abc Google  
Marandú

Sákeo oporomotîva okobrávo hi'onorario, tova atãme

Industria regulación de honorario péva Estado contra.-pe omoheñói rico-kuérape. Asesora Instituto de Previsión Social (IPS)-gua, Vanesa Cubas Díaz, ministro de la Corte, Sindulfo Blanco, ra'y rembireko roipyhýta G. 9.000 millones. @ Kóva demanda ojapóva previsional Hacienda-pe okobra haguã deuda ohasáva G. 185.000 millones, péva aporte oficial rérape. @ Ko modalidad ombopirapire pya'etereíva, oñemotnondeva'ekue dictadura guive ko'ã ára peve, oñembotapykueva'erã firmemente Lugo gobierno-pe.

ANR odeve 3.000 millones de guaraníes

Municipalidad rupive ojekuaa ANR odevéha Comuna-pe 3.000 millones de guaraníes, tasa especial ha impuesto inmobiliario rehe.

Ojejuhu 145 chip ojeporúva extorsiónrã

Oidentifika hikuái 145 chips celular-pegua oporoextorsiona haguã

Lugo he'íva katuete omomba'éta propiedad privada, he'i Franco

Presidente electo Fernando Lugo he'íva orespetátaha propiedad privada, péva omoañete vicepresidente electo, Federico Franco, omohu'ãvo acto oipe'áva Expo 2008, rokê.

Aníve planillero

Pe “planillero” ha'e peteî personaje osêva escenario administración pública-pe ymaite dictadura tiempo guive. Péva ombohovái régimen ndoikuaáiva ni nomotenondéiva técnica omoheñóiva empleo, nomokyre'ÿiva inversión capital privado ni ndoguerúi inversionista extranjero, kóva ndoguerúigui garantía umi inversión ni nome'êiri continuidad oporombopy'aguapýva ha he'íva actividad económica oîva tetãme.

Planillero ofigura Parlamento-pe

Umi oficina regional interior ha Parlamento Nacional oime comisionado operador político oiméva contratado Tribunal de Justicia Electoral-pe.

Léi Electoral ome'ê cupo, he'i hikuái

Umi parlamentario, oñeporandúva, he'i hikuái legislación electoral ome'ê distribución cupo umi partido político omohendáva TSJE umi correligionario oiméva oficina Registro Electoral-pe.

Parlamentario oiporu justicia Electoral ofinancia haguã operador-kuérape

Peteî secreto a voces político-kuéra, umi parlamentario (taha'e partido ha'éva) oreko “cupo” Tribunal Superior de Justicia Electoral (TSJE)-pe, omohendávo operador político-kuéra. Omopyendáva legislación electoral umi partido-kuérape guarã, ha heta oiporúva título personal, he'i parlamentario.

Senador odenunsia PDP banca ohekýise hikuái

Grillón, senador mokõiha lista PDP-gua oikéva Rafael Filizzola rekovia, ha'e oheja rire ijapyka ojupi haguã ministro del interior ramo, he'i kuehe oguahêha ichupe ñe'ê mbeguépe Morales, miembro TSJE, ohecháha oikóvo Corte Suprema de Justicia rupive oipe'aséha banca orekóva ipartido. He'i ohekáha oikóvo “ la quinta pata al gato” hembipotápe peteî suplente kolo'o Senado-pe oike haguã ha orekovéta vóto omonéî haguã Duarte Frutos ñesê ha ikatu haguã ohura senador electo ramo.

Ohecháta hikuái convocatoria

Mesa directiva ha tendota bancada Senado-gua ohecháta ko'êrõ peteî aty formal omotenondetáva hikuái ohechávo convocatoria sesión extraordinaria Congreso-pe, ikatu haguã renuncia Nicanor Duarte Frutos ojapóva, ohesa'ÿijo haguã hikuái.

Mandatario ohuráse 15 15 Jasypoapy mboyve

Umi nicanorismo-gua omombe'u hikuái orekóha peteî vóto ojoavýva ha ohenóiva sesión Congreso ohecháva Nicanor Duarte Frutos ñesê. Kóva oñehenóivo ohura haguã senador ramo, péva 15 de agosto mboyve, okjokoségui ko situación senador vitalicio ha senador electo ohura mboyve.

Ministro oñeexpone juicio político-pe

Oñemotneondévo interna kolo'o, Frente Colorado, otakýma voi kuri candidatura Duarte Frutos rehe. Péicha avei, Tribunal Electoral ANR-gua, omotenondéva Oscar Latorre, ombotove Nicanor impugnación.

Nicanor juramento, oî en duda

Abogado Miguel Angel Brítez he'i Senado nodoipyhýiva'erã juramento Nicanor Duarte Frutos-pe, péva elección nula. He'i vicio heñóiva voi ha ikatu ndovaléi.

Nicanor primo omoañete ovendéha Itaipu ha Tesãime mba'erepy

José Mendoza Ovelar, distribuidora JM, omoañete kuehe Duarte Frutos ipariente ha oikuave'êha umi medicamento Itaipúpe ha Fundación Tesãime. “Che areko ko negocio 20 arýma ojapo, ha che róga avei. Che aipytyvõva'ekue Nicanor-pe ojupi mboyve Presidente ramo. Ko'ã mba'e che aguerekóva ha'e Presidente mboyve; ikatúnte peporandu laboratorio-kuérape cherehe, Gramón, Indufar, Lasca-pe; che ha'eva'ekue distribuidor. Ojapóma 10 arys, 15 ary. Aguerekova'ekue peteî furgoneta ohóva okaháre, pero péva Nicanor ha'e mboyve presidente”, he'i Mendoza.

Itaipu opaga pohã Nicanor sýpe

Ojekuaa Itaipu ohepyme'êhague umi medicamento oiporuva'ekue Nicanor sy ha oretira umi chokokue rérape.

Abogado omokyre'ÿ omohu'ã haguã cuoteo político Justicia-pe

Doctor Gabriel Núñez Carvallo he'i omoherakuãvo Constitución Nacional 1992 ary jave, oñemoañete Consejo de la Magistratura odesignávo umi magistrado, juece, camarista ha fiscal-kuéra, hembipotápe oime abogado ha jurista poravo umi, ikatupyry ha iñaranduvéva umi cargo-pe guarã.

Carrizosa ojerúre toñemomba'e norma ambiental

Senador Partido Patria Querida-gua, Miguel Carrizosa, oikuaauka ohjepy'apýha ojupígui cota represa Yasyretãme. “Maymáva jaipota toñemohu'ã umi obra EBY-pe, ha ndohasái norma establecida”, he'i tekoháre imandu'ávo.

Tekojoja okyhyje presión política ikatúha oî Itaipu rehe

Opavave tendota Movimiento Popular Tekojoja-gua ojerúre presidente electo Fernando Lugo-pe omoî haguã Ricardo Canese director Itaipúpe ha tapya'e.
“Roguerovia ndaipóriha ambue tapicha ikatupyryvéva ha teko jojéi pyréva, ha naherakuã vaietéva, oime haguã mburuvicha ramo hidroeléctáíriva-pe. Ha'e ojepytasóta upe tendápe ohayhu ha oikuaágui tembiapo renegociación Itaipúpe. Brasil ndive”, he'i Graciela Bogado, tendota Trinidad-gua.

"Lista cerrada" ha umi "fuero" ha'e mba'ssy tavavayguápe guarã

Víctor Alcides Bogado González (15-IX-1966) ha'e peteî “colorete” de pura cepa, osêva “sistema stronista-gui” omo'ãva ichupe todo tiempo. Omokyre'ÿva'ekue “marzo paraguayo”, oguenohêva rédito político ha económico. kóva peteî funcionario oñepromovéva paya'e ha tenda porãme, oñepremia gobierno Luís Ángel González Macchi omyakãvo “ikakatupyrýgui hembiapópe”. Nicanor oipytyvõ jeýnte chupe, omoîvo puesto clave umi ente autárquico-kuérape… ha devenir político, oñemoî “socio especial” ex Tendota ramo.

Ojopy hikuái umi nativo oñemomba'éva ijyvýre

Instituto Paraguayo del Indígena (Indi) ha Coordinación Pastoral Indígena Conferencia Episcopal Paraguaya (Conapi) ojepy'apy oîgui presión ohechágui hikuái umi nativo oipe'áséva ichupegui yvy oîhápe hikuái.

Temimbo'e Economía UNA, campaña yvyra ñemitÿ.

Temimbo'e 2° año Economía, Facultad de Ciencias Económicas, Administrativas y Contables (FCE-UNA) oñepyrû campaña de arborización upe korapy guasu orekóvape San Lorenzo-pe, péva proyecto de autogestión, omoañetéva hikuái.

Tekombo'ére omba'apo omoheñóivo mbo'ehára

Instituto Superior de Educación (ISE) omboty 40º ary oñemopyenda hague, 16 jasyteî 1968 jave. Upérõ oñepyrû Centro Regional San Lorenzo-pe, “ko'ápe oñeñongatuva'ekue typycha ha ojeguereko peteîo mbo'eha kotýnte”, pukápe oñepyrû omombe'u Elizabeth García de García, sambyhyhára ISE-gua.

Fiscal omokyre'ÿ investigación US$ 4 millones Estado rehe

Fiscal Delitos Económicos-gua, Martín Cabrera, oimpulsa denuncia Contraloría General de la República, he'íva informe orekóva Estado ohejáva 4 millones de dólares kóva supuesta negligencia ex ha miembro Consejo Nacional de Zonas Francas-gua. Ko denuncia ohypýi presidente de la República, Nicanor Duarte Frutos-pe.

Hetaiterei mitãrusu oho Papa ndive ojejuhu haguã

Osê Pastoral Juvenil diócesis ha parroquia-gua mitãrusukuéra Australia gotyo arapoteî ohasávape oime haguã Jornada Mundial de la Juventud-pe, upépe oime papa Benedicto XVI. Paraguái omotenondéta 200 mitãpyahu cita mundial oñemotenondéva mbohapy ary javéve Pontífice oiporavóva mba'e tetãme oiméta. Túva, sy ha angirûnguéra he'i osegíta jornada simultánea, hóga guive.

Ñe'ênga

Che réra ndaha'éi so'o kangue oiko haguã jagua jurúpe.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

46.827

513.236
Ayer

52.587

535.629
Ultima actualizacion:
06/07/2008 00:00:00