-
-
Domingo, 27 de Enero de 2008
Efeméride 1983: Muere en Asunción el ex presidente Higinio Morínigo Martínez.
-
Temperatura Actual:
(
M.
.
- Inicio
- Secciones
- Semanales
- Especiales
- Expo 2009
- Gripe AH1N1
- AFW 2009
- Fórmula 1
- 20 años después
- Verano 2009
- Fiestas 2008/2009
- Caacupé 2008
- Asunción Fashion Week
- Lugo - Chávez
- Transchaco Rally 2008
- Eliminatorias 2010
- Expo Norte 2008
- Lugo Presidente
- Olimpiadas Beijing 2008
- Internet Libre
- Expo 2008
- Elecciones 2008
- Memorias
- AFW 2008
- Ycua Bolanos
- Turismo Interno
- Temas Relacionados
- Servicios
- Publicidad
- Institucionales
- Lectores
- Comuníquese
- ABC TV
-
RSS
Pe politiquería ombyai ñane retã tavaygua ohejágui
Jaguatakuévo ñane retãpýre jahecha mba'éichapa táva kuéra ha'ete oikóva tesaraihápe. Ojepuruvai rupi pirapire ha ipituva térã ndojepy'apýi rupi saimbyhyhára kuéra, umi municipalidad opytave ohóvo tapykue. Táva Asunción ha ijerére hetave uvei jahecha tembiapo'ÿ ha ñembyesarái. Ha katu ivaivéva pévagui pe ñande tavaygua kuéra oñanduvaicha peichanteva'erãvoi, ha avave ndoku'éi ha oheja oiko oikóva. Ko ohejáva oñembyaiete ñane retã ha'e pe politiquería. Ha jahejáramo péicha ohove tape jejavy rehe, ñane retã tuichavéta itapykue ohóvo, ha sa'ive ñanemboajéta tetã ambuékuéra. Tekotevê jajetyvyro, jaheja ñembyesarái ha jahapo'o ñembotavy, ñambohovái mbarete politiquería ha umi politiquero. Péicharamo mante jajerovia jevýta ñande jehe ha ñane retãrehe.
Sa'ive ohóvo violencia ha inseguridad, he'i Policia
Hetaite ñahendu oiko ko'ágã mba'evai ñane retã tuichakue. Péicha, jahecha policia oñombohovái bandidokuérandive Ciudad del Este-pe, aeropuerto Silvio Pettirossi-pe oikomo'ã asalto, peteî jueza ojeasalta ha oñejoko hógape, oñemonda peteî agencia de transporte táva Encarnación-pe, ojejuka mokõi kuña... Hysýi umi mba'evai. Policía katu osê he'i aipo sa'iveha oî violencia ha inseguridad ko 2008 oñepyrûvo.
Omombe'úva ojuavy tavaygua remiandúgui
Umi fuerza de seguridad omombe'úva ojuavy ñande tavaygua remiandúgui. Tapicha kuéra ojepy'apy ohendúvo ápe ha pépe oiko ñemonda ha jejukavai, taha'e guataha, óga, mba'ahapoha, mba'eyru tapicha guerojaha terã ñu ha okaháre.
General Isnardi-pe osê 30 dia de arresto
General Oscar Augusto Isnardi-pe ohupity pe asunto poste jegueru rehegua Chaco-gui, ojehecha rire ministro de Defensa Roberto González korapýpe. Aipo léi militar rehe opyrû haguére, Isnardi oisu'úta 30 dia arresto ha opytáta upeaja pe cargo'ÿre. Péva oñembojagui hese omoirû hague umi yvyra ñeme'êrã.
Academia Militar-gui osê avei ladrillo
Pe Academia Militar korapýpe, táva Capiatá-pe, oime omba'apo 19 olería kañyhápe, omo'ãva umi mburuvicha pe cuartel-pegua. Ko'ã olería ndopagái mba'eve pépe oî haguã, ha katu umi verde'o ogana porcentaje umi ladrillo ojejapóva rehe. Periodista ABC-pegua ohecha ko oikóva ha onohê ha'ãnga ohechuka haguã. Ojoguavoi hikuái upégui ladrillo (foto superior), ani haguã oje'e ñe'êreiha oñemombe'úva. Péicha, Academia Militar-gui ojekuaa osêha avei ladrillo ra'e.
Morales ha Dendia osêva'erã Justicia Electoral-gui
Juan M. Morales ha Rafael Dendia orrenuncia ha oho va'erã Justicia Electoral-gui oime ramo huguy gueteri michimi jepe hovápe, oime ramo omomba'e pe confianza ñande proceso electoral rehegua. Péicha oñandu Pedro Fadul, omyakãva Partido Patria Querida (PPQ) ha avei candidato omyakãva haguã ñane retã. Fadul-pe guarã, mokõivéva rehe ndaikatúi avave ojerovia.
Mbarete herakuã kolo'okuéra oimpugnataha Lugo-pe
Ojekuaa kuehe kolo'okuéra oimpugnataha Fernando Lugo-gui candidatura. Herakuã péva ijapyteso'otaha: Opytaporã haguã Tribunal de Justicia Electoral-pe, ARN ojeruréta pe impugnación, ha pe Tribunal ndaje omomarã pe jerure oje'e haguã hese hembiapo porãha. Péicha, kolo'okuéra ohasáta pya'e Corte Suprema-pe, oipe'a hagua tapégui Alianza Patriótica para el Cambio (APC)-pe.
Nicanor ndaikatúi oñecandida Senador-rã
Nicanor Duarte Frutos ndaikatúi oñemoî candidato ramo Senado-pe guarã. Péva ndaikatúi, ha heta artículo ñane Constitución-pegua oñe'ê pévare ha omboty chugui tape ani haguã oikose candidato ramo. Péicha he'i kuehe Marcelo Duarte, senador Partido Patria Querida rehegua. Chupe guarã Pe mburuvicha guasu ikatúva ojapo ha'e orrenuncia, oheja pe cargo
ANR-pe ojepuru cargo carnada ramo
Heta cargo oñekuave'ê Partido Colorado ryapýpe. Péva ha'e carnada ojepuúra pindáre ojegueru haguã castiglionista kuéra omoirû haguã Nicanor-pe. Péicha rupíje, Vanguardia Colorada ohejátante umi mburuvichakuéra ojapo ojaposeháicha.
Blanca Ovelar ome'êta sykuérape pohã reiete
Blanca Ovelar he'i sykuérape ome'êtaha chupekuéra pohã grati opáma haguã jejopyvai mba'asy rehe. Omombe'u avei omongakuaátaha ñane retã irundy tembiapo guasu rupive. Umíva economía de mercado, responsabilidad social, Estado garante de equidad ha distribución ingreso rehegua ha corrupción ñerairõ. Pepa Kostianovsky oponandu chupe.
- + Del Día
- + De La Semana
- + Del Mes
Artículos más leídos
Contactos: Emails | Teléfonos | Staff
Publicidad: Como Anunciar |
Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail
Yegros 745 esq. Herrera. Tel: 41-51-550/51 © Copyright 2008. Reservados todos los derechos.
Estadísticas |
||
Visitas |
Páginas |
|
| Hoy | 79.777 |
597.850 |
| Ayer | 87.649 |
725.594 |
| Ultima actualizacion: | ||
| 27/01/2008 00:00:00 | ||