abc Google  
Marandú

Brasil nome'ê mo'âi Itaipu, por las buenas, he'i hikuái

Panameño Henry Ford, ministro de Hacienda gobierno general Omar Torrijos, peteî protagonista recuperación Canal de Panamáre, he'i Paraguái araka'eve no reivindika mo'ãi legítimo derecho orekóva Itaipúpe por las buenas. “Ñemochiõme ndojehupytýi mba'eve, tape ñorãirõ, mba'eve noguenohê mo'ãi Brasilgui oguapývo mesa-pe”, he'i veterano dirigente. *He'i oha'ãrõmanteva'erã buena fe ni solidaridad, péva umi Estado rekónte interes, ha Brasil oikotevê energía osostene haguã crecimiento. *Oñemoñe'ê opavave organismo internacional, oikéva OEA, ha ohupyty comunidad internacional oiporiahuvereko. *Upe clave omoingemanteva'erã sociedad-pe ha tendota ikatupyryvéva ha ijohéipyréva.

Nicanor he'i Alderete ha'eha te de boldoícha

Mburuvicha Guasu Nicanor he'i Alderete ojoguáha té de boldo-pe
“Ndojapo porãi ni ndojapovaíre avavépe”, omoañete mburuvicha iñangirûngue rehe.

Oñemotenonde "clonaciones" Registro Automotor-pe

Oiko gueteri “clonaciones” Registro Automotor-pe, ary 2006 ojematricula 1.500 auto "mau"

ABC REMIANDU

Partido Colorado iñanakrónico Partido Comunista China-gua. Partido Comunista de China, ary 1949 oisãmbyhýva República Popular de China, oñeempeña ojuhúvo peteî moderna definición concepto “trabajador” ojeadaptáva milagroso avance oiméva capitalismo ohasáva tetã. Pe concepto de “trabajador” omoîva PCC ohasáma 60 ary itujáma ha inaplicable upépe. Ko'ápe katu, centenario Partido Colorado Paraguay-pe, ha'e pe itujavéva continente, techapyrã partido político vetusto ha anclado dogma ymaguaréva. Ko situación ndojavýi Partido Comunista China-gua ymaite guive, pero iñambuéva, coloradismo ndikatúi oñemoambue, oñemodernisa, ojesareko realidad global rehe ha oipyhy política pyahu omboguatáva prosperidad gotyo ichupe.

10 mil kilo marihuana

Umi ointerveníva omboguejy carga peteî kamiô ojejokóva kuehe Colonia Nueva Esperanza, Kanindejúpe, péva supercarretera ojoajuhápe Salto del Guairá péva Ciudad del Este, orekóva 10.230 kilogramos marihuana prensada, cifra récord peteî incautación añoitépe ko droga tetãme. Chofer ha iñirû ojeapresa. Noñemombe'úi máva umi oiméva péva rapykuéri, jepénte oî versión peteî policía orekóva alta graduación ombohape oúvo “abriendo el camino”. Mercancía oreko peteî valor ohupytýva 500.000 dólares frontera gotyo ha ohupytýva 8 millones de dólares oñemoîva mercado regional-pe.

SPP okondena RCTV ñemboty

Plenaria de asociados Sindicato de Periodistas del Paraguay (SPP) opói peteî pronunciamiento pyahu he'íva ipype ha'eha peteî “atentando a la libertad de ex presión” nombopyahúigui licencia canal venezolano RCTV-pe odisponéva gobierno upe tetãgua. Péicha avei, ojesolidarisa iñirûnguéra ndive ko medida rehe.

Patria Querida noîrî ni "en contra ni a favor" proyecto rehe

Senador Arsenio Ocampos Velázquez(PQ) he'i ko'ágã ndaipóri “ni en contra ni a favor proyecto amnistía oplanteáva Partido Unace oipytyvõva itendotápe oiméva preso Viñas Kuépe.

"Ojeikóta kolo'o rapykuéri judíoicha"

San Ignacio, Misiones (enviados especiales). “ Pe concertación opositora oguahêva poder-pe ágã 2008 oúvape omoñepyrû caza de brujas política paraguaya rembiasápe, ombyaívo itendota Partido Colorado-pe”, he'i presidente Nicanor Duarte Frutos, kuehe oñembyatývo tendota orekóva base San Ignacio, Misiones-pe.

Carlos Filizzola opresenta lista unica jeporavorâ

Ko árape oñemotenondéta elecciones internas Partido País Solidario (PPS)-pe, ombopyahu haguã imburuvichakuéra, péva 07:00 aravópe ha oipysóta 16:00 aravo peve. Péicha presidente PPS ha senador nacional, Carlos Filizzola Pallarés, oñemoî jey presidencia-rã ha'eñoite. Iñirû fórmula-pe ha'e socióloga Milda Rivarola.

OEA oipytyvõta biocombustible

Paraguái oipytyvõta Asamblea General Organización de los Estados Americanos (OEA) oikotáva Panamáme péva producción biocombustible, he'i Cancillería na cional. Ministro RR.EE. Rubén Ramírez Lezcano ombyaty postura paraguaya ha omokyre'ÿta tetãnguéra oipytyvõ haguã ombotapykue haguã mboriahu energía-pe.

"Ndoreflejái realidad", he'i hikuái

Directora RUA-gua, Marta Sosa Heisele, nomomba'éi kuehe lapidario informe oúva auditoría-gui he'ívo “no refleja la realidad” umi káso oñedenunsiáva mokõi jey ary 2005 jave.

Ceppro he'i oîha mala redistribución oikévape

Centro Paraguayo para la Promoción de la Libertad Económica y de la Justicia Social (Ceppro), kóva peteî organismo no gubernamental ymaite guive oúva, he'i ojoajúha orekóvo propósito espurio térã, al menos, oñeme'ê'ÿre bien común ñemotenodne.

Cuarenta imputado rupi oî

Fiscal Eber Ovelar –fiscal general adjunto Misiones, Kaacupe ha Ñe'embuku–, Gladys Torales ha Carlos Rojas oimputa 42 tekovépe kóva káso inscripción de automotores mau orekóva documentación falsa (clonación de certificados de nacionalización de vehículos ome'êva Aduana).

Ombosako'i acuerdo MIC e Itaipu

Arapokõindy ohóvape MIC e Itaipú ofirmáva peteî acuerdo ojoguávo equipo medición mboypa hína mezcla biocombustible ojeguerekóva diesel ndive, péva proceso de producción biocombustible-kuéra rehe.

Ka'a He'ê edulcorante natural yvóra jerépe

Ojekuaaháicha Rediex, China continental ha ambue tetãnguéra Asia-gua ha'e umi proveedor mundial esteviósidos-pe, noñemoapañuãi oipyhývo vegetal oñandúva exótico, ha, ohupytýva mokõi kosecha anual togue stevia rehe, heñóigui Paraguáipe, ko'ápe ikatu poha cosecha ojeguereko.

Otaky hikuái legislador-kuéra nopenáiva hesekuéra rehe

Umi nativos Panta Piris ha Antonio Portillo, oñe'êva iñirûnguéra rehe, he'i hikuái ohasáma mokõi jasy oîha hikuái Paraguaýpe (Asunción) ha Colmán noñein teresáiete ni ndojepy'apýiri penuria ohasáva korapy nandýpe.

Arzobispo omokyre'ÿ jeguerovia ha upéva ombotapykuéta pokarême

Arzobispo oñembyaty umi laico decanato N° 3 oimeva parroquia Virgen del Rosario, San Pedro y San Pablo, San Juan Bautista, Santísimo Redentor ha vicaría ha umi cuasiparroquia. Upe jave, Cuquejo he'i orekóha compromiso cristiano ha péicha V Conferencia del Episcopado Latinoamericano oñemohu'ã kuri Aparecida (brasilpe) ha oñe'ê discipulado mba'eichava'erãpa.

Paraguay oheka omondóvo España gotyo aceite biodiesel

Ombohováivo gran complementariedad oîva economía Paraguái ha Principado de Asturias, ministro de Industria de Paraguay, José María Ibáñez, he'i oestablece haguã relación comercial ombohasávo materia prima elaboración bio combustibles peteîha etapa, ha omopyendávo planta industrial carburante etapa ohasávape.

Oñemoherakuã ambue stronista

Omotenondévo dictadura stronista ha otakývo dirigencia ANR rehe, oñelansa kuehe precandidatura presidencia de la República-pe, Juan Alberto Ramírez Díaz de Espada, hógape .Péicha mbovými gente kolo'o oiméva, J. A. he'iPartido Colorado ha'eha religión-icha ha ojeho jeyva'erã hapópe.

Lugo ojerúre oñesê haguã calle-pe oñeimpugnávo okandidatura

BUENOS AIRES (Roberto González ha Fernando Romero, enviados especiales).- “Apañuãi político cállepe ya arregláta”, he'i presidenciable Fernando Lugo umi compatriota oñembyatývape, ohóva ohendu haguã ichupe Deportivo Paraguayo-pe, ko tavaguasúpe.

Alderete neéra oikuaa mba'e tapépa oipykúita

José Alberto Alderete, presidente interino ANR, oñeporandúvo ichupe ojepostulátapa presidencial 2008 oúvape, proyecto Castiglioni-pe. Péva oimévo Pilar rupi, upépe ojerúre Nicanor-pe aníve opersegi correligionario-kuérape.

Ñe'ênga

Lo siento en carne propia he'i kure ho'úrõ butifarra.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

54.180

546.736
Ayer

54.084

563.620
Ultima actualizacion:
03/06/2007 00:00:00