-
-
Martes, 03 de Julio de 2007
Efeméride 1873: Isidro Ayala es nombrado Director General de Correos.
-
Temperatura Actual:
(
N.
.
- Inicio
- Secciones
- Semanales
- Especiales
- Expo 2009
- Gripe AH1N1
- AFW 2009
- Fórmula 1
- 20 años después
- Verano 2009
- Fiestas 2008/2009
- Caacupé 2008
- Asunción Fashion Week
- Lugo - Chávez
- Transchaco Rally 2008
- Eliminatorias 2010
- Expo Norte 2008
- Lugo Presidente
- Olimpiadas Beijing 2008
- Internet Libre
- Expo 2008
- Elecciones 2008
- Memorias
- AFW 2008
- Ycua Bolanos
- Turismo Interno
- Temas Relacionados
- Servicios
- Publicidad
- Institucionales
- Lectores
- Comuníquese
- ABC TV
-
RSS
Umi mokõi imperialismo (rapái ha kurepi) ombopytupase ñane retã
Ymámi herakuã guasu pe ANDE rembiapo, ha katu ko’ágã oime yvýre. Pe tembiapo vai ojekuaave pe sistema de línea de transmisión rehe, ogueraháva energía Itaipú, Acaray Yacyretá-gui umi tenda ojepuruha peve. Pe red oñemboja’o mokõi hendápe, ndojojuhúiva mamove, Argentina ha Brasil ndoipotái rupi ANDE oñapytî ojuehe pe sistema Itaipú pe oúva Yacyretá-guio rehe. Péva he’ise, oime ramo táva Asunción opyta pytûme ofalla rupi sistema Itaipú, ndaikatumo’ão ojepuru Yacyretá. Ikanguy ha ichi’î rupi, ANDE oheja Brasil ha Argentina pópe ñane soberanía eléctrica oje’eha.
Rienzi osêta Corte-gui, ha Fretes katu oñeconfirma
Ipahápe, Wildo Rienzi omboajéta pe he’íva Constitución Nacional ha ohejáta henda Corte Suprema-pegua ko arapo (jueves) oúvape. Pe árape ombotýta 75 ary, ha pépevente opytakuaa ministro ramo. * Ña Alicia Pucheta, omyakãva pe Corte, he’íma lo arapoteî (viernes) oúvape omombe’utaha Consejo de la Magistratura oîha tenda nandi (vacancia) oñemyenyhêva’erã. *
Miguel A. Saguier imandu’a juicio político rehe
Osêmboyve Rienzi, pe Sala Constitucional onohê peteî kuatia oconfirma haguã Antonio Fretes-pe Corte Suprema miembro ramo, oime ramo jepe Cámara de Senadores ndoikuaaséi chugui mba’eve. * Péicha, pe oficialismo oguereko mayoría, ojejapo rire reglamento pyahu he’íva Pucheta ikatuha ovotakõi. * Miguel A. Saguier, Congreso myakãha pyahu, imandu’a juicio político rehe.
Evanhy onohêse 1.000 tapicha Municipalidad-gui
Ko 2007 opamboyve, intendenta Evanhy onohoêse 1.000 funcionario Municipalidad-gui. Pevarã omoîta retiro voluntario y jubilación pya’e. Tekotevêta 20.000 millón ko tembiaporã oñemonhu’e haguã. Evanhy omohembyse 10 millón dólar ko tembiopo osê ramo chupe.
Heta osêséva, he’i Mirtha Arias, secretaria sindicato rehegua
Heta oime tapicha oha’arõva osê hagua Municipalidad-gui. Péicha omombe’u Mirtha Arias, secretaria general pe Sindicato de Trabajadores de la Municipalidad de Asunción (Sitrama).
“Mymbáre jepe oñeñangareko porãve ore hegui”, he’i umi mbya
Umi ñande ypykue oke ha opáyva Plaza Uruguaya-pe ipochy Gobierno-ndíve naimandu’ái haguére hese kuéra. Kuehe oguata huikuái oguahe haguã Palacio de López peve, ha katu ndohejái chupekuéra péva ojapo. He’ise mo’ã Duarte Frutos-pe umi vaka oikoporãveha chuguikéra; ko’ãva okatu ha oguereko pohãnoha; ha katu ko’ã tapicha rehe avave noñangarekoséi.
Cason oñe’êporã prensa libre rembiapo rehe
Pe censura ningo umi gobierno autoritario rembiapónde, he’i kuehe karai embajador Norteamérika rehegua, James C. Cason, omomba’eguasu ramo prensa libre rembiapo pe corrupción ha impunidad rairõhápe. Upe kuévo imandu’a avei Programa Umbral del Milenio rehe, omyakãva Gobierno de Estados Unidos.
Ohokuévo ministerio-gui, Ovelar oñe’ê ohóvo ojaposévare
Osênguégo Ministerio de Educacioón-gui, Blanca Ovelar omombe’u kuehe mba’emba’épa ojapo pépe oime aja. Ko ministra de Educación oheja henda omba’apo porã haguã política-pe. Omombe’u umi mba’e ohupytyséva ha oñe’ê umi mba’e osêporã va’ekue chupe rehe, ha katu ohasakuévomi imandu’a umi mba’e ivaíva rehe.
Oime ojejokose impunidad Poder Judicial-pe
Heta mba’e karê oiko rire Poder Judicial-pe, pe Programa Umbral Paraguay ko’ágã omombaretese Superintendencia pe Corte Suprema de Justicia rehegua. Péicha ikatúta ojejoko upe impunidad umi hue, magistrado térã ministro rehegua. Péva he’i kuehe pe director técnico programa rehegua, Víctor Manuel Sosa. Sapy’aitépe, jahecha kuri ojepoi mokõi presidentekuéhui (Wasmosy ha González Macchi).
Senador chovy he’i Nicanor-pe oposición naikangymo’ãha
Ko oposición naha’éi ojokopareíva rehegua tembiapo, he’ihaguéicha tendota guasu. Ko’ápe roñeha’ãroipyso mba’e kare ojapóva ñane ruvicha guasu. Péicha he’i kuehe Congreso Nacional myakãva, senador Miguel A. Saguier. Avei omombe’u ndohejamo’ãha ohasarei mba’eve. “Senador Galaverna ndoguerekói he’iva’erã ko mba’e rehe, ha’e violador confeso-voi ñane Constitución Nacional rehegua.
Toñecambia actitud ñandepu’aka haguã corrupción ha impunidad rehe
Pe director ejecutivo, Programa Umbral Paraguay rehegua, Carlos Walde, ojerure kuehe mayma ñande tavayguáva omoambue haguã hemiandu ohapo’o haguã pe corrupción ha impunidad ñane retã. Péva oñepyrûvo “Semana Umbral” hérava
Obispo ojerure Nicanor-pe tohechuka he’íva
Karai paí osaymbyhýva pe Conferencia Episcopal Paraguaya (CEP), Mons. Ignacio Gogorza, he’i “grave” umi Duarte Frutos ombojáva Fernando Lugo rehe. “Umi mba’e he’íva tekotevê ohechuka añeteguaha.
- + Del Día
- + De La Semana
- + Del Mes
Artículos más leídos
Contactos: Emails | Teléfonos | Staff
Publicidad: Como Anunciar |
Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail
Yegros 745 esq. Herrera. Tel: 41-51-550/51 © Copyright 2008. Reservados todos los derechos.
Estadísticas |
||
Visitas |
Páginas |
|
| Hoy | 72.584 |
812.393 |
| Ayer | 75.276 |
866.174 |
| Ultima actualizacion: | ||
| 03/07/2007 00:00:00 | ||