Domingo, 06 de Abril de 2008

Efeméride :

+ Ver Más
PESO ARG.

Compra:G. 1.370 /Venta:G. 1.420

+ Más cotizaciones
Temperatura Actual:

(
D.
.

+ Más información

Umi operador kolo'o kuéra hysýi oguahê pe dispensario Fundación Tesãi rupi, Itaipú Binacional rehegua, oîva ñande táva guasu-pe. Upégui pyhareve guive onohê pohã ome'ê haguã campaña polítika aja. ABC-pegua periodista oho upépe, he'i kolo'oha ha ojerure avei pytyvõ. Péicha, ohecha porã pe ojejapóva. Pe asesor médico Itaipu-pegua ohechuka ohechuka oimbaitémaha “colaboración-rã”.

Pohã presidente de seccional ha diputado kuérape guarãnte

“Cha aguereko instrucción ame'ê haguã pohã presidente seccional ha diputado kuérapende”, he'i pe pohãnohára, ha ojerure ko'ã periodista-pe petei “tuicháva favor”: toha'arõmi ho'êrõ peve, oñemongeta haguã Ramón Romero Roa, director paraguayo Itaipu-pegua.

Nicanor irû ha jeroviaha kuéra Itaipu-pe

Hysýi Fundación Tesãi rupi camioneta ha opáichagua mba'eyru, opavave calcomanía pytã lista 1 reve, hetave umi nicanorista mba'e, ogueraha haguã pohã omongu'e haguã lista 1 rembiapo omono'õ haguã voto Blaca Ovelar-pe guarã. Péicha oñemongu'e Nicanor irû ha jeroviaha kuéra Itaipu-pegua.

Oime je'ýma oñevendese Ministerio-pe “galleta oro ku'i”

Mbo'esyry oñepyrûma jasyõi (febrero)-pe ha umi mbo'ehao Estado mba'éva-pe ne'irã guerei oguereko merienda escolar ko'agã preve. Pe licitación oñepyrûma, ha péina ojekuaa oime jeýmaha oñevendese Ministerio de Educación-pe umi rembi'urã hepyetéva, oñembohéramava “galleta oro ku'i”, 9.000 guarani el kilo ovaléva, ha kamby hepyvente avi pérupiguágui.

Ko'ágã Blanca okopi gua'u Ministerio de Educación rehe

Uma ministra de Educación ramo guare, ha'e akointe nohendúi ha ndohechái umi ñemonda ha opáichagua pokarê oikóva ha'e osaimbyhy aja tembiapo. Ha'e ndoikuaái gua'u mba'eve. Blanca ha Nicanor Duarte ojuaju ojuehe iñepyrûmby guive Ministerio-pe, ha moõivéva rembiapo oguata avei ojoykére. Ko'agã Blanca, oñemoîporãse ha oñepyrû okorói gua'u Ministerio de Salud ha Educación rembiapo rehe, opositor ramo guiáicha. Ha'ete ku hesaráiva ha'e omba'apo hague avei upévarã.

Blanca ha'e Nicanor irûnguera títere

Umi candidato a presidente de la República apytépe, Blanca Ovelar de Duarte-pe ikatu sa'ive ojeguerovia. Kóva peteî vore Partido Colorado-gui osê. Umi ambue candidato kuérape ne'êrã gueteri oikuaa Gobierno. Ha katu Blanca-pe piko ikatúta ojeguerovia peteî promesa jepe? Ha'e oime rire 10 ary (tenonderã González Macchi-ndíve ha upéi Duarte Frutos-ndíve) ha upe aja oiko heta ñemonda opa institucioón des Estado-pe. Ha ha'e nde'íri va'ekue mba'eve. Oiporavóva Blanca-pe oiporavóta Duarte Frutos ha igavilla-pe.

Hetaitereive oiko accidente ko'ágã

Oikoiteve accidente de tránsito ojehu ko'ágã rupi, aipo 10% jeko hetave. Ary 2007-pe ojepapa haimete 11.000 voi, ha umívagui 900 tapicha rupi omano. Ko mba'e ñande tuicha problema de salud pública: heta jehasa asy oime upekuévo ha heta tevove mitã ojeharu ko mba'evai rupi; péva ñanemandu'a'ÿre heta pirapire ojeipurúva rehe pohãnohápe.

Hepy ñepohãno emergencia-pe

Peteî tapicha oikéva urgencia-pe rehe oñeñangareko haguã hese ñande ojepuru 236 dólar, ha ikatu voi oñekotevê 787 dólar peve al día. Ñande táva Paraguay-pe, 10 accidente oikóvagui, 8-pe oike moto. Péicha ramo jepe, hetave tapicha ndoipurúi pe casco oñangarekóvo ijehe.

Ñane retãygua ohasa asy Europa-pe

Heta mba'e oñemombe'u umi ñande rapicha ohóva ojeporeka Európape-gui. Ipuhu jehechaga'u. Ipohýi mba'apo ambue poguýpe. Hetave umi ohóva nomombe'upái ijehasa asy. ABC oporandu imo oikuaávape ha omombe'u ko arateîme ñane retãygua rembiasa asy mombyryete.

ÑE'ÊNGA

Solterona vai, mitã mondyiha.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	80.042	624.125
Ayer	80.138	670.666
Ultima actualizacion:
06/04/2008 00:00:00

Domingo, 06 de Abril de 2008

PESO ARG.

Artículos más leídos