abc Google  
Marandú

Pya’ete ojejuhu ha oñemosãso umi mokõi secuestrado

Pya’e asyete ñemongu’e rupive, ha oñehenõimbaite jave periodista kuéra, kuehe ojejuhu ha oñemosãso pe pohãnohára Luis Ramos Barreto ha kuñataî María Acosta Medina. Peteî comando policia ha militar omyakãva comisario Antonio Gamarra, fiscal Rogelio Ortúzar ha hue Manuel Trinidad oike kuehe ko’êparapara jave peteê ógavaimípe, Saltos Monday ypy, Alto Paraná-me, oî hápe apytîmby umi mokõi tapicha.

Herakuã ndaha’éiha chupekuéra pe ojererahasemo’ã

Poteî (6) tapicha rehe ipopa’ã tahachi kuéra, ha mokõi katu oime okañy. Luis ha María hapykuere kañy kuri upe lune ohasa va’ekue. Herakuã ojavyhague umi secuestrador, ndaha’éiha chupekuéra pe ojererahase mo’ã, ndaha’éi rupi tapicha heta iplátava. Ne’îrava gueteri muruvichakuéra ohundi péicha tembiapovai ha ogueru jevy hógape tapicha oñeme’ê mboyve pirapire. Péicha ndoikóvai gueteri oiméramo umi víctima oguereko heta viru.

Mitã jejuka vaiete ohechuaka jevýma avave nañanemo’ãiha

Pe mitã jejuka vaiete oikóva táva Lambarépe ohechauka jevýma mayma tavayguápe pe jepive oikóva: tuichaite pe inseguridad ha ipoguýpe oime ñande rekove. Muruvicha kuéra-pe guarã, ko’ã mba’e oikóva ndaivaietereíri omombe’u háicha diario, tele ha radio-kuéra. Umi secuestro, asalto tape mbytépe, umi violación, umi ñemonda ojejuhúva, heta hetave ñahendu oiko ápe ha pépe ha oipy’apy asy mayma tetãyguápe. Upévare, avavépe nomondýi va’erã oimérõ ñahendu tapicha oipotáva ojejapo umi criminal rehe ha’ékuéra ojapo háicha ambue rehe.

Bolivia oipota yvateve ojupi fútbol ñemboharái

Ijaty kuehe heta voli oikóva ñane retãme oñeñanduka haguã pe Confederación Sudamericana de Fútbol róga renondépe. FIFA ndoipotái oiko vakapipopo ñemboharái 2.500 metro-gui yvateve, ha heta tetã oime oipotáva FIFA oguevi. Comité Ejecutivo oñembyatýta ko pyhareve oñemongeta haguã ko mba’ére. Kuehe Comisión Médica oñamindu’úta hese. Tendota Evo Morales oúta omoirû haguã hetã jerure ha oñemongeta haguã Conmebol myakãha, Nicolás Léoz-ndíve.

Oiméramo impugnación, guataháre oñesêta oñedefende Lugo-pe

Fernando Lugo ramo pe Concertación candidato ha oime ramo oñeimpugna, PLRA, umi 700 mil afiliado rehe ha mayma partido oposición-pegua osêta guataháre odefende chupe. Péicha he’i kuehe chovy ruvicha Franklin Boccia, omoirûva Federico Franco-pe.

Py’amokõime chovykuéra oguahê Convención-rã

Ko arateî (domingo) guarã oñembosako’i Convención PLRA rehegua. Ojehecha oñombohovái mokõi aty oñandu joavýva. Pe oficialismo, Blas Llano ha Carlos Mateo Balmelli omyakãva, ohejase Fernando Lugo toho candidato ramo mburuvicha guasurã, ha PLRA-pe topyta vicepresidencia. Federico Franco ndoipotái péicha; ha’e ojerure umi candidatura rehe toñeñemongeta Concertación-pe.

Fernando Lugo oho oñemongeta Norteamérika-pe

Karai pa’ikue Fernando Lugo oho kuehe Estados Unidos Norteamérika, oñemongeta haguã heta paraguái ra’ykuéra aty-ndíve oiméva omba’apo upépe. Avei oñe’êta parlamentario ha ambue tapicha upe sociedad-pegua ndíve. Ko pyhareve ohóta ohecha ñane retãyguare oiméva omba’apo amo ha ojejuhúta Cooperativa Paraguay Joaju saimbyhyha kuéra-ndíve. Ha avei oñemoñe’êta Universidad Cornell-pe, táva guasu Nueva York-pe, ohasa mboyve Nueva Jersey ha Washington-pe.

Tekojoja ndojeroviái Justicia Electoral rehe

Umi tapicha omyakã aty Movimiento Popular Tekojoja okorói kuehe Tribunal Superior de Justicia Electoral (TSJE) rehe noñemongu’éi haguére ohai haguã tetãygua réra padrón-pe. Pe Justicia Electoral rehe hasy jajerovia haguã, ojekuaa rupi otira yke hembiapo. Pévare tekotevê TSJE ohechuka mayma tetãyguápe ipoty ha iporãha ko’ágãygua hembiapo, ikatu haguã py’aguapýpe oguata proceso electoral 2008 rehegua. Péicha oñandu Aníbal Carrillo Iramain.

Castiglioni ha Zacarías Irún ombohovái Nicanor-pe

Kuehe ojekuaa Luis Alberto Castiglioni ha Javier Zacarías Irún ombohovaitaha Blanca Ovelar ha Santacruz-pe (Nicanor jeroviaha). Péva omombe’u karai vicepresidente de la República oñepyrûvo oguata Alto Paraná rehe omombe’u haguã hembipota.

"Ndaipóri paz social oime ramo py’a nandi"

“Pe paz social noguahêi oimeramo ipy’anadíva tapicha. Ore romba’apose, upéicha ramo mante mamopu’ãta mba’e porã”, he’i kuehe Jacobo Thiessen, kóva vicepresidente empresa Victoria SA rehegua. Umi omyakãva pe tembiapo omombe’u ouha chupekuéra py’aguapy pe Corte Suprema de Justicia odeclara rire inconstitucional upe expropiación 52 mil hectárea yvy rehegua, táva Puerto Casado-pe. “Mbarete jevy roñepyrûse romba’apo”, he’i.

Paraguay oipota EE.UU. oipe’a mercado rokê

Paraguay ojerure Norteamérika-pe toheja oike hetãme ñande producto kuéra, ikatu haguã ñañembojave upe acuerdo de libre comercio (TLC) rehe. “Avave nomboguapymo’ãi héra kuatia rehe osê haguã foto-pente”, he’i kuehe táva Washington guive ñane canciller Rubén Ramírez. Kuehe oñemongeta secretaria de Estado norteamericano Condoleezza Rice-ndíve.

González Macchi oho va’erã ka’irãime, he’i Fiscalía

Fiscal René Fernández oipota oñeconfirma pe sentencia primera instancia-pe guare, he’íva tedota guasukue Luis Angel González Macchi ohova’erãha 8 ary kuarahy’ãme. Pe camarista Natividad Meza katu oñanduambue ha omoirû Lucho jerure.

Osêta ko pyhareve 8 mba’yru pakova reve Argentina gótyo

Ko pyhareve osêta Aduanas Puerto Falcón-gui poapy (8) mba’yrumýi 216 tonelada banana réheve táva guasu Buenos Aires gótyo. Péicha omombe’u kuehe umi ijára ha exportador kuéra. Ndaha’éi peteîmba’epa ko’ã yva ojeguaraháva, ha katu ojuapykueripa oho ikatu haguã oñemoirû oiméramo ojuhu hikuái ita tapépe.

España-pe oñemondo 20 tonelada ka’a “Campesino”

Pe empresa Campesino ka’a rehe omba’apóva omondo 20.000 kilo hembaipore oñevende haguã España-pe. Tenonderãve ohómavoi ra’e 20 tonelada avei, ojapo mbohapy jasy meses.

ÑE’ÊNGA

Así rinde más, he’i aipo lechuga rogue oplancha va’ekue

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

62.678

738.807
Ayer

76.292

908.275
Ultima actualizacion:
15/06/2007 00:00:00