abc Google  
Marandú

Pojupi jevýma gas repy ko pihareve guive

Umi oipehe'ã ha ombohyrúva ñane retãme gas licuado de petróleo (GLP) ohupi jevýma pe mba'e ojepuruetéva repy. Umi empresa ombopyahúma gas repy ko ára guive. Pe ojepurúva tembi'u apórã ipohýiva 10 kilo ojupi 2.000 guarani, ha ojejuhúta 55.000 guive 78.130 guarani peve. Pe autogás katu, 3.050-gui ohasa 3.170 guarani litro (ojupi 120).

Avavete noha'arõi pya'ete péicha oikoha

Avave tavaygua noha'arõi ko ojehupi ko'ágã pe gas repy. Avave gueteri ne'îrã hesarái pe jasypakõi (diciembre) ohasava'ekuépe ojupíma hague kuti, ha avave avei noha'arõi péicha oikotaha. Umi empresario he'i chuguikuéravoi ohópaha araíre gas repy, ha upévaguinte naikatuiha oisu'u ha'ekuéra.

Ou yvýpe mbo'ehao pyahu Colonia Thompson-pe

Oje'eva ningo mitãnguéra isanto apárteha. Oiméne upéicha mba'e ajeve avave nomanóî kuehe colonia Thompson, táva Ypane-me. Upépe oguarara ou yvýpe peteî kotymbo'eha mbo'ehao 6.304, hérava “San Roque González”, barrio Virgen de Fátima-pegua. Ha péva oiko rire mitãnguéra oime jave iguýpe? Pe óga ñande omopu'ãuka Ministerio de Educación ojapo 2 ary. Ojekuaa ojepuru hague material vai, he'i sy ha rukuéra. Ojehechapaitéma.

Dinatrán ohupi pasaje ojeho haguã tetãpýre

Umi Dinatrán ruvichakuéra oñembyaty kuehe ha oñemoî ñe'êpeteîme ohupi haguã tarifa umi pasaje mba'eýrumýi oguerojáva tapicha-pe táva tetãpýte-pe guarã. Péicha umi pasaje hepyve 11% guive 14% peve.

Universidad Nacional ojara pirapire ohecha haguére firma

Umi oikesva guive oñembokatupyry Universidad Nacional (UNA)-pe ohepyme'ê va'erã 50.000 guarani aipo ojelegalisa haguã chupekuéra umi kuatia ogueraháva. UNA ombyatýma 804 millón guarani pévare, ko diciembre ha enero-pende.

Santani-me oiko asueto oñemopotî haguã tavapy

Táva Santaní-me oiko kuehe asueto ikatu haguã maymáva tapicha ombyaty mba'eky'a ha oipohãno maymávape ani haguã mba'asy oñemohatã ijapytépe kuéra. Heta voluntario ha funcionario Ministerio de Salud-pegua osê omoirû tembiapo guasu ojoko haguã mba'asy fiebre amarilla. Péicha omombe'u Sergio Escobar Rober (corresponsal).

6 oferta apytépe Centro del Trauma-rã, 3 ojueheguántevaicha

Peteî constructor rehe oje'e oikeha mbohapy consorcio oñemboja va'ekue ojapose pe Hospital de Trauma guasu 98.000 millón guarani (péva 20 millón dólar) rehe. Yma 2002-pe, pe constructor Carlos Gueyraud oime kueri oñeimputa ojeprosesa añemboja rehe hese ojapo hague sobrefacturación empedrado chino rehegua. Ko'ágã, oje'e hese agyî oimeha Juan Carlos Ramírez-gui, omyakãva tembiapo Ministerio de Salud-pe. Ohai Mabel Rehnfeldt ha Pedro Gómez Silgueira.

Táva San Lorenzo-gua omano hepatitis, he'i Ministerio

Mburuvicha kuéra Ministerio de Salud-pegua he'i kuehe pe karia'y táva San Lorenzo-gua omano va'ekue Instituto de Medicina Tropical-pe oguereko hague hepatitis B. Péicha ramo jepe, herakuã avei péva fiebre amarilla hague. Pévare barrio Laurelty-pe tuicha ñemongu'e.

Oimeve hasýva ha ojekyhyjepaite

Santaní-me osêosêve tapicha ha'etéva hasýva fiebre amarilla-gui, ha ndojekuaaporã ramo jepe gueteri, tavaygua kuéra okyhyjepaite ha ndoikuaái mba'épa ojapóta. Péaja, Ministerio de Salud ruvicha kuéra oñemongu'e ojoko haguã mba'asy, ani haguã isarambi ambue hendáre Calle 8.000, fracción Defensores del Chaco-gui.

Noguãhêporãi tavayguápe he'íva Ministerio de Salud

* Ñane retãygua maymáva oikuaaporãse mba'épa ko oikóva, ha katu Ministerio de Salud ñe'ê noñehendúi. Isarambi ápe ha pépe oñe'êva, ha katu sa'e avei oime ogueroviáva chupekuéra.
* Dr. Gualberto Piñánez, omyakãva Vigilancia de la Salud, omobe'u ko'ápe ndojejeruréiha vacuna fiebre amarilla rehegua umi oúva tetã ambuégui-pe.

Cachito Salomón oñemoîva Nicanor ha Blanca rapykuéri

Cámara de Diputados myakãha, Oscar Cachito Salomón, ha ministro de Industria Juan Ramón Ibarra nomañáiva ojuehe, ha katu ko'ágã oime oñondive lista 1 rayhupápe ha omba'apo candidatura Blanca Ovelar rehe. Umi oficialista omba'apo ombyaty haguã disidente kuéra

Cordillera-pe oime gueteri mokõi gobernador

Táva Caacupe-pe, Tribunal Superior de Justicia Electoral he'íta mávapa osaimbyhýta Gobernación de Cordillera. Mokõi concejal: Samuel Gómez (PQ rehegua) ha Luis Lesme (PLRA rehegua) he'i ijehe ha'ekuéraha pe gobernador.

PLRA ojopy tembiapo Central-pe

Táva San Lorenzo-pe, Partido Liberal ombyary 4.000 tapicha omoirûva Fernando Lugo ha Federico Franco-pe. Central-pe, gobernador-rã he'i ombyatýtaha voto peteî camionazo-pe. Ha Lugo heí avave ndaituiha ojogua chupepor nada del mundo.

ÑE'ÊNGA

Mba'e jajapóta, he'i personal pyahu.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

89.735

720.850
Ayer

108.240

1.003.693
Ultima actualizacion:
09/02/2008 00:00:00