abc Google  
Marandú

Ndahapykueréi peteî pyharepente oguéte

Hetaiterei gasoíl ogue arapo (jueves) ko'êmbotávo, upe tanque 917 Petropar-gui Villa Elisa-gui .*Ojekuaa petrolera estatal oasegura ha'eha 600.000 litros. *Umi omyakãva ko'ã mba'e ombotove cifra, omoneî ohóha 4.000 litros, suficiente omyenyhê haguã kamiõ cisterna. *Péicha gerente de control de productos, Nelson Pomata, nomomba'ei ko oikóva. *He'i oiméne ha'e “purga” de rutina upe tanque ha combustible ojegueru jeýva.*Péicha, sector privado he'i oîha peteî purga ha pe oñehundíva ndikatúi ohasa 100 litros. *Oñanduha'ÿme, tendota empresa-gua, Alejandro Takahasi, omyakã reunión ombosako'ívo actividad proselitistas péva oipytyvõgui candidato oficialista-kuérape.

Oñemombyta kokaína kargamento kakuaa

Mokõi kamioneta henyhêva 400 kilos cocaína puresa yvatéva ho'a kuehe omotenondévo frontera ojaojuhápen Brasil ndive, péva 20 kilómetros táva Pedro Juan Caballero-gui. Kóva ha'e carga nde kakuaavéva ojejuhúva territorio nacional-pe. Tuichave pe káso Parque Kuépe ojejuhuva'ekue, oficialmente ojejuhu 343 kilos ko droga. Oî poteîha detenido, umi mbohapy policía atýgua.

PLRA oñekuave'ê oporopytyvõtaha

PLRA oikuave'ê oipytyvõtaha PPQ, Unace ha Oviedo péva Vicepresidencia rehe. Oñomongeta hikuái kuehe Federico Franco ha Lino.

ABC REMIANDU

Sensata decisión oñemonéîva Choguykuéra convención.
PLRA convención ohechakuaáva tape iporãvéva omboguatávo negociación ojoajúva Concertación partidos de oposición omotenondéva elecciones oúva ary oguahêvape, ojehecha fórmula propuesta, omoîvo Directorio partidario pópe umis decisión ohupytýva kandidatura-pe, oikoteve'ýre ambue trámite posterior. Péicha decisión oñeme'êvo candidatura presidencial peteî tekove iñambuéva ipartido-gui, kóva gesto araka'eve ndojejapóiva, añetehápe, ohechauka paraguayo jakakuaa positivamente tape pyahu gotyo ohesa'ÿijóvo política, omomba'ýva guerovia, tape oúvape, ciudadanía ikatúta oiporavo imburuvichakuérape py'aguapýpe.

Osuspende comando aty, ojekuaágui neostronista ndohomo'ãiha

Kuehe 17:30 aravópe, oî ramo'a comando disidencia colorada aty.
Katuete arakõime(lunes) oikóva péva opavave movimiento político aliado.
Péicha avei, kuehe, amo ipahaitépe ko aty oñesuspende.

Vakapipopo ñeha'ãme ojepyvói hesáre

Peteî mitãrusu, hincha de fútbol odemanda Calé ra'ýpe agresión rehe.
Mitãrusu odenunsia “Calé” raýpe, opyvóigui hese hesaitépe. Péicha he'i Juan Carlos Luis “Nano” Galaverna, senador kolo'o Juan Carlos “Calé” Galaverna ra'y, opyvóiha hováre ha ikamambu hesa akakuaa yképe. Domingo ka'aru opa rire partido de fútbol táva Ypakaraípe.

Ojerúre toñeguenohêma kuatia expropiación reheguáva

Abogado aty'i oúva oñe'ê “Cooperativa Puerto Casado Poty Ltda. rehe” ojerúre intervención proceso inconstitucionalidad omboguéva expropiación oîva 52 mil hectárea yvy rehe, iñepyrûme ha'éva kuri Indert mba'e. Péicha jerúre oñemopyenda hembpipota legítimo rehe ko juicio-pe, péva entidad oñemopyendágui ko táva chaqueña-pe, he'i hikuái.

Argentina oñeha'ãva'erã Yasyretãre

Tetã Argentina ojepytasova'erã ikatuháicha energía Yasyretã rehe.

Francisco Dick ojupi Corte Suprema de Justicia fallo rehe

Hembipotápe presidente Nicanor Duarte Frutos ha'éva upe mbovy ojealiáva hese, Dick he'i kuehe Palacio de López-pe oimévo, peteî audiencia mandatario ndive, oevaluáva situación péva “oimégui apañuãi poder-kuéra rehe”.

Aty guasu oikóva Fernando de la Mora-pe

Vicepresidente de la república Luis Alberto Castiglioni oiméta ko árape seccional kolo'o número 2 Fernando de la Mora-pe (Ingavi ha Sargento González). Ombosako ko aty equipo político oñeha'ãva precandidatura Regis Mereles diputación, péva departamento Central rehe.

José Alderete ha'e ore alternativa, he'i Sánchez

Diputado kolo'o Capital Raúl Sánchez he'i posibilidad orekóva presidente Partido Kolo'o José Alberto Alderete omoherakuãvo precandidatura péva presidencia de la república rehe.

Ombotove hikuái Fabiana Sanchez rapykuéri oikóha

Añetehápe ombotovévo presidenta seccional 24, Fabiana de Sánchez, oreko opáichagua ñemoherakuã tendota oñemosêtaha osêgui iména, diputado Raúl Sánchez, oficialismo kolo'ogui.

Aty paz y progreso ombosako'i itendotakuéra

Movimiento neostronista Paz y Progreso, oisãmbyhýva Alfredo “Goli” Stroessner, oñemomombyry ohóvo upe aty omyakãva vicepresidente Luis Alberto Castiglioni ha ombosako'i lista precandidato upe cargo legislativo ha departamental orekóva.

Arapo ára ouvape oîta jeporavo Diputado-pe

Ágã arapo oúvape ojeporavo mburuvicha pyahu omyakã va'erã Cámara de Diputado, péicha umi kolo'o oñepyrûma omýi ojoko haguã kolo'o presidencia Cámara-pe.
Oñepyrûma ko arapokõindýpe jeporavo mesa directiva Cámara de Diputados ojehecháva jueves 21 oúvape.

Tekojoja oñemoherakuãma voi kuri ñemoirû

Guillermina Kanonnikof, oisambyhýva Tekojoja, omoañete convención PLRA atateî
oguata porã ohekávo Concertación nacional ha opavavépe guarã Paraguái, oñemboykéva presidencia de la República-gui ha oipytyvõva Fernando Lugo kandidatura. Kanonnikof omoañetw choguykuéra ohendúha tavaygua ñe'ê ha upévare oipyhy ko decisión.

PLRA, opropone presidencia legislativa PPQ ha UNACE vice ñemoambuére

Tendota PLRA he'i ko árape oñomongetáta partido tendota péva Concertación Nacional opresentáta resolución convención ipartido ha umi oiméva bloque-pe.
"Roplanteáta ko'ã término oîva upe acuerdo 5 jasykõime ikatúta rokonsensua
chapa presidencial Fernando Lugo-PLRA, ha ambue partido noîmo'ãi chapa pre sidencial, rojeruréta compensación política.

Oviedo ha'eta avei cháke Concertación-me guarã, he'i Franco

Haimete mokõi aravo, oñomongeta gobernador Federico Franco ha Lino César Oviedo, Viñas Kue ka'irãime, hendive diputado Efraín Alegre. Franco he'i oñe'êhague concertación, ley de amnistía ha Convención choguy oikova'ekue arateî jave (domingo).

Toñemotenonde proyecto ha péva omombaretéta ñemoirû

Tendota movimiento omoirûva precandidatura Luis Castiglioni presidencia de la república-pe guarã, ojerúre toñemboyke interes de grupo ha omombarete alianza.
Orlando Fiorotto, tendota oñeha'ãva Castiglioni omyakã haguã.

Peteîha aty guasu PARLASUR

Arateî oúva ha'éva 25 de junio Montevideo, Uruguay-pe, oñemotenbondéta peteîha sesión tembiapo reheguáva Parlamento del Mercosur-pe oñeinauguráva oficialmente jasy ñepyrûme ha omyakãva'ekue senador colorado Alfonso González Núñez.

Vicepresidenta Taiwángua oúta jasyrundýpe (julio) Paraguáipe

“Vicepresidenta Lu oguahêta Paraguáipe jasy oúvape, oimévo celebraciones 50 aniversario relaciones diplomáticas omyakãva ko'ã tetãgua, he'i AFP portavoz de la presidencia, Lee Nan-yang rupive.

Yasyretã acuerdo oñeakãrama Argentina energía rekotevêmbýre

“Mbovýve oferta combustible ha electricidad ikatu ho'a vai expansión plan”, reheguáva Argentina gotyo.

Agroshopping oguahê avei San Juan ára

San Juan ára oguahê Agroshopping-pe, oikuave'êvo opáichagua tekotevêmby ombosako'ívo tembi'u ko'ã árape guarã. Péicha chipa, cocido quemado hendive opáichagual chipa, ha tembi'u paraguái hetereíva.

Parlasur-pe omombe'úta hikuái apañuãi orekóva hikuái exportación rehe

Paraguái omotenondéta protesta mbarete porã Parlamento Mercosur-pe, kóva oîgui traba exportación paraguaya-pe, Argentina ha Brasil gotyo. Senador Alfonso González Núñez he'i ko ára peve bloque hovamokõi. “Ñane retã ojopy puesta omotenondéva tribunal supranacional omboguejy haguã incidente”, he'i.

Tuicha oñemomba'eguasu Yvyramáta, hi'árape

Ojegueromandu'ávo yvyramáta ára ("Día del Arbol), ko ára ha'éva 19 de junio, Federación Paraguaya de Madereros (Fepama) ojerúre compromiso forestal kóva
mburuvichakuéra, oiméva Congreso-pe, umi oimehaguéicha proceso de transformación ñande recurso forestal rehe.

Concertación noñandúi oñemoîha dupla, oñemoñe'ênte hikuái

Concertación Nacional ñemboguata, oñembyatýva kuehe hikuái,ohupyty kyre'ÿ porã decisión oipyhýva arateîme convención liberal ha oguerovia PLRA noñeha'ãi oimpone dupla presidencial, sino orekomendánte, omonéî kuehe Miguel Otazú ha Alberto Sallustro, frente opositor omoherakuãva.

Oguerúta apañuãi , oguerovia Chiola

Senador kolo'o Martín Chiola he'i kuehe oñandúvo decisión oipyhýva convención PLRA, oipytyvõ ramo'ã Concertación, kóva oguerúta apañuãi oguahêsévape hikuái. Péicha, ohechávo vicepresidente fórmula presidencial ha'erõ choguy, heta ñepysãnga oguerúta, ndaupéichai oñenegosia. He'i, oka gotyo, ojehecháve resolución PLRA jopyrõ.

Servicio educativo ogarantisa sindicato

Unión Nacional de Educadores(UNE), Organización de Trabajadores Educación del Paraguay (OTEP), Federación de Educadores de Capital e Interior (FECI) ha Agre miación de Docentes y Funcionarios de la Educación Paraguaya (Adofep) oguahê kuehe Ministerio de Educación ndive peteî avuerdo-pe, ikatu haguã MEC ogestiona reprogramación presupuestaria 50.000 millones de guaraníes oipytyvõ haguã oñeikotevê jave ha péva hína umi reclamo beneficio social reheguáva.

Temimbo'e paraguayo ogana jopói bronce Matemática rehe

Mauricio Maluff (16), temimbo'e colegio Internacional-gua, oipyhy medalla de bronce edición número 18 Olimpiada Matemática Cono Sur, oikóva távaguasu
Atlántida, Uruguái, 12 guive 17 peve.

Ñe'ênga

Cualquier cosa menos meter la pata, he'i ciempiés.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

71.591

783.771
Ayer

75.141

841.957
Ultima actualizacion:
19/06/2007 00:00:00