Viernes, 23 de Marzo de 2007

Efeméride 1999: Muere en un atentado el vicepresidente de la república Luis María Argaña Ferraro.

+ Ver Más
PESO ARG.

Compra:G. 1.625 /Venta:G. 1.680

+ Más cotizaciones
Temperatura Actual:

(
N.
.

+ Más información

Tetãme omboguatáva partido Lino Oviedo omyakãva oresolve kuehe oipytyvõ oficialmente marcha Paraguaýpe ohenóiva Fernando Lugo kóva 29 oúvape. *Ojerurévo justicia soberana ha he'i jeývo imba'ejerúre ary ohasava'ekuépe oikoa'ekue concentración de “Resistencia Ciudadana”. *Tendota Unace-gua he'i omomýitaha umi oguerohorýva ichupe. *Tendota nucleación-gua, Enrique González Quintana, he'i ojoajúha convocatoria postulado rehe, pokõi ary oikóva ojejerúre justicia independiente.*Péicha avei, PLRA ha Patria Querida tendota jepénte ojeretira institucionalmente ko organización evento-gui, nombotovéi base oîsévava toime.

Nicanor opytáse pirapire ha'éva municipalidad mba'e

Nicanor oñeha'ãmbaite opyta haguã umi pirapire municipalidad mba'éva rehe. Avei ombosako'i impuesto so'o rehegua hembýva rehe.

Kuehe y ára

Ojegueromandu'a y ára (Día del Agua) ha Essap ojerúre aumento tarifa-pe.

ABC REMIANDU

Nicanor hovamokõi ojedeklara “neosocialista”
Ombosako'ívo interna Partido Colorado ha presidencial 2008, presidente Duarte Frutos ombosako'i tuicháve impulso campaña electoral orekóva discurso populista irresponsable, kóva supuestamente rico, terrateniente, empresario agrícola-kuéra contra-pe, oamenasáva chupekuéra impuesto pyahúpe. Nde'íriva Mandatario ha'e upe sistema social injusto oñemopyendáva tetãme omoheñóiva política estatista igobierno-pe ha ambue kolo'o kuéra oîva'ekue, omantenéva aparato estatal pokarê, clientelista, prebendario ha, inútil. Koã iniquida okondena Paraguáipe ombotapykuévo ha oikóvape ko'ã árape.

2006 arýpe oñembyaty G. 6.336 millones

Ary 2006 jave oñembyaty G. 6.336 millones “umi músiko-pe guarã”

Ombotove hikuái proyecto Brasil contra-pegua

Cámara de Diputados ombotove kuehe ha ombohasa archivo-pe upe proyecto decla ración opresentáva diputada choguy Zulma Gómez ha oñeha'ãva okondena intención orekóva Brasil omopu'ãvo muro perimetral Foz de Yguasúpe. Arapokõindy ohasávape Cámara oaplasáma estudio oîva ko proyecto de léipe.

“Ñangareko y rehe ha'e ñane rembiapo”, he'i titular Senasagua

“Tetã ramo, ndajajepy'apýiva'erã problema oîva y oñeikotevêtaha, péva jaguereko hetágui; jñañangarekova'erã recurso hídrico jaguerekóva ani haguã oñemongy'a ni oñembyai. Kóva tembiapo maymáva mba'e: ñañangarekova'erãy jaguerekóva rehe”, he'i director Servicio Nacional de Saneamiento Ambiental (Senasa), Ing. Genaro Cristaldo Ibarra.

Peteî paso'imi ojeklasifika haguã

Omoinge gol Carlos Bonet, ovy'aitereíva, Libertad oity angepyhare "El Nacional de Quito por 1 a 0 " ha oike octavo de final Copa Libertadores de América-pe. Campeón paraguayo omotenonde igrupo diez puntos, hapykuéri América mexicano ha Banfield argentino, seis punto cada uno, mokõi fechas oñemohu'ã haguã gueteri. Empate-pe ohasáma ambue ronda-pe.

Oposición ojoko fondo oñedestináva óga apópe guarã

Bloque opositor oiméva Cámara de Diputados-pe ohapejoko kuehe ampliación ha'éva 130 mil millones de guaraníes ojeruréva Poder Ejecutivo oñemopu'ã haguã vivienda popular. Legislador he'i ndaipóriva utilización de recurso ha péicha he'íva distribución construcción omotenondéva criterio político.

Gremio ojeruréva CSJ ndopagáiva tasa

Tendota Coordinadora de Sindicato Aportante Banco Nacional de Trabajadores (BNT) ojeruréva kuehe presidenta Corte Suprema de Justicia, Alicia Pucheta de Correa, ojeruréva umi gremio oiméva juicio-pe orekupera haguã umi aporte ndojekapitalisáiva ko entidad bancaria-pe, ndopagáiva tasa judicial.

SEAM medida pykasu ohupyty haguã ndoikói ha peteî disparatada

Umi pykasu japihára oafina va'erã ipuntería ko'ã temporada-pe ha ohupyty 8.900 paloma pete{i árape ohupyty haguã peteî cupo ha'eva 400.000 kóva 45 árape. Péicha avei, ojukava'erã 35 guyra peteî tiro-pe, ojavy'ÿre ni peteî proyectil.
Techapyrã rome'ê ko absurda resolución 167/07, ohaíva umi “especialista” Secretaría del Ambiente (Seam)-gua.

Pucheta ombohape investigación

Presidenta Corte Suprema de Justicia-gua, Alicia Pucheta, ome'ê iñeñe'ê añeteguáva Sindicato de Periodistas del Paraguay-pe ha avei ambue organi zación social oîva kuehe idespacho-pe, oipe'a haguã hokê, “como ciudadana inte resada en este caso” péva niko mesa ñomongetarã Fiscal General Rubén Candia Amarilla ndive.

150 firma oî poha tapicha resa guýpe

División de Fiscalización de Empresas de Seguridad oiméva sub comisario Cándido Gómez, orekónte poha funcionario policial ojesareko haguã 150 firma oiméva vigilancia ha seguridad privada poguýpe. Ojeguerovia oîha peteî cantidad omba'apóva ilegalmente. Ko'ãva, ohechauka tyre'ÿ legislación-gui, ha ikatu ha'e peteî causa ojeipysóha ko'ãva,péicha he'i sub comisario Gómez.

Oikuave'ê beca de estudio trentino-pe guarã

Gobierno de la Provincia autónoma italiana de Trento, ojoajúva “La Opera Universitaria di Trento” ha “La Universitá degli studi di Trento”, oikuave'ê 10 beca universitario posgrado ñemoarandurã. Ko'ã becado orekóta pytyvõ anual 6.500 euro oúva fondo oficial ome'êva provincia Autónoma Italiana de Trento. Koã porandúpe guarã umi oñeinteresáva ikatu ohenói dirección electrónica ha'éva: lorenza.fracalossi@provincia.tn.it”.

Fadul ndohói audiencia-pe ha oheja plantado Wasmosy-pe

"Mokõive ára jey noñepresentái ko'ápe ha lastimosamendoperdeséi itiempo odefende haguã idignidad de gente oñe'êva fundamento ÿme, la gente he'ínte ha ndorekói mba'éviechagua prueba, bueno es la ley de la vida, pero che naimeî mba'eveichagua carrera política-pe añekandidata haguã mba'éverã ha aju ambohovái intimación notarial, oñani, he'i oñembo'éhaha bueno, peê pehusga", he'i ex mandatario, hese he'i kuri Fadul ‘‘mondaha"

Senador omonéî léi minería-gua

Cámara de Senadores omonéî kuehe por mayoría ha modificación ÿme proyecto
léi de minería omopyendáva marco regulatorio, ha'éva concesión Estado de permiso ha umi concesión minera. Léi oñeremitíta Poder Ejecutivo-pe oñe promulga haguã.

"Mercosur oñotÿma ALCA", he'i Tetã Mburuvicha Guasu

Presidente Nicanor Duarte Frutos odefende kuehe posicionamiento orekóva igobierno Area de Libre Comercio de las Américas (ALCA) rehe, opronéva Estados Unidos ha otaky muruvichakuéra norteamericana kóva omomýiháicha política exterior América Latina gotyo. Omoañete ALCA oñeñotÿma tetãnguéra Mercosur rehe kóva Cumbre oikóva Córdoba, Argentina-pe, julio ary ohasava'ekuépe.

Lula oúta mbohuparõ Paraguáipe ha ombotove joavy orekóha Duarte Frutos ndive

Presidente brasileño, Luiz Inácio Lula da Silva, oúta oficialmente mbohupárõ ñane retãme, oikuaauka embajador brasileño, Valter Pecly. Oñeporandu diplomático ombotove Lula ha presidente paraguayo, Nicanor Duarte Frutos, ojoavýva térã oñomombyry ojuehegui. “Oîve empatía entre Lula ha Nicanor”, omoañete embajador periodista-kuérape péva orambosa rire Centro Cultural Embajada brasileña-pe.

Bco Venezuela "heñóita" ko semestre-pe

Caracas, 22 marzo(EFE). Gobierno venezolano he'i ko árape Banco del Sur, ikatúva oime Argentina, Bolivia, Ecuador, Paraguay ha Brasil, péicha avei Venezuela, omoheñóita “primer semestre del año-pe”. Ministro venezolano de Finanzas, Rodrigo Cabezas, omoañete entidad heñóitaha oñomongetávo canal estatal “Venezolana de Televisión”-pe ha omoañete oîha atýpe, Caracas ha Buenos Aires-pe, ohaívo “convenio constitutivo” banco-pe.

Paraguái oñeha'ã omboyke ohapejokóva

Canciller Rubén Ramírez Lezcano oñeha'ã kuehe Paraguái ohekátaha omboyke umi ohapejokóva comercio ohasa asýva ñande exportación. Oikuaauka aty ñomongeta ojehechava'erãva Mercosur Paaguaýpe, ñane retã ojeruréta oñembogue haguã umi mba'e ohapejokóva, oho porã haguã.

Ñembyasy ha ñembotapykue Paraguáipe guarã Mercosur-pe, he'i canciller

Ramírez Lezcano opresnta kuehe pyhareve Foro Brasil-pe umi mba'e oñeikotevêvéva presidencia protempore Paraguáipe Merkosur mboyve.
Kóva exposición ome'êva especial énfasis umi traba ohasáva Paraguái frontera Argentina ha Brasil ndive, tetãnguéra ñande ykéregua ha umi socio tuichavéva oîva Merkosur-pe.

Gobierno oñemomba'ése municipio pirapirére

Duarte Frutos omoherakuã oreactivátaha proyecto Impuesto al Patrimonio Rural, oñepresentáva jasypa 2004 ohasávape ha ombotove Congreso. Heta oî ndoikuaáiva kóva omyengoviáse impuesto inmobiliario-pe ha oguenohê ámbito municipalidad
recaudación ha'éva tributación yvy reheguáva.

Tatarendy ombohasa ojupe Bader Rachid ha MIC omyakãva

Senador kolo'o Bader Rachid Lichi, omyakãva Comisión de Reforma Sistema Penal he'i kuehe Astrid Weiler, oisãmbyhýva Departamento de Propiedad Intelectual MIC-gua omondo rire nota upe 23 de febrero 2005-pe opropone oñembohasa haguã poapy arýpe ka'irãime umi nomoañetéiva derecho de propiedad intelectual.

Oñemomba'apóta tekove orekóva discapacidad-pe

ko árape, 10:00 aravo jave, salón Comuneros Cámara de Diputados-pe oñembosako'íta audiencia pública léi omotenondéva empleo umi tekove orekóva discapacidad, oisãmbyhýva fundación Saraki, oipytyvõva hendive Comisión de Derechos Humanos Cámara de Diputados-gua.

Aranduka pyahu "che pomimi"

Ko'êrõ, 10:00 aravo jave, Salón Fundadores de La Casona de Coomecipar, San José 184 casi Río de Janeiro, oñepresentáta colección “Che Pomimi”, ohaíva Susy Delgado, ilustración Alberto Miltos. Ko aranduka ape colección Che pomimi, “Ña Juana, la de los cántaros” ndive, mitãnguérape guarã.

Bono boleto temimbo'épe guarãva, noñemoî mo'ãi téra kuéra

Umi bono orekóva temimbo'e kuéra orekóta umi chofer opaga haguã medio pasaje ogueraháta impreso institución educativa réra, pero temimbo'e réra nahániri. Propuesta ojoajúma temimbo'e ha Ministerio de Educación, pero neíra oaprova empresario transporte público-gua.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	67.292	701.921
Ayer	71.628	725.920
Ultima actualizacion:
23/03/2007 00:00:00

Viernes, 23 de Marzo de 2007

PESO ARG.

Partido Unace oipytyvõta marcha oficial Lugo-pe