Lunes, 26 de Mayo de 2008

Efeméride 1999: Washington Aswhell es nombrado presidente del Banco Central del Paraguay, en reemplazo de Jorge Francisco Gulino.

+ Ver Más
YEN

Compra:G. 37 /Venta:G. 40

+ Más cotizaciones
Temperatura Actual:

(
N.
.

+ Más información

Tendota pyahu oporombyatýta ko árape ojejapo haguã peteî diseño de reforma agraria sin violencia. Upevarã ohenói omyakáva Asociación Rural, Unión Industrial, Mesa Coordinadora Nacional de Organizaciones Campesinas, Federación Nacional Campesina y ha ambue sector pegua. Táva Caaguazú-pe ikatu hína oñembohovake chokokuéra oñorairõva yvýre. Luis Aguayo, MCNOC-pegua, he'i ikatuha oiko peteî explosión social ndaipóriramo solución inmediata chokokuérape guarã. Peteî jopói ome'êva Taiwán de 71 millones de dólares, 8,5 millón ojepurúta desarrollo rural peguarã.

Oîve va'erã pohãnohára mitãme guarã IPS-pe

Hetaiterei mitãrehe ndaikatúi oñeñatende kuehe IPS-pe ndaipórigui pohãnohára. Umi túva ha sy ombyasyeterei péicha oiko haguére hesekuéra ha ojerure hetave pediatra oîhaguã upépe.

Ojegueru so'o argentino

De contrabando ojegueru hína kuri 33.000 kilos so'o argentino

Oñemoî justicia pópe presunto narcotráfico

Roberto Carlos Benítez Salinas oñemoî Justicia pópe kuehe las 7:00. Ojepresenta Departamento Judicial de la Policía Nacional-pe. Ojeacusa chupe de narcotráfico ha oiko kuri kañy hápe porundy ára, Cámara de Apelación nome'éiramo guare chupe libertad condicional.

Oî va'erã peteî tembiapoukaty función pública pegua

Artículo 8º, Ley Nº 1626/00 ohechauka mávapa oî umi cargo de confianza de la función pública-pe, ha omyakãva umi tenda ikatuha oñeguenohê upégui ndojapói ramo jepe mba'eve ivaíva. Diputado kuéra oñeha'ãta hína omoinge umía apytépe umi oîva puestos prncipales-pe, ta ha'e gobernación, térã junta departamental-pe. ko iniciativa omyenyhê peteî pa'u oîva hína ko'ãgã upe administración municipal-pe ha ouporãva umi alto funcionario oñemosêva pjeavisa'ýre chupekuéra. Kotembiapoukaty oipytyvõ avei umi funcionario ojegueraha va'ekue ambue lugar-pe ha oguerekóro estabilidad ikatu ojerure hikuái ojemoî jey haguã chupekuéra oîhaguépe, terã oreclama oikógui hesekuéra despido injustificado. Ñane retã oikotevê peteî normativa pyahu omyesakãva ko'ã mba'e.

Mba'eve ndojapóigui Indert, Laterza Cue-pe ikatu oiko mba'e vai

Chokokue Laterza Cue-gua, amõ Mcal. López distríto-pe, omboty tape ani haguã avave oike térã osê upégui. Umi sintierra kuéra ikatu oñemomba'e umi yvy oîva upépe rehe ha he'i umi chokokue nome'ê mo'ãiha chupekuéra. Oñorairõta ndaje hikuái yvýre ha omanótaramo upehaguére, omanótante hikuái. Péicha isako'iramo ko'ã mba'e, ikatu oiko ivaietereíva hína upe távape. Indert katu mba'eve ndojapói ojoko haguã ko'ã mba'e.

Peteî político oporomoingovaipa

Umi colono brasilero oikóva Laterza Cue-pe he'i karai Francisco Papi Alvarenga, peteî político upepegua, ome'êha arma umi chokokuépe oñangareko haguã yvýre ha umía ombokapu ndaje hi'ari kuéra ohasávo ijypýrupi. Upéicha ndaje upe político oporomoingovaipa chupe kuéra, umi brasilero kuéra noîri haguére Alvarenga grupo ndive.

Lugo oipota oiko reforma agraria py'aguapýpe

Fernado Lugo oipota oiko peteî reforma agraria py'aguapýpe, ha upevarã ko árape oñembyatýta umi omotenondéva empresarios de la producción, chokokue aty, ha sector social-pe, oñe'ê haguã hendive kuéra mba'éichapa ikatu oñemyesakã upe falta de tierra chokokuérape guarã.

Ndojekuaái Itaipú térã FF.AA. pa ome'ê G. 1.200 millones umi ógarehe

Ary 2006-pe Nicanor he'i mba'éichapa 50 arýpe ni peteî Presidnete ndojapói mba'eve omoporã haguã upe "bajope". He'i kuri upéro guare ojapokátaha 200 óga umi oikóvape guarã Chacarita-pe. Itaipú ha FF.AA. ndaje omoîta ra'e viru
upevarã. Ojejapo va'ekue 92 óga ha upéa ipaha. Umi 108 óga ndojejapói, ha umi ojejapóva'ekue katu ivaieterei umi material ojepurúva'ekue, ha ko'ãga umi óga ho'a ho'apáma hína.

Alianza oñemombaretéta peteî ñe'ême upevarã

Umi Alianza Patriótica para el Cambio gua oñemomgetáta ko árape mba'eichaitépa omba'apóta hikuái ani haguã Nicanor Duarte Frutos ojura senador ramo ágã 1 de julio. Kóa ko planteamiento ome'ê kuri senador Carlos Filizzola, he'i kuehe Emilio Camacho, amyakãva Partido Encuentro Nacional.

Oñehenói senador suplente

Ko árape oñehenóita hína Gustavo López Aquino ojurá haguã ágã jueves senador suplente-ramo oike haguã Juan Carlos Galaverna rekovia. Calé ojesuspende haguére, López Aquino oîta senador-ramo ágã 30 de junio peve.

Gobernación Boquerón-pe okái heta kuatia

Umi kuatia ohechaukáva ejecución presupuestaria 2005/06/07 pegua ha peteî computadora okai paite amõ Gobernación Boquerón pegua. Oje'e ko mba'e vai ojejapo hague ani haguã fiscal Giuzzio ojuhu kuatia ikatúva ocompromete umi omyakãva hína térã oî va'ekue upépe.

Unace oñembopyahuse

Umi Partido Unace gua kuéra oñembyaty kuehe ha oñeha'ã hikuái ombopyahu upe aty oviedista. Upéicha avei oheka omoambue upe estatuto partidario. Péicha oñemoî peteî atýpe área política, socail ha juventud, he'i senador Jos´+e manuel Bóbeda.
Lino Oviedo he'i oipytyvõtaha gobierno pyahúpe ojapótaramo iporãva ñane retãme guarã ha oñemoîtaha henondépe oîjapóramo ivaíva.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	77.730	994.734
Ayer	43.086	573.005
Ultima actualizacion:
26/05/2008 00:00:00

Lunes, 26 de Mayo de 2008

YEN

Lugo he'i oipotaha peteî reforma agraria py'aguapýpe