abc Google  
Marandú

Oviedo-pe guarã, ikatu ha'e candidato 2008-pe

Lino Oviedo-pe guarã, ha'e oime ikatu oñecandidata tendota guasurã pe jeporavo guasu 2008-pe. Umi abogado kuéra he'i pe polítiko-gui ojepe'a hague ejercicio de la ciudadanía, he'i háicha Constitución Nacional (artículo 153-pe), oguereko haguére condena judicial. Ko'ágã, osêvo kuehe ka'irãigui, Oviedo ikatu jevýma ovota térã ojevota hese.

5.000 tapicha omoirû chupe Tupãsy Ka'acupe rendápeve

Lino abogado kuéra pya'epyre ojeruréra tojehai jevy héra pe padrón nacional-pe. Péicha kuehe he'i hikuái. Péaja katu, 5.000 tapicha omoirû chupe Tupãsy Ka'acupe rendápeve omboaje haguã promesa omoî va'ekue. Upépe, Oviedo he'i osaimbyhytaha ñane retã oúva 20 de abril guive.

Oguahêtama ára ojepaga haguã tembiapovaikue

Pe mba'e guasu ojehu va'ekue ha oñembohérava “marzo paraguayo” oheja ñane retã oñemboja'o heta hendápe, ha umi poguasukuete opyta heseve imba'eramo guáicha. Avave gueteri ndohechái mba'evai ogueruva'ekue heta tapicha-pe, upéramo víctimava. Ojekuaa porãiterei líder polítiko rupi, general Lino Oviedo ári oho paite umi persecución iñambue rire gobierno, ary 1999-pe. Ko'ágã péva opapotaite, ha vokoietéma oguahêta ára opaga haguã hembiapovaikue. Tenonderãve, katuete umi proceso hesegua opáta opahaguãicha, ha oñembohasa va'erã indemnización hembiasaasykue rehe. Ha umi malévo “marzo paraguayo” rehe guare ohechaukava'erã hova, peteîteî, justicia renonde.

Tekotevê pe Concertación oñe'ê jevy chapa rehe, he'i Unace

Senador Enrique González Quintana, omyakãva Partido Unace, he'i kuehe pe Lino Oviedo isãso rehe tekotevêha oñembyaty Concertación oñemongeta haguã ko mba'e rehe ha ijáramo toñemohenda téra pyahu chapa candidato-rã. Ko'ágã ojeguerekóma Fernando Lugo ha peteî ojeporavora'erã gueteri PLRA-gui.

Noñepyrûjymo'ãi ñemongeta oñemoambuepa haguã ojejapóma va'ekue

Diputado Rafael Filizzola, osaimbyhýva hína pe aty Concertación ruvichakuéra, he'i kuehe pe Lino Oviedo ñesê kuarahy'ãgui nde'iseiha ko'ágã oñepyrû jevýtaha ñemongeta oñemoambuepa haguã umi mba'e ojejapóma va'ekue, he'i haguéicha upe alianza opositora.

Blanca-pe guarã, ojekuaa oikoha umi institución

Pe precandidata kolo'o Blanca Ovelar, oiméva Nicanor-ndíve, he'i kuehe pe Lino Oviedo sãso ohechaukaha tetãyguápe umi oikoporãha ñane institución kuéra. Kolo'o kuéra ruvicha, José Alberto Alderete-pe guarã katy péicha avei. Ha'e ndoipotái ojepuru politikarã umi hue kuéra rembiapo, ani ahguã oñembyai institucionalidad ñane retãme.

Empleado estatal kuéra ojerure tuichave ojupi sueldo

Umi empleado estatal kuéra ojerure tatuichave pe aumento salarial pe presupuesto he'ivagui. Péicha, ko'ã tapicha oñami ha oipuruporãse ko campaña electoral omyakãva tendota guasu, omohensaséva ijeroviaha Blanca Ovelar. Presupuesto ary 2008-rã oñe'ê 10% rehe.

Ani haguã oso umi “obra social”, oipora ojevota Blanca Ovelar rehe

Duarte Frutos omboja umi diario ha radio jára kuérare oityseha ñande Partido Colorado. “Ha ikatu ramo, oipotavoi tomano Nicanor. Ha katu cheresãive mboiro’ýgui”, he'i kuehe. Imandu'avai avei “capitalismo salvaje” rehe, omotenonde haguére mákina, ndaha'éi ava mbaápohára-pe.

“Heta gueteri la yvy rováre ñapyrû mbaretéta”, je'i

“Heta gueteri la Paraguáipe ñakebrantáta la ndohayhúiva la puéblope. Heta gueteri la yvy rováre ñapyrû mbaretéta”, he'i kuehe Nicanor Duarte Frutos táva Coronel Oviedo, aty guasu omoirûhápe Blanca Ovelar-pe. Péicha omombe'u Néstor D. Escobar Franco departamento Caaguazú guive.

Estado paraguayo opaga va'erã Ricardo Canese-pe

Estado paraguayo ombohasa va'erã 40.000 dólar ingeniero Ricardo Canese-pe, ogana rire jko'ágã peteî demanda temndota Juan Carlos Wasmosy-pe, kóva ojoko rire chugui libertad de expresión oguerekóva.

Gobierno-pe oiko'õ pirapireita ome'ê va'erã haguére

Ñane Gobierno-pe oiko'õ pe jejapouka oúva Comisión Interamericana de Derechos Humanos (CIDH), Organización de Estados Americanos (OEA) rehegua. Kóva he'i ñane Gobierno opaga ra'erãha heta pirapire castigo ramo ojapovai rire. Canciller Rubén Ramírez pe mba'e oikuaauka CIDH ruvicha, Florentín Meléndez-pe.

Umi ente binacional oipuru hetave viru “crédito chino”-gui

Umi mokõi entidad binacional (Itaipu ha Jasyretã) oipuru pirapire hetave “crédito chino”-gui, ha avavépe avei nomombe'úi mba'épa ojapo chugui. Ojupi guive ary 2004-pe, ñane Gobierno oipuru haimete 500 millón dólar presupuesto público iképe. Péva jeko aipo “gasto administrativo”. Avave gueteri ndaikatúi oikuaa mba'épepa ojepurupa umi pirapireita. Poder Ejecutivo omo'ãmbaite oikóva ha oñemokirirî. Péicha ohai Luis Bareiro.

Diputado kuéra omomarã proyecto léi agroquímico rehegua

Pe Cámara de Diputados kuehe omboyke pe tembiaporã léi agroquímico ha fertilizante rehegua ha omomarã pe hérava Plenaria Popular Permanente rembipota. Péicha, 38 he'i “nahánirî”, 7 katu omoneî, ha 10 nde'íri mba'eve.

ÑE'ÊNGA

Mitã rova po'i rerõ ra'ÿi

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

110.391

1.280.928
Ayer

124.172

1.350.418
Ultima actualizacion:
07/09/2007 00:00:00