Domingo, 03 de Agosto de 2008

Efeméride 1902: Aparece el periódico feminista La Voz del Siglo, dirigido por Ramona Ferreira.

+ Ver Más
DOLAR

Compra:G. 3.940 /Venta:G. 3.990

+ Más cotizaciones
Temperatura Actual:

(
N.
.

+ Más información

Experto he'i pe delito omotenondéva Calé ndopreskrivíri gueteri

Oñepeipirû diario rupive ojeike haguã yvy ahéno-pe

Oñeivita peteî aviso rupive ojeike haguã korapy guasúpe umi ndaijyvýivape

Ipuku tembiasa ñemokõrã Paraguarípe

Ipuku tembiasa ñemokõ reheguáva ha katupyry'ÿ Paraguarípe

ABC REMIANDU

Prácticamente tributo jahupytýva mba'apohára contribuyente oikóva ha omoheñóiva tetãme opagáva Estado kóva medio siglo oiporúva ofinansia haguã Partido Colorado, he'iséva, organización ha mantenimiento, pero, upéicha, ome'ê sueldo, privilegio ha fortuna afiliado-kuérape, ohupytýva oñangareko haguã ha poder omnímodo odisfrutáva ko'ã árape.Lugo ko'ágã peve ndaivevúi ha noñembotavykái, jepente ipyahu omanipula haguã política.Ko'ágã, umi oñemosêva'ekue edéngui, ojepokuaava'erã tekove ogueraháva umi simple mortal. Ko gobierno ojupitáva ojeréta tembiasa ñembyasýgui ha ndoháiva'erã pe ojeheróva “neocoloradismo” térã oinventa “siglo XXI” ojapo jey haguã umi mba'e vaiete.

Piloto ofactura Victor Bernal ndive, ko'ágã oveve Lugo ndive

Piloto ofacturava'ekue Víctor Bernal ndive, ko'ágã oveve Lugo ndive, supuestamente ALianza-gua avave ndoikuaái moõguipa osê.

Lugo omoherakuã pákete asistencial

Peteî albergue oimehápe leproso, táva Sapukáipe, Fernando Lugo opresenta peteî plan asistencialista TQM Paraguay. Kóva rupive he'i, ombojoajúta umi sector guasu peteî campaña solidaria ohechauka haguã umi mba'e ndojehecháiva: umi oñemboykeva'ekuépe.

Pokarê oikóva Petropar-pe ojerevisáta káso por káso

Tendota pyahu Petropar, Cíbar Granada, oasegura oñomongetávo ore diario ndive ndorekomo'ãi ambue gobierno. @ Omoherakuã pokarê ho'áva tukumbóicha empresa rehe ohechatáva ha oñemohendatáva káso por káso.@ Oguerovia ohekátaha precio diesel-pe térã oheka ofinancia haguã.@Péicha avei, tendota ojeporavova'ekue INC-pe, Diego Ferreira, omoañetéva cementera oime haguã ipópe Estado, jepénte heta problema ojehasa.

Secuestrador oñemokirî

Secuestrador-kuéra oñemokirirî hikuái

Omoheñói hikuái firma fantasma odespachávo aeronave Aeropuerto-pe, ojekuaauka

Oî funcionario aeropuerto internacional Silvio Pettirossi-pe oguenohêva oikóvo firma fantasma ojapo haguã despacho aeronave-kuéra rehe, oviolávo norma ha procedimiento seguridad operacional rehe, odenunsia umi representante Flight Service Internacional-gua.

Orenunsia ka'aguy ha oipota hikuái yvy Gramont Berres mba'éva

Umi óga mimi ha namombyrýi upe arroyo Ferreira-gui, ha huguaitépe cerro Lambare, oime comunidad indígena Cerro Poty. Ko'ápe umi te'ÿi ohejáva'ekue ñu ha oî ko'ágã ombohasáva umi yvy estafador Gramont Berres mba'évape.

Ndaipórigui tetãme viru investigaciónrã, oho temimbo'ekuéra tetã ambuére

Mbo'ehára ha temimbo'e UNA-gua oaprovecha umi beca posgrado oîva universidad España ha México gotyo. Oho oñemoarandu haguã ha upéicha oñembokatupyry a nivel nacional ha upéicha investigación ojapóva omotenonde mombyry ha upévarã niko ndaipóri Paraguáipe presupuesto ko'ã mba'épe.

Porandu ha jegueraha pya'e tasyópe ikatu ojoko mitãmimi mano

Pe ojeheróva "consulta precoz" ha'e ñemoñe'ê universal, kóva mitãmimi orekóva 6 meses térã 5 ary ojetratava'erã pya'e, ha ndojeguerahái ramo ojehechauka pohanohárape hasy jave ha ikatu omano pyae. Péicha he'i mbo'ehára Facultad de Medicina de la Universidad Nacional de Asunción, Dr. Ricardo Iramain.

Centro de Salud orekóta pohã

La Química Farmacéutica Paraguaya (Quimfa) ome'ê arapoapýpe Ministerio de Salud Pública peteî lote de medicamentos ijapytépe umi antiparasitario, analgésico, ácido acetil salicílico, antigripal ha expectorante.

Ojekuaa 32% tapicha okakuaapáva ikyra

Instituto Nacional de Prevención Cardiovascular (Inpcard), oiméva Ministerio de Salud Pública y Bienestar Social poguýpe, ojerúre tavaygua ikyráva tohecha ha toguata ha toñangareko hetére omantenévo peteî alimentación equilibrada ombohapéva ichupe ha oguejy de peso mbeguekatúpe ha togueraha peteî vida saludable.

ABC REMIANDU

Sapukái ñanemomandu'a tetã ymaguare

Oúvo Paraguaýpe jey, Fernando Lugo ha ikomitiva opyta ojesareko haguã taller yma guare oñemyatyrõhápe ferrocarril Carlos A. López. Ko'ápe ohechauka ha ñandegueraha upe pasado de esplendor ha mba'éichapa ko'ágã ñaime taperépe. Yma ha'eva'ekue industria kakuaa ha oñemoakarãpu'ãva'ekue América Latina-pe péicha avei upe tenda ojekuaáva "fundición de hierro Yvyku'ípe".

Estatal ojerúre pytyvõ central obrera-pe

Tendota Mesa Coordinadora Sindical (MCS) ojerúre omokyre'ÿvo Coordinadora de Centrales Obreras-pe, oñepronunsia haguã contratos colectivo rehe oha'ãrõva homologación Secretaría de la Función Pública-pe ha empleado estatal ojeruréva hikuái.

Bancario oataka tercerización Via Parlamento

Omoherakuã rire proyecto de ley Parlamento Nacional, Federación de Trabajadores Bancarios ohekáta omoambue estatuto de la Caja de Jubilaciones Bancarias ha péicha ojopy haguã empleado tercerizado ko'ã árape hetáva umi mba'apoháre.

Víctima 1-A-guare, omoañete ndaipóriha justicia Paraguáipe

Ndaipóri justicia Paraguáipe gente imboriahúva ndive, omoañete ABC Color-pe karai Felipe Palacios (59 ary), víctima Ykua Bolaños-pe, omanóva itajýra mbohapy tatarendýpe. Oikove haguã oadopta peteî mitã hembireko ndive ha péva orekóma 3 ary ha “iñe'ãite guive” ohayhúva hikuái.

González Quintana he'i oñeha'ãta omorrenunsia haguã Nicanor-pe

Myakãhára Senado-pe, Enrique González Quintana (Unace), he'i kuehe omoañetévo mandato judicial ha ohenóivo Congreso otrata haguã renuncia Duarte Frutos ohura haguã senador ramo. Omoherakuã tendota bancada-gua.

"Karai Fernando Lugo", henda porãve ha ikatúva ja'e...

¿Mba'éicha ñahenóiva'erã Fernando Lugo-pe upe dispensa papal rire oúva ichupe Vaticano guive? ¿Ex obispo? ¿Obispo oñesuspendéva hembiapópe? ¿Obispo con permiso? Ñomongetápe, arzobispo de Asunción, monseñor Pastor Cuquejo, ohesa'ÿijo decreto Santa Sede-gua, he'i jey omboguejýva estado laical presidente electo, ha'éva peteî fenómeno mundial, espiritualmente ha'eta gueteri obispo omano peve.

Reforma Agraria omotenondéta ambue tape

Ko'ã ára oúvape, reforma agraria omotenonde ambue tape, omboykéva yvy me'ê omotenondévo acción orekóva ambue institución ohypýiva desarrollo rural taha'e integral avei, he'i kuehe titular Indert-gua, doctor Alberto Alderete.

Pokarê oîva Gobernación-pe ombyai yvypóra rekove

Obispo Chaco-gua, Mons. Edmundo Valenzuela, he'i korrupsión Gobernación Alto Paraguái odefende dignidad humana chaqueño-guápe, péva imandu'ávo upe millonario gasto gastronómico ojejapóva kuri upe tendáre.

Ombotove hikuái Gabinete pyahu gobernador electo

FUERTE OLIMPO (Corresponsal). Umi tapicha oimehápe intendente ko táva guasúgua, kolo'o Diego Gallagher, oñemanifesta municipio rovái ndoguerohorýigui nombramiento ojapóva gobernador electo Justo Fernández (kolo'o) omopyendávo futuro gabinete.

Foro oñembyatýta opavave sector empresarial ndive

Ágã miércoles 6 jasypoapýpe, Sheraton Asunción Hotel-pe, oñemotenondéta Primer Foro Empresarial “Desarrollo con empleo”; kóva aty omotenondéva umi empresario ohekáva visión compartida tetãme, omoîva interes individual ha upéicha peteî grupo orekóva interés nacional, omoherakuã kyre'ÿme umi omotenondéva ko aty guasu.

Ñe'ênga

Kóa iñarõve he'i omuñarõ ichupe isuegra.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	35.992	510.044
Ayer	43.661	536.182
Ultima actualizacion:
03/08/2008 00:00:00

Domingo, 03 de Agosto de 2008

DOLAR

Artículos más leídos