abc Google  
Marandú

Ojerúre pasaje ojupi haguã ha omoherakuã regulada

Umi gremio empresarial transporte público ojerúre ko árape ajuste pasaje rehe péva ojupívo gasoíl, oikéva 50% costo ñmohenda, péicha he'i hikuái. @Káso servicio metropolitano, ojeruréta boleto tojupi 2.200 guaraníes-pe. @Péicha avei, omoherakuã omonéî haguã suba, ojejopýta hikuái “verán obligados” reguláda, péva noñembotýigui chupekuéra umi número. @Péva diésel ha nafta ohupytýva 300 guaraníes kuehe guive. @ Argentina-pe combustible varatove. @ Ciudad del Este-pe contrabando oreko protección policial. @ Péicha avei, ojekuaa Presidente ijamívo ichupe decreto omopyendáta salario mínimo rehe.

Cha'eÿ inmigrante-kuéra rehe España gotyo

Español Javier Xavi M. M. oñefilma ojahéi mbaretévo peteî adolescente ecuatoriana rehe peteî tren metropolitano Barcelona-pe, péicha avei ambue mitãrusu, latinoamericano, omaña ambue rehe tuicha ñemondýi ha jurujáipe kokyhyjégui. Upe agresor -ojeapresáva ha upéi ojepóiva ha oñemosãsõva umimba vaiete ojapóva rehe- oinup7 jey jéyva peteî mitãkuñáme mba'eve'ÿre ha omyenyhê iñe'ê pohýiva cha'eÿme (xenófobos), jepénte péva oñomongeta icelular rupive contenido racista-pe.

Oî diputado omosãsõséva imbayrumýi jogua

Ndojegueroviáiva ha'e upe justificación ojapóva hikuái diputado-kuéra isãsõ haguã impuesto-gui ojoguávo mba'yrumýi.

Itaipu ohepyme'ê ñemoherakuã oikóvo

Itaipú oje'e opagáha oikóvo Blanca Ovelar publicidad.

Diputado oñeha'ã oisu'u oheja mboyve hembiapo

Diputado aty peteî, oho potaitégva, opresenta proyecto de ley, omonéîvo, ombohapéta parlamentario oreko vehículo libre de impuesto, imonto 75.000 dólar. Ndaha'éi casualidad umi ofirmáva ko proyecto oreko térã ndorekói posibilidad ojeporao jeývo, upévare proyecto kóva ha'e peteî ñeha'ã oisu'u paháva función oheja mboyve, péicha ilucrativo ko mba'e. Yma ko'ãichagua proyecto ogueru ñembohasaiterei,oñemosãsõgui ha oikuave'ê hikuái. Ojejapo jeývo upe tembiasa imbaretégui pokarê ombohesatûva ichupekuéra política-pe.

Ka'irãme ho'a abigeo

Ho'a umi abigeo orekóvo mymba raza mokõi transganado-pe

Coco Villar káso

Peteî Candidato Corte-pe oguapyséva, ombombe'u ojoajúhague Coco Villar káso rehe

Ome'êta jopói ramo hi'upyrã ha mba'e ra'ÿi umi indigena-pe

Agencia Española de Cooperación Internacional y Desarrollo ome'êta jopóirõ kits hi'upyrã ha semilla 1.000 familia indígena damnificada upe tatarendýgui departamento Amambaiguápe. Péicha oikuaauka kuehe Embajada de España tetãme, boletín de prensa rupive.

Umi español oiporavo mba'apohára kuérape

Municipio español ohechakuaáta umi puestos de trabajo upe jurisdicción ohupytývape ha omondóta marandu gobierno pytaguávape, péva embajada rupive.

Defensor del pueblo noguenohêi resolución

Defensor del Pueblo, Manuel Páez Monges, ndikatúi oemiti mba'evéichagua resolución víctima dictadura rehe oiméva Defensoría rovái, kóva peteî persona opresentáva arapokõindy prueba ohasáva. He'i umi huelguista nomba'apóiva umi testigo oñeikotevêva ni nopresentái umi prueba médica ni psicológica.

Lovera he'i orekóha mérito

Agustín Lovera Cañete, miembro Tribunal de Apelación en lo penal, 3° sala, he'i oikévo terna Corte Suprema de Justicia-pe ha'éha peteî reconocimiento 21 ary ombapóha Poder Judicial-pe.

Omano peteîva umi "Carlos"pe oimeva'ekue

Ñembyasýpe kuehe ka'aru oñeñotÿ Cementerio de la Recoleta-pe, general de división Víctor Aguilera Torres retekue, kóva oimeva'ekue golpe 89 oityva'ekue dictador Alfredo Stroessner-pe, oiméva comandancia Primera División de Caba llería ha'éva “Carlos 1”.

Kuñakarai tendota ombotove Galaverna iñangirüha

Ojetakývo terna omyesakãva kolo'óha, ko magistrada he'i ndorekóiha “nada que opinar al respecto” pero omomba'e umi mba'e oje'éva. Oñeporandúvo ichupe “Calé” Galaverna iñangirüpa, Irma Alfonso de Bogarín oñembotavy iñepyrühápe he'ívo ndoikuaáiha marandu, arapokõindy ohasávape oime táva okaháre kuri, amo Arroyos y Esteros gotyo, orekógui pariente político upépe.

Lugo noñe'êi prensa ndive

Presidenciable Alianza Patriótica para el Cambio (APC), Fernando Lugo, noñomongetaséi kuehe prensa ndive, he'ívo ágã ojapotáha umi periodista ndive conferencia de prensa. Oñomongeta rire equipo político Alianza ndive. Ko'ãva ha'e miembro campaña-pe he'ívo toñyrõmi ichupe umi oiméva PC rováipe.

Federico oreko doble discurso

Peteî eventual reunión- oposición omotenondéva opáma, he'i kuehe diputado Patria Querida-gua, Héctor Lacognata, péva recorrido por capital. He'ívo doble discurso upe propuesta Federico Franco ojapóva ha omoî dirigencia PLRA akãre Concertación Nacional ojavýha.

Iporã niko ojoaju Bolivia ha Venezuela, omoañete Saguier

“Rambo” Saguier, político liberal oipytyvõva candidatura presidencial Fernando Lugo péva Alianza Patriótica para el Cambio, oñeporandúva umi mba'e he'íva'ekue ex obispo. Ha'e niko odeclara umi medio periodístico Brasil-guápe oipotáha Hugo Chávez ha Evo Morales, hi'aliado ramo.

Ambue choguy oike Franco rendaguépe

AREGUA (Cirilo Ibarra, corresponsal). Oime gueteri hegemonía choguy Gobernación departamento Central-pe. Kuehe oñenombra gobernador pyahu concejal Pedro Centurión Bogado-pe, omohu'ãtáva periodo (10 meses) oikéva Federico Franco rendaguépe, kóva orrenunsia omba'apo haguã proselitismo-pe.

Omboyke crítica oîva

Presidente he'i noiméîri otaky haguã umi mba'e noñemopyendáiva rehe ha he'i:. “Umi periodista ndoipotái ojetaky hesekuéra ha ¿máva piko ha'ekuéra?, ¿máva piko umi medio?. ¿Oiméva iporãva ha iváipe? ¿semidiose hikuái? ¿Mba'ére piko ñande ndajaguereko mo'ãi derecho ñaimpugnávo pe he'íva, ha jatakývo asyvai oñeikotevêrõ? ¿Mba'ére piko? ¿Téra oreko hikuái fuero? ¿Térã oreko aureola inmaculada hikuái? ¿oime mokõi oauraliza?, oñeporandu.

Andu ha ñeko'õ oî Tasyo IPS-pe, asegurado mbytépe

Tie'ÿ ha andu vai ohasa umi asegurado Instituto de Previsión Social-gua péva Servicio Tomografía-pe, upépe umi paciente oha'ãrõva'erã haimete irundy aravo ojapo haguã upe estudio.

"Ajerúre peteî korasõ pyahu", he'i José

“Che pedido especial ha'e peteî korasõ chéve guarã, tojepy'amongeta umi mitãrusu, mitã ha kakuaa”, iñe'ê ñepyrûme prensa ndive he'i kuehe José Antonio Jara, orekóva 19 ary. José Antonio Jara oime internado Centro Médico Bautista-pe, ojerúre korasõ pyahu. Oime internado Centro Médico Bautista-pe ha diagnóstico orekóva cardiopatía dilatada.

Tendota indígena ohupytýva yvy, oipota potáve

Indigenismo paraguayo avei oreko pa'û. Ko'ãva tendota nahyvatãiva, oipota potáve oreko haguã ventaja Estado-gui. Péicha oguahê acuerdo-pe peteî lista orekóva Instituto Paraguayo del Indígena (Indi) ko'ã tendota ohupytýva yvy, plata ha heta porã vívere, péicha avei ndorekói arraigo ilote-pe ni mba'apohápe osê haguã miseria-gui.

Oguahê Santa Margarita reliquia

Kuehe oguahê ñane retãme Santa Margarita María de Alacoque reliquia, Corazón de Jesús jeroviáha ha'éva marandu depositaria humanidad-pe guarãva. Oiméta arateî meve. Péva oredescubri culto añeteguáva Sagrado Corazón de Jesús mba'e´va ha oikéva imborayhu misterio-pe.

"Aníve" continuismo FILOSOFIA UNA-pe

Umi mbo'ehára independiente oheka ocontrarresta miembro Consejo Directivo oiméva Facultad de Filosofía Universidad Nacional de Asunción ñeime, upépe niko oiko gueteri apañuãi decanato-pe.

Mitãrusu jeporekahára omotenondéta jornada

Ko'êrõ guive ágã 26 oúva peve oñemotenondéta Jornadas de Jóvenes Investigadores de la Asociación de Universidades Grupo Montevideo omboheráva: “Investigación, Integración y Desarrollo”. Ko'ã tembiapo oñemotenondéta campus universitario San Lorenzo-pe.

“Paseo de los derechos” oguahê Concepción

Ahora se encuentra en Concepción la propuesta “Paseo de los derechos”, especial para la niñez; seguirá en el local de su teatro municipal hasta fin de mes. Se prevé un cierre artístico, con el Grupo Generación.
Se encuentra ubicado en el teatro Municipal de dicho lugar, institución que apoyó la iniciativa desde un primer momento, porque considera importante alejar a los niños de la marginalidad y extender también este conocimiento a los padres y docentes. La profesora Magdalena Almirón, representante de la Coordinación Departamental de Supervisiones del Ministerio de Educación y Cultura, comprometió el apoyo de todo el equipo educativo para garantizar que una gran cantidad de niños

UNI ojerúre gráfico rehe

Ojerúre hikuái toñemomba'eguasúve léi orekóva umi mba'apohára ha tojesarekóve Viceministerio del Trabajo y Bienestar Social industria gráfica-pe, ojerúre vicepresidente sindicato internacional UNI Gráficos América-gua, chileno Valentín Vega, oñomongetáva kuehe pyhareve viceministra del Trabajo, Judith Romero ndive, upe dependencia-pe.

Ñe'êpapára Susi Delgado oho Chile gotyo

Ko'êrõ guive 28 peve oikóta Chile gotyo peteî "Aty guasu umi ñe'êpápara avakuéra ndive" (Encuentro de Poetas y Escritores Indígenas Latinoamericanos “Los Cantos Ocultos”), ombosako'íva Centro para el Desarrollo de las Artes, Educación ha Cultura Mapuche ULMAPU, oipytyvõva Consejo Nacional del Libro y la Lectura oiméva Consejo de Cultura de Chile, poguýpe. Susi Delgado oho, orepresenta haguã ñe'êporãhaipyre ñe'ê guaraníme.

Aerolineas Argentína oguahê jey kuehe

Aerolíneas Argentinas (AA), poteîha ára noîméi hague, oguahê jey kuehe tetãme.
Péva oveveta ára ha ára jey poyvi argentina, ha oipe'a okê ñeikuave'ê ha jeguatápe ou porãtáva Argentina-pe ñane retãme avei.

Ñe'ênga

Ápe che avy'áve he'i ova ramóva.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

94.196

1.001.343
Ayer

97.456

1.062.580
Ultima actualizacion:
23/10/2007 00:00:00