abc Google  
Marandú

Paraguái ohupyty 4% energia valor

Ágã jueves oúvape ombotýta 34 ary oñefirma hague Tratado Itaipu, kóva ojepe'áva Paraguáigui legítimo derecho orekóva principal recurso natural, potencial hidroeléctrico río Paraná. *Ñane retã oreko Itaipúpe excedente energético 35 millones MWh peteî arýpe.*Totalidad omomba'éva Brasil ohupytýva 2,3 dólar MWh, péva cotización media orekóva mercado brasileño-pe ha'éva 59,4 dólar MWh. *Imposición hekope'ÿ, pueblo paraguayo ohupytýva 80,5 millones dólar anuales cesión energía rehe, ohupytyva'erãva 2.079 millones de dólar por año. Stroessner ha umi hapykuéri ohóva oî responsable, acción ha omisión rehe. Suplemento Económico-pe ikatu ñremoñe'êve.

Oreko hikuái sekuestrado aeropuerto ykére

“Ñamopu'ã Paraguái” (levantemos al Paraguay) sapukái mopirîme empresario japonés osê ijahy'ógui ñe'ê; mbykymi ojapo declaración Hirokazu Ota

Osê "porãiterei" avenida Molas López remoción

Comuna ojehu ha oguerohory osê porãgui sistema de remoción de empedrado. Kóva innovador sistema remoción de empedrado kóva comuna capitalina ome'êva empresa CC Construcciones-pe osolucionávo apañuãi Avda. Molas López-pe.

ABC REMIANDU

Oligarquización poder rehe ha'e tumba orekóva ñande democracia. Sistema político paraguayo ohupytýva ambue distorsión democracia rehe, ko'ã 60 ary ohóvape oñemomombyry ohóvo, hapógui ha hembiaságui. Ohenóiva “representante del pueblo” ha'e ára ha ára ohóvape representante del pueblo ha orekóve ojokóva estructura pokarê poder-pe, oñakaitýva ohupytývo beneficio material. Legislador térã ambue ohupytýva vóto, ndojejopýiete elector-kuéra rehe, oiporavógui ha'ekuéra voi, ojapóva “lista cerrada”, umi tendota partido-gua. Kóva oligarquización hasyvéva apaarato de dirección, umi aty'i político profesional ojejagarra jatevúicha okaru.

MEC ojogua kambýpe ojoguáva

MEC ohupytýta kamby imitación vai, hepyvéva.

Táva Mcal López gotyo heñói infierno oñemondaitereígui ha noñepenáiva

Distrito Mcal. López ojesarekóva grupo mafioso kóva ojoaju soha ñemitÿ ha iñekuave'ê. Ko táva ha'e ko'ágã yvy ndaijaráiva, ojejukahápe ha oî acto de violencia opyta reíva. Policía Nacional orekóva presencia meramente formal ha oikóva ojoapykuéri ko'ã árape ko'ágã oñemombarete ojoajúvo delincuencia rehe.

SPP, ko'êrõ oñemopyendáva periodista arapokõindy

Upe 26 de abril 1991 ramo, calle Pedro Juan Caballero mbytépe, pyhareve, mafia ojapi Santiago Leguizamón-me. Ndaha'éi peteî ára cualquiera, sino periodista imandu'áva hi'ára rehe. Upéi mafia ojuka jey mbohapyvépe ha péicha ko'ágã SPP ohecha káso Yamila Cantero (San Ignacio Misiones), opresentáva peteî crimen pa sional ramo policía, ojapóva he'íva umi “encargo mafioso”.

Oñembyaty gueteri firma "Paraguay Cale'ÿre

Ñemoherakuã jasy ohasáva guive omyakãva Manuel Radice, apoderado PLRA-gua péva Justicia Electoral. Péva oguerovia ivaíha ha omombaretéva legislador kolo'o Justicia Electoral-pe ha Corte Suprema de Justicia.

Senador Morinigo osê jey tenondépe

Senador Partido País Solidario rehe oiméva, José Nicolás Morínigo, ojehechauka jey kueheambue árape público rovái, péva accidente vaiete ohasava'ekue 3 de febrero ohasava'ekuépe. “Pepito”, oho viernes pyhare acto de presentación oîhápe lista tendotakuéra movimiento interno País Solidario, Socialismo Democrático, omotenondéva club de Leones barrio Bernardino Caballero-pe.

Ojeruréta interna PLRA ha ANR oiko peteî árape joja

Sector interno PLRA oipytyvõva postulación ex obispo Fernando Lugo presidencia de la República, omoherakuã directorio partidario interna choguy omotenonde upe árape avei kolo'okuéra ijeporavo.

Samaniego otaky capomafioso rehe ANR-pe

PARAGUARI (Catalino Ibarra, corresponsal) Precandidata kolo'o Lilian Samaniego, omoañete iprimo Esteban Samaniego mano, oikóva'ekue 8 jasypateîme táva kykyópe, ojapohague umi “capomafioso” ko departamento-gua. Péicha senador Julio Fanego, he'i oîha ko región orekóva peteî garante impunidad rehe.

Oficialismo ohecha téra jasypo pahápe ha omboyke sorpresa oîtaha

Senador kolo'o Alfonso González Núñez, oiméva miembro ramo Comando movimiento de Reconciliación Colorada ramo, oguerovia "chapa" presidencial oficialismo-gua umi comicios 2008-gua ndoreko mo'ãi sorpresa ojoajúvo umi téra omomýiva prensa ko'ã árape. He'iséva Blanca Ovelar, José Al berto Alderete térã Víctor Bernal, umi dirigente ndive oñemoî avei senador Nelson Argaña réra "péva oñeikotevérõ". Péicha he'i ipahápe reelección presidencial, orekotáva, omoañete oîha ñeha'ãr0§ oikotáva rehe.

Mitãrusukuéra choguy oñemoarandu

Jornada de capacitación y formación choguy umi tendota político juvenil rehe, oñemotenondéta ko árape, kóva salón auditorio “José Olitte” Municipalidad
Fernando de la Mora-pe, kóva 8:00 aravo guvie 16:00 aravo peve, ombosako'íva movimiento "Por el bien del Paraguay". Oñe'êta Julio César Franco, Efrain Alegre ha Gonzalo Quintana. Ojehecháta 150 mitãrusu oipytyvõva candidatura presidencial Federico Franco rehe.

Disidente ombocháke convención ndaipórirõ tribunal joja

Umi grupo adversario argaño-nicanorismo ojeruréva mokõi tenda, umi poha apytégui, tribunal electoral partidario, pero, jepénte péva oî peteî promesa ojapóva José Alberto Alderete omonéîtaha planteamiento, ndorekóiva seguridad péichataha convención árape.

Omoha'ãrõ Mercosur rehe reunión

Diferendo oîva Argentina ha Uruguay ndive omopyendáva papelera, oñemoha'ãrõ ágã Paraguaýpe (Asunción) umi canciller Mercosur-gua. Ko aty oñemotenondeva'erã 19 ha 20 de abril pero,oñemoañetéta mayo-pe ae.

Oñemoha'ãrõ hikuái heta ára aeropuerto español-pe

Ko ára guive oúta hikuái umi grupo oîhápe paraguayo-kuéra oîva retenido heta ára ohasávape aeropuerto Barajas, España-pe. Kuehe ambue árape 30 persona ndikatúi osê hikuái aeropuerto-gui. Gobierno ojerure manteva'erã peteî trato digno, he'i viceministro Federico González, péva léi migratoria tetã oîvape ha'e autónoma.

Oficialismo kolo'o omotorisa grupo estudiantil derechope

Movimiento Fuerza Integradora de Derecho y Notariado (Fiden) ha'eháicha Paraguay Derecho UNA (Parduna) oñedefini independiente ramo opáichagua partido político, pero hembiapo ohechauka ambue mba'e.

Jagueru jey binacional ñane retãme

Añetehápe situación de fondo noñemoambuéiva, roime gueteri umi vendepatria kuéra ndive péva rector ñane ra'arõva, ko'ágã actual mburuvichakuéra, ha'éva gobierno-pegua térã ambue patria orepresentáva binacional, hasyvéma oikuave'ê haguã falsa ilusión omantenéva omongévo pueblo en general-pe; kóva opáy va'erã, hi'arandúva guive ha'eháicha pueblo en general.

E.E.UU, omoambuése política subsidio agrícola

Casa Blanca oikuaauka ivoluntad política omoinge haguã umi cambio ipypukuvéva ko'ã materia rehe, jepénte ambue tetã ombokakuaa, ha'eháicha Japón ha Unión Europea, ndoúiva recorte hohóva ambue esfera ha'éva Organización Mundial del Comercio (OMC), péicha ojekuaa.

Gremio ojerúre toñeme'êve UNA.pe guarã presupuesto

Umi representante oiméva opavave gremio Universidad Nacional de Asunción (UNA)-pe, oñembyaty hikuái Hospital de Clínicas-pe, ikatu haguã omboguata ojoajúvo acuerdo de ampliación presupuestaria oguahêva presidente de la República Nicanor Duarte Frutos ndive, diciembre ary ohasava'ekuépe.

Contribuyente opavave ojekeha

Estado de abandono opavave plása ha paseo central, avave nopenáiva Municipalidad de Asunción, oheka oîgui queja generalizada contribuyente-kuéragui. Péicha asunceno opagáva tasa especial G. 30 mil péva “conservación de parques, jardines y paseos públicos” rérape.

Ojerúre hikuái interpelación ministra rehe

Hugo Waldino Lovera, omyakãva fundación Lambaré, omba'apóva 17 arýma umi 120 komunidad indígena ndive, oguerovia ministra de Educación Blanca Ovelar de Duarte oñeinterpela va'erã Parlamento-pe estafa rehe péva complemento nutricional temimbo'épe guarãva. “La gente ojapóva ko'ã mba'e oimo'ã araka'eve ndorekomo'ãiha inspección, ohóva peteî auditoría-pe.

Ñe'ênga

Aníke emombe'u he'i ojepilláva.

  • + Del Día
  • + De La Semana
  • + Del Mes

 Artículos más leídos

INSTITUCIONAL