Domingo, 19 de Agosto de 2007

Efeméride 1976: Muere en Asunción el director de orquesta Carlos Dos Santos.

+ Ver Más
YEN

Compra:G. 38 /Venta:G. 42

+ Más cotizaciones
Temperatura Actual:

(
L.
.

+ Más información

Myakãhára Bernal odestina ipirapire Itaipu péva proselitismo kolo'ópe, omoirûva Corte ichupe.

Omýi hikuái ohapejokóvo contrabando

Funcionario Industria y Comercio, Hacienda, personal Marina ha Policía omotenonde kuehe opeteî jehai yvate guive, ysyry ha yvýre péva ohapejokóvo contrabando ombopytupáva ñane economíape. Amo ipahápe, ojejuhúnte asúka ojeguerúva argentina-gui umi ao ñemonde porãra, amo 15 millones de guaraníes rupi ojeevaluáva. Ko operativo oñemotenondévape ojejuhu hetaiterei vosa AZPA he'íva hese (Azucarera Paraguaya), omboty potaitéva hína hokê, oikégui ilegalmente umi edulcorante.

Blanca ome'ê iñe'ê añeteguáva, upéicha kuri Nicanor ha ndojapói

Tendota oficialismo kolo'ógua, Blanca Ovelar, kuehe he'i Paraguarípe oime he'i jeývo ipromesa incumplida mentor Duarte Frutos-ícha. @Ex ministra de Educación omoherakuã “banco de pobres”, he'i ÿre mba'eve moõguipa oúta umi fondo. @Péicha he'i umi asistente oiméva upe acto oñembyasýva umi sykuéra omanóva ko'ã ára parto-gui ha he'i oisãmbyhývo igobierno umi kuñanguéra oñeñangareko porãta ha péva atención prioritaria rehe. @Péicha ambue pasaje omotenondéva ohekátaha justicia, joja ha bienestar upévarã ha'e presidenta de la república-ta. @ Oñeñanduháicha, Blanca nomombe'úi orekóha pytyvõ ha discurso agresivo ipromotor, presidente Duarte Frutos-icha.

ABC REMIANDU

Brasil omoheñói peteî deuda ficticia oñemomba'évo Itaipúre. Ndaha'éi peteî misterio población paraguaya-pe guarã ni Brasil nomohendái Itaipúpe ni política de expoliación imba'éva oimehápe modelo colonialista. Péicha oaprovecha teko oguerotîva ha antipatriótica ovendéva tetã gobernante paraguayo-kuéra, omopyendáva medio. Péicha umi mba'e apytépe noñepenái “Itaipú” tema, ha péva, ha'e rire peteî energía ko central vital okakuaávo Brasil, ojeguerovia y orekóva upe elemento omopyendáva viabilidad ha osê porãitereíva umi programa oguatáva ohupyty haguã hembipota. Ko'ãva ha'e peteî razon de peso ojepy'amongeta haguã Brasil omo'ãva interés estratégico opytávo Itaipu jára ramo ha'eñoite.

Monseñor Mario Melanio Medina he'iva ñomongetápe

¿Umi obispo ombohováita Presidente opavave pejéva peê?
-Ch´pever0§ guarã, ndovaléi ñapena hese. Ymaitéma otaky opavavére, ndaha'éi pa'írente. Avei oñe'ê vai periodista, empresario, ikorrelí-kuéra rehe, umi mburuvicha Tupãoguáre, ijehe ha ambue ndoikuaáiva rehe. Ojoguaite ojahogáva ha ojesalváse ojoguaite ojesalvaséva otakývo opavavére.

Camilo Soarez omyakã lista peteîhaite

Partido Movimiento al Socialismo (P-MAS) ko árape omotenondéta peteîha elección interna. Tendota ramo secretario general ojepostula Camilo Soares, ha secretaria adjunta, concejala asuncena Rocío Casco. Avei ojeporavóta umi miembro Conducción Política Nacional-gua. Péicha ko'ãva oiporavóta umi tendota Paraguaýpe ha umi porundy távapegua. Oreko 7.500 afiliado ha P-MAS ha'e upe partido político oipytyvõva candidatura Fernando Lugo jeporavo guasu 2008-pe guarã.

Seall he'i ojejokova'erã manoseo político reforma oúvape

Seall oñe'ê base ojapóva ponencia orekova'ekue ha he'i pe oñeiktoevêvante va'erã reforma constitucional-pe ha ohesa'ÿijo mbarete porã ñemoambue oñemoingeséva umi cambio constitucional ojapo'ÿre cambio político-cultural, he'iséva, pe ojejapoháicha “política, olñemboguatava'erã hekoitépe”.

crisis Consejo ikatúta oreko solución araapy oúvape

Péicha diputado kolo'o Edmundo Rolón omoañete kuehe martes oúvape, oiméta senador choguy Eusebio Ramón Ayala ndive, omantenévo reunión paha umi presidente Cámara del Congreso ha umi tendota bancada ndive ombohováivo inasistencia orekóva Consejo de la Magistratura ndive, ko'ápe oñerepresenta Cámara-pe. Péicha legislador he'i ko atýpe ikatúta ojeguereko peteî posición definitiva ko cuestión rehe.

Alderete ojerúre oñeme'ê haguã pa'û mercenariokuérape

TAVAI, Caazapá. “Aníke oiporu ichupekuéra umi mercenario político”, péva ojerurévo kuehe umi kolo'ópe ko jurisdicción-guápe precandidato presidencial José Alberto Alderete, oimévo umi tendota base ha caudillo ndive. Péicha oimorû ichupe Alfredo “Goli” Stroessner”.

Blanca osê oikuandaha Nicanor ndive ha opa mba'erei opromete

PARAGUARI (Catalino Ibarra, corresponsal). Precandidata a la presidencia la República upe Movimiento Progresista Colorado (MPC) rehe, Blanca Ovelar, ome'ê iñe'ê añeteguáva umi mbo'ehárape avei umi sy ha'e oganávo elecciones 2008, omomba'eguasuvéta kuñanguéra paraguaya-pe. Omoherakuã omoheñóitaha Banco de los Pobres, oipe'a haguã umi familia mboriahúpe usura pyapê guýgui.

Fernando Lugo he'i umi oficialista-pe

Fernando Lugo oguahê kuehe Amambái distrito-pe, upépe oikundaha rire tetã yvateo pe oheróva “Ñemongeta guasu tetãgua ndive“. Ombosako'íva club Antequera y Castro-pe, oime dos mil seguidor-kuéra rupi, ombocháke oficialismo kolo'o “ikatúha oreko pirapire, narcotraficante ha ilegalidad mba'éva, pero ndikatúi pueblo orecupera, idignidad, péva pueblo ndojejoguái ni noñevendéigui”, he'i.

Foro estrategico internacional

Regulación financiamiento político oñeikotevê Paraguáipe ojesareko haguã umi gasto electoral. Péva rehe oguahê debate omotenondéva Foro de Análisis Estratégicos Nacional e Interncional (Faeni). Ohesa'ÿijóvo arapokõindýpe ombohovái joaju viru ha política, ombojoajúvo Grupo Impulsor Regulación Financiamiento Político-pe guarã.

Sãsõ, foro internacional

Ohenóivo “Desatando nudos de la esclavitud”, oñepyrûta ko'êrõ pyhareve Foro In ternacional de la Libertad, capítulo Paraguay, sala Comuneros (El Paraguayo Inde pendiente y 14 de Mayo), Cámara de Diputados, péva 15:00 aravópe.

Gobierno central gasto okakuaáta 8%

Umi gasto Ad ministración Central del Estado oregistráva 8% kakuaa omotenondévo ejercicio, péicha cifra oiméva Ministerio de Hacienda-pe upe proyecto presupuesto ary 2008 omondotáva Congreso-pe ko arapokõindýpe.

Ojuhu hikuái mercadería oikéva ka'ípe Roque Alonso gotyo

MARIANO ROQUE ALONSO (Cirilo Ibarra, corresponsal). Peteî aparatoso despliegue, policía ha funcionario Ministerio de Industria y Comercio (MIC) oguahê kuehe 13:00 aravo gotyo óga oiméva Pirizal haimete Nanawa ko távape, upépe ojejuhu umi mercadería.

Pyharevete 7:00 18:00 aravo peve, oñevakuna haguã mitãnguéra

Dr. Carlos Romero, director Servicios de Salud, omyesakã cobertura, upévarã ko arýpe, ha'eva'erã 64%; ko'ágã oiméma 41%. Upévare servicios de salud oreko ipuesto vacunación 7:00 aravo guvie 18:00 aravo peve, ikatu haguã ojeguerekóve gente upe tendápe.

"Roikuaauka mba'eichapa roime boleto rehe ñeha'ãre temimbo'épe guarã

Temimbo'e omokyre'ÿva ñeime oñeorganisa ombo´hovái haguã boleto estudiantil universitario. Upévarã temimbo'e volanteada universidad opáichaguava ndive. Péicha he'i Richard Ortigoza, coordinador general CEPD. Péicha ko árape volanteada ha mitin oikóta Instituto Andrés Barbero Universidad Nacional de Asunción-me. Péicha avei lunes 20 Campus San Lorenzo-pe.

Cuerpo de Paz omboty 40 ary voluntariado Paraguáipe

Paraguáipe, organización oñepyrû 1967 jave hembiapo. Upe guive 3 mil voluntario om,ba'apo ñane retãme. Tekombo'épe, extensión agropecuaria ha forestal, saneamiento ambiental, cooperativismo, omoheñóivo pequeña empresa ha ambuéva. Oikóta guerohory ko'êrõ Centro Cultural Paraguayo Americano-pe.

Oñemomba'e ABC COLOR omokyre'ÿgui periodismo ambiental

Tendota Organización de los Estados Americanos (OEA), Unesco, Red Intera mericana de Recursos Hídricos (RIRH) ha umi organizador-kuéra VI Diálogo Interamericano gestión del Agua (D6) kóva Guatemala-pe ohechauka públicamente techapyrãrõ periodismo am biental región americana diario ABC Color rembiapo Paraguay-pe. Péva orembovy'aiterei oñemomba'eguasúgui tetã.

Ñe'ênga

Ndacherova mokõiri aiko kuaanteko.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	61.869	594.926
Ayer	64.967	627.047
Ultima actualizacion:
19/08/2007 00:00:00

Domingo, 19 de Agosto de 2007

YEN

Artículos más leídos