abc Google  
Marandú

Indert omboyvy 84 família, ha 10 mínte opyta pype

Pe Indert, IBR-pe omyengovia va'ekue, ojuhu 10 mínte umi familia 84 apytégui opytáva ilótepe, tenda Colonia 8 de Diciembre, San Pedro departaméntope, oñeme'ê rire chupekuéra yvy pe asentamiento-pe. Oje'e háicha ramo, 400 hectárea rupi oñevende hekope'ÿ, peteî brasilérope. Peteî kuña oikóva tape ykére omombe'u ha'e ome'ê hague ijyvy 3.500.000 guarani rehe.

“Umi sintierra ojapo ojaposéva”, oje'e

San Pedro jerére oiko aja péva, Concepción departaméntope umi “sin tierra” ojeheróva ohapy kuehe peteî retiro oje'eha, peteî estancia ryepýpe, ipochýre oho haguére preso 5 kuimba'e ojejuhúva oikytî jave yvyra porã onohê haguã rrollo poguasu ka'aguy peteî parque nacional-gui. Umi “sintierra” ojapo ojaposéva, he'i mokoî fiskal.

“Sintecho kuéra” ojapo jeýma sarambi kuehe

Umi tapicha ojeheróva “sintecho”, ombyatýva umi dirigente nicanorista, oupaite táva guasu Paraguay mbytépe ha omopa'ãmba mbaeyru guaraha kuéra. Heta tavaygua oyta guatahape oha'arõ oñemonandi tape ikatu haguã ohasa. Policía katu oha'ã omosarambi upégui manifestante kuéra, okoróiva ndoipotáigui osê pe léi omoîséva fondo óga aporã.

Oîta suficiente gas ha petróleo Paraguái-pe guarã

Omoguahêvo hu'ãme presidente electo iguata umi tetã Estados Unidos he'iha aipo “eje del mal” rupi, Fernando Lugo ogueru promesa jaguerekotaha heta gas voli ha petróleo venezolano. Ojehecha ramo jepe hory mburuvicha Hugo Chávez-ndíve, he'i avei ñane retã polítika reheguépe oipykuitaha hape teete. Lugo oguahêta kuri voi ko árape, ko'êmboyve.

Venezuela omoîse pirapire omopu'ã haguã INC

Hugo Chávez, Venezuela ruvicha guasu, omombe'u Fernando Lugo-pe heta ikatuha omoî pirapire Industria Nacional del Cemento (INC)-pe ikatu haguã oñakãrapu'a ha tuicha omba'apo. Péicha he'i chupe peteî atyhápe,táva guasu Caracas-pe kuehe.

Yacyretã ruvicha kuéra rehe oñemoî denuncia

Concejal municipal kuéra táva Encarnación-rehegua omoî kuehe denuncia umi mokõi Entidad Binacional Yacyretá (EBY) ruvicha guasu rehe. Umíva ha'e Paul Sarubbi (paraguái) ha Oscar Thomas (kurepi). Fiscalía del Crimen-pe oñemoguahê pe jerure oñemboja gui hese aipo “delito contra el medio ambiente”. Pe y ojeheja ojupi heta tembiapo oikopa'ÿre gueteri, ha heta tavayguápe ohupytýma crecida.

Itaipu ombyaty heta tapichápe ange pyhare

ABC Color-pe, ijaty heta tapicha oñemongeta haguã Itaupu rehe ange pyhare. Opavavénte oipota ñane gobierno pyahu tomoî tenonderã ñane retã, anítei ohejarei umi ñanemba'e teéva. General (R) Juan Antonio Pozzo, omombe'u ojeroviaha gobierno oikétava rehe. “Omoîne tenonderã ñande Paraguái o oñangareko porãne hese”, he'i. Avei oipota opáy mayma tetãygua, “ha'etéva ku aréma okéva”, h'ei.

Anítei ojeguevi Nicanor rovái, ojerure Filizzola

“Péva héra chantaje ha extorsión”, he'i kuehe Rafael Filizzola imandu'ávo ojapóva Nicanor Duarte Frutos rehe. Tendota ohopotaitéva he'i noñemoneîri ramo pe rrenuncia, ha ndojehejái ramo oikéma senador ramo, ha'e ojokopátaha tembiapo transición rehegua. Filizzola-pe guarã, avave ndojokói va'erã polítika pyahu chantaje rupive. Aveve nomoingeva'erãi ko mva'épe Fernando Lugo térã Alianza Patriótica, he'i avei.

Lugo ndoipotái oñemosê umi migrante Europa-gui

Táva Caracas (Venezuela) guive, ñande ruvicha pyahu Fernando Lugo oipora oñemboyle pe léi pyahu omoîva Unión Europea oñemosê haguã umi “inmigrante ilegal” he'íva ha'ekuéra. Ko mba'épe, oñemoî Ecuador rendota guasu Rafael Correa-ndíve, oipotáva América Latina oñemoî ñe'êpeteîme ko mba'e pophýi ombohovái haguã oñondivepa. Mburuvicha Hugo Chávez katu he'y voi kuehe ikatuha nomondovéi petróleo umi tetã Europa-yguápe.

Diputado kuéra omboyke “boleto estudiantil” kuehe

Cámara de Diputados-pe kuehe opytarei avei pe oñembosako'íva léi-rã “medio pasaje estudiantil” rehegua umi universitario-pe guarã, ndaipóri rupi quorum. Congreso-pe oje'e Partido Colorado omoneîtaha pe tembiapo, Alianza Patriótica omboyke ramo Nicanor Duarte Frutos rrenuncia pe tendota guasu ramo.

Ñe'ênga

Por si pega, he'i engrúdope omboja va'ekue isapatu.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

87.225

1.284.229
Ayer

89.488

1.211.035
Ultima actualizacion:
20/06/2008 00:00:00