'ê omondóva general Víctor López Giménez karai Nelson Argaña-pe, omoañetéva oîha conspiración.* Max Narváez, abogado defensa-gua, ogueroviáva Oviedo ágã 30 árape isãsõtaha, péva omoañetévo plazo procesal. *Juan Carlos Galaverna omoañete “Nicanor ndorekóiha mba'eve ko cuestión-me”.

Tupão ojerúre toñemyesakã ojeporúva

Iglesia Católica ojerúre toñemyesakã umi gasto Itaipúpe ojeporúva.

Evanhy oipurúse Jardín Botánico ytyryru ramo

Evanhy ombosako'i oiporu haguã Jardín Botánico ágã vertedero “provisorio” ramo.

Ojoaju Brasil-EE.UU ndive energía rehe

Policía Militar brasileña ojesareko peteî manifestante oiméva São Paulo tavaguasúpe. Ko'ápe umi tapicha oprotesta oguahêgui presidente estadounidense, George W. Bush, Brasil-pe. Oî tuicha apañuãi ha tapicha herido, jepénte ndaipóri igravetereíva. Bush ha Lula da Silva ofirmáta alianza sector biocombustible-pe. Estados Unidos oreko intención omboguejývo por lo menos 20 por ciento gasolina ojeporúva ágã década ohasávape ha ombyekoviáse etanol rehe ha ambue biocarburante idañino ÿva pe heñóivagui.

ABC REMIANDU

Inseguridad jurídica ha'e peteî estigma ñane retãme guarã. Péicha Presidente de la República Federal de Alemania oúva mbohuparõ, ome'ê efecto colateral oikuave'êvo ha omoaguîva peteî mba'asy crónico ñande incipiente ha Estado de derecho ipererîvape: péicha inseguridad jurídica oitýva tukumbo tavayguakuéra República-pe; osalvo, naturalmente, umi ojuhúva poder-pe ha oaprovecha beneficio ijupe térã atýpe opavave recurso del Estado-pe. Kóva ikatu oipapa umi káso inversor aleman ha frances ohasáva saqueo canallesco biene orekóvagui. Ko'ã káso, ha atrako omotenondéva ñemiháme dirección de políticos demagogos. Paraguáipe nañaikotevêramo'ã Presidente alemán ohechakuaa, ndikatúi oñemo'ã añeteguáva ha ojeipysóva.

FMI oha'ãrõ Ministerio de Hacienda ha Banco Central oguahê acuerdo-pe

Tendota misión Fondo Monetario Internacional (FMI) oiméva tetãme, Alejandro Santos, he'i kuehe Paraguay omoañetéha meta económica ojepactáva acuerdo “stand by”-pe. Ojoavýgui Ministerio de Hacienda ha Banco Central del Paraguay (BCP) heñói ha péva he'i oha'ãrõha oguahê acuerdo capitalización entidad monetaria-pe.

BNF omoherakuã cheque ambue banco-pe

Banco Nacional de Fomento (BNF) omoherakuã oficialmente kuehe guvie omonéî umi cargo ojeguerekóva ambue banco ndive, ojehepyme'ê haguã tributo péva contribuyente-kuéra. Péicha omoherakuã oikuaaukávo tendota Dirección de Recaudación Tributación reheguáva, Juan Olmedo.

Estado ojuhu ojekobráha hekope'ÿ viru

Dirección de Jubilaciones y Pensiones Ministerio de Hacienda-gua, oikuaauka ojuhúha peteî káso ipy'ahúva cobro irregular beneficio orekóva peteî jubilada onmanova'ekuéma. Péicha beneficiario oñemboyke planilla fiscal de pago-gui ko entidad estatal-pe.

Oñembosako'i proyecto de léi ojejoko haguã impuesto a la renta personal

Presidente Colegio de Contadores del Paraguay, Valentín Galeano, omoherakuã kuehe peteî grupo diputado omba'apóva oikóvo proyecto de ley ohekáva ojoko haguã impuesto a la renta personal (IRP). Kóva propuesta heñóiva ko gremio-pe.

Noromopu'ãi base militar, ni ndoromondái Acuífero Guarani, he'i Cason

Embajador Estados Unidos-gua ñane retãme, James Cason, omoañete iGobierno nomopu'ãiha Paraguay-pe mba'eveichagua base militar, nomondái Acuífero Guaraní, ni ndojoguái Chaco. “Jaikuaa moõguipa ou ko información kañy kóa (sabemos de dónde proviene esta información desatinada)”, he'i, jepénte nde'íri moõigui oñepyrû oñemoherakuã.

Plan Umbral del Milenio ohupytýta US$ 900 millones

Estados Unidos ñeime pytyvõ rupive, kóva héra Programa Desafío Umbral del Milenio, ohupytýta 900 millones de dólares, oñemoherakuãva El Salvador, Honduras ha Nicaragua, he'i ome'êtaha programa completo, ha Paraguái, ohupytýva 35 millones, omoañete péicha embajador estadounidense ñane retãme oiméva, James Cason.

Empresario ha Ministerio Público omoirû ombohováitaha contrabando-pe

Sector privado ha Ministerio Público omoirû ombohovái haguã ingreso ilegal asúka ha ambue producto omomyenyhêva mercado, ho'a vaíva ñane retã producción-me. Péicha he'i kuehe fiscal general del Estado, Rubén Candia Amarilla, ha umi empresario oñembyatýva umi gremio producción-guápe.

Pytyvõ umi kamby rehe omba'apóva rehe

Péicha agenda de competitividad cadena láctea, Programa PR100 omokyre'ÿva MIC, ágã 09:00 aravo jave, oñemotenondéta reunión asistencia técnica ha crediticia péva 100 productor ha omyakãva cartera de Estado, Fondo Ganadero ha Cámara Paraguaya de Industriales Lácteos. Péicha ko evento omotenondéta Municipalidad Guarambarégua.

Interés Alemán biocombustible rehe

Oguahêvo presidente alemán, Horst Köhler, ñane retãme, ñanemomba'eguasu, ohechauka oîha interesádo ha ikatúha omoambue umi proyecto concreto inversión reheguáva péva área biocombustible-pe, omoañete ministro Ibáñez.

Comunidad libanesa ndogueroviái Barakat oñemongañýha

Comunidad libanesa Ciudad del Este-gua he'i oîha umi hecho sugestivo ogueraháva opensa haguã supuesto secuestro Mohamad Barakat ha'éha peteî autogolpe. Ko árabe, oiméva pirapire ñembohasápe ka'ípe, ``ohejávo" ko tenda fronteriza ha oiko haguã Brasil-pe. Péicha heta joavy heñói.

"Oñembohory" hikuái Benítez rehe EE.UU-pe

Peteî reportaje omotenondéva cadena norteamericana Telemundo kóva Triple Frontera gotyo, ministro del Interior, Rogelio Benítez, omoañete contrabando oîva Ciudad del Este gotyo opámaha.

Plan oapunta Paraguaýpe

PEDRO JUAN CABALLERO (Cándido Figueredo, redacción regional). Fuente submundo del hampa oîva ojoajuhápe he'i oîha peteî lista de persona ikatúva ojesekuestra, ha oiméva delincuente iñarõva resahópe ha ôîvo pa'û omotenonde haguã upe acción Paraguaýpe (Asunción) omoañetéta.

Oñeme'ê jopói porundy kuñáme hi'arape

Oñemomba'eguasu hembiapóre porundy kuñáme ikatupyryvéva, kóva ojegueromandu'ávo “Día internacional de la mujer”, péva Manzana de la Rivera-pe ha ombosako'i Plan Paraguay.

Jopói héra "seraina Dávalos", oñeme'ê kuehe

Jopói “Serafina Dávalos”, péva “Kuñanguéra árape”. Kóva distinción omopyendáva Junta Municipal de Asunción, odestináva categoría ha'éñóvape licenciada Selva Evangelina Riquelme León, ha categoría corporativa-pe Asociación Tiempo Nuevo, péva omyakãgui proyecto Parlamento Mujer.

Ojerúre kuehe jahechápa noñemohjenda porãi tesãi angareko

Umi representante oimehápe kuñangue´ra ha kuimba'e oñembosako'íva ojerúre hikuái jesareko porãve kuehe, oñemanifestávo acto central oñemotneondéva Ministerio de Salud rovái. Péicha 50 persona he'i hikuái ityre'ÿha Estado-gui ha ojeporu vaíha agrotóxico oñeme'êva.

Joja mba'apópe ojerúre "Kuñanguéra hi'árape"

“Día internacional de la mujer”, “kóva lucha omoambuéva siglo XX -pe ojehekávo ani kuñanguéra oñemboyke osuperávo discriminación histórica ohasáva mayma kuña mundo-gua, violación generalizada derecho humano rehe, omopyendáva impedimento ohupytývo joja, okakuávo ha py'aguapýpe”, péicha he'i marandu ministra María José Argaña he'íva kuñanguéra árape.

SENEPA ndorekói kamioneta ombohovái haguã dengue epidemia

Déficit camioneta rehe oreko Servicio Nacional de Erradicación del Paludismo (Senepa) ombohovaí haguã epidemia dengue, péicha ojeguereko, 20 mba'yrumýi, 10 oikóva mba'yrumýi. Ojerúre auxilio ambue institución-me oipytyvõva “oipurukávo” imba'yrumýi rociado-pe guarã.

Dengue oñemosarambi opa tendáre

Heñóivo mba'asy ko región ojuhúva estado brasileño Mato Grosso do Sul, ko'ápe oñemoañetéma 42.000 dengue káso. Péicha omoherakuã agencia Ansa, mburuvichakuéra sanitaria-gua omoañete oñepyrû guvie ko ary omanóha 4 yvypóra ko mba'asýgui. Péicha víctima fatal ha'e pete{i kuimba'e orekóva 28 ary.

Karai iñarandúva ha ikatupyrýva alergia ha asma-pe oî mbohuparõ

Prof. Dr. Carlos Baena - Cagnani, argentino ha'éva mburuvicha past presidente de la WAO (World Allergy Organization), ex- pte. Sociedad Argentina de Alergia, Asma e Inmunología, oguahêma tetãme oipepirûgui Sociedad Paraguaya de Alergia, Asma e Inmunología, hembipotápe opresenta GARD (Global Alliase Respiratory disease) ha'éva peteî campaña mundial umi mba'asy pytuho reheguáva omombia haguã. Omotenonde ha omokyre'ÿ Organización Mundial de la Salud y la WAO.

Kuatiahaipyre "Cristo hoy"

Kóva kuatiahipyre omoherakuãva Iglesia Católica, péva os{e diario Sendero rekovia, péva oñembotyva'ekue. Umi oipotáva ohenóiva'erã teléfono 441.839-pe.

Ñe'ênga

Péva horaitépe he'i ijapuséva.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	51.990	636.429
Ayer	54.003	647.351
Ultima actualizacion:
09/03/2007 00:00:00

Viernes, 09 de Marzo de 2007

PESO ARG.

Artículos más leídos