Domingo, 20 de Enero de 2008

Efeméride 1873: Se crea la Junta Económico-Administrativa de Pirayú, presidida por Nicolás Fernández.

+ Ver Más
DOLAR

Compra:G. 4.650 /Venta:G. 4.710

+ Más cotizaciones
Temperatura Actual:

(
D.
.

+ Más información

Heta távaguasu rupi oky porã kuehe. Aréma ndokyvéi ha kuehe guare ama ou porãiterei umi oñeñotyhápe. Dirección de Meteorología he'i okyvétaha ko árape. Kuehe ñande táva Paraguaýpe oky 60 milímetros, ha jaikuaaháicha, upéa "iporãma" ojapo haguá guataháre ysyry guasu. Umi oñangarekóva'erã ani ko'ã mba'e oiko mba'evete nde'íri, oñembotavyete hikuái.

Ogueraháma hikuái kuatia Tribunal Superior de Justicia Electoral-pe

Vanguardia Colorada ojeruréta Corte Suprema-pe oanula haguã poravo colo'o

ANI HAGUA Oî ANGEKÓI PORAVO OIKÓTAVA 20 JASYRUNDYPE

Nicanorismo he'i omyenyhétaha upe Tribunal de la República

JEJUKA OIKO KURI SAN BERNARDINO-PE

Oñemohendahapéma hikuái ganadero ra'y Iván-pe ojuka va'ekue

HETAITEREIMA OÎ OGUEREKÓVA CELULAR

Ñe'êmbyyry pópegua ñemu ojupi 20%, oje'éma

OJE'E CHUPE "PAPA NEGRO"

Adolfo Nicolás héra jesuita kuéra mburuvicha pyahu

ABC REMIANDU

Máva piko opu'ãse Partido Colorado-re? Oje'evéa upe “nomenklatura” criolla-pe ningo oîha opu'ãséva oguenohê haguã Partido Colorado-pe upe mburuvicha rógagui, oîháme ojapo 60 ary, ha'eño peteî. Ndaipóri ningo moõve aty kañyháme he'iháicha umi oñe'êva Partido Colorado rérape. Oîva ningo umi yvypóra ko tetãmegua oipotáva ohopa umi mburuvicha ko'ãga ogobernába hína, ha ñamombo upe Paraguay oîva amo yvyguýpe ko'ãgaite, ha upeirire ojejapo haguã peteî tetã ipyahúva.

Castiglioni ndaha'evéima colo'o, he'i Santacruz

Blanca Ovelar irû, Carlos María Santacruz, he'i Luis Castiglioni ndaha'evéimaha colo'o, ohohaguére umi colo'o enemigo ndive. Castiglioni, Upe Vanguardia Colorada omotenondéva, Luuis Castiglioni, he'i upe aty guasu oiko va'ekue arapoteîme, no vota mo'ãiha upe "dupla del fraude".

Oviedo he'i ANR-pe oîha ñorairõ guasu

Partido Colorado-pe oñorairõpa hikuái oñondivéi, oipotágui poder, ha omantene hagua umi iprivilegio kuéra, heí kuehe Lino Oviedo, omoñe'êhápe chupe ABC Color. He'i avei Blanca Ovelar ha Castiglioni ndoguerekóiha mba'eve ome'ê va'erã ñaneretãme.

Lugo ojepy'apy ikatúgui oiko voto ñemonda poravo guasu jave

Candidato Alianza Patriótica para el Cambio pegua, Fernando Lugo, he'i omañátaha "akãguapýpe" mba'éichapa opa upe poravo oiko va'ekue ANR-pe.

Dinac nomuêsakãi pepo atã veve

Upe pepo atã ZP TAX C-172, ojepuru va'ekue arapoteî pyhare omombo haguã kuatia atã'i aty guasu ojapo va'ekue Castiglioni umia ári, oje'e ha'eha peteî taxi aéreo, TRUST AICISA mba'éva. Ko'ã mba'e ndaikatúi ojejapo he'i umi kuaapyre.

Umi poravo ñemonda oiko va'ekue ombyai ñande jekopytyjoja, he'i mburuvicha

Umi mba'e vai oiko va'ekue poravo jave ombyai tuichaiterei ñande jekupytyjoja ha tavaygua ndojapóiramo mba'eve, ñande retã oikótante péicha, he'i mburuvicha Miguel Carrizosa. Ko'ã mba'e he'i oparire Vanguardia Colorada-gua movilización oiko va'ekue arapoteî pyhare.

Mburuvicha Parlamento pegua ojoko pytyvõ avakuérape guarã

Jopói jepe ndojepuru py'aéi ñande retãme, oîgui mburuvicha kuéra Parlamento ha Ministerio de Hacienda-pe ojokóva. US$ 1.700.000 oñeme'ê va'ekue Instituto Paraguayo del Indígena.pe guarã ha ko'ãga ramo ojepurúta.

Nicanor oheja Brasil-pe oipuru oipotaháicha Itaipú, oikuaauka Tekojoja

Mburuvicha Nicanor Duarte Frutos oheja Brasil ha mba'apoha tetã ambue pegua oipuru oipotaháicha upe Itaipú mbaretekue. Péicha he'i peteî kuatiahai ohechaukáva Tekojoja, aty oipytyvõva Fernando Lugo-pe.

MIC oipytyvõta microempresario kuérape

Ministerio de Industria y Comercio (MIC), upe Programa de Apoyo Integral para las Microempresas rupive, oipota umi microempresario ha emprendedor kuéra ojerure servicio de capacitación.

Oñepyrúmu ojupi vaka ro'o repy

Umi ñemuha guasu he'i so'o repy ojupivétaha ko jasyteîme, oikógui vacunación antiaftosa hína. Kuehe guuive oñepyrúma ojupi 1.000 guaraní umi ñemuhã rupi.

Mba'e guasu mba'asy sésamoguigua ikatu ojepuru ojejerure haguã viru

Mburuvicha kuéra okyhyje upe sésamo mba'asy oñembotuichaitereigui. Oje'e 26.000 Has. de sésamo hasyha San Pedro-pe. ko'ã mba'e ikatu oje'e chokokuéra ojerure haguã viru, he' hikuái.

Contraloría oipota ojejogua radar, he'i hikuái

Peteî kuatia haipyre rupive ojeme'êva Octavio Airaldi-pe, 29 jasypakõi 2006, ba'ekuaa Contraloría pegua he'i ndoipotaiha hikuái ojejoko upe licitación ojejogua haguã radar ha equipo de telecomunicaciones. ko'ã mba'e oîva'erã ani haguã oiko mba'e vai aeropuerto ha ijerére.

Nombosa'i mo'ãi ko'ápe so'o jepe ojegueraháro UE-pe

Jepe ojegueraháramo ñemuhã Unión Europea-pe (UE) ñande so'o, ko'ápe nombosa'i mo'ãi ñandéve guarã ko arýpe, ha'i Senacsa. Ikatu ojegueraha hína upépe Jasypoteîme.

Luque-pe oñeikotevê hetave pohãnoha oîva'erã Urgencia-pe

Heta yvypóra hasýva ohóva Hospital Regional Luque pegua ohe'arõ va'erã heta aravo oñe'ê haguã pohãnoha ndive. Arapoteî pyhareve, peteî pohãnoha mitãrehaguante oî upe Urgencias-pe.

Tuichaiterei oky kuehe ñande retãme

Aimetete 60 milímetros oky kuehe pyhareve ñande táva Paraguaýpe. Aimete upéicha avei oky umi táva oîva Paraghuay jerére ha ñande retã pukukuére. Oje'e ko a´rape okyvétaha. Upe amã ojapo umi guataháre ysyry tuichaitereíva.

Ojekuaáva, oje'éva ha oñembotuichaitereíva

Ha'ete ningo ndojeikuaáiva mba'epa he'ise mbói jagua; ikatúpa ojepuru mymba añetére, térã mymba ojeroviávante. Iporã jaikuaa hína umi ava guaranime guarã hasyetereiha oikuaa mba'épa mba'e ogueroviáva ha mba'e oikóva, ha avei oúgui ijapytépe kuéra yvypóra ambue Brasil-gui oguerúva ogueroviáva.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	80.231	654.989
Ayer	87.756	750.130
Ultima actualizacion:
20/01/2008 00:00:00

Domingo, 20 de Enero de 2008

DOLAR

Hetaiterei oky kuehe ñaneretãme