Domingo, 21 de Septiembre de 2008

Efeméride 1946: Juan Rovira Salanueva es designado ministro del Interior y Justicia.

+ Ver Más
PESO ARG.

Compra:G. 1.290 /Venta:G. 1.340

+ Más cotizaciones
Temperatura Actual:

(
L.
.

+ Más información

Maymávape, tañandejuhuporãite ko ára pyahu!

Touring Club ohecha porã Fernando Lugo ojapóva

Víctor Dumot, Touring Club-pegua, omombe'u ohechaporãha Fernando Lugo ojapóva, ombotapykue mivévo ko rally ñemboharái. Ko árape oñembosako'i pe clasificación Autódromo Aratirí-pe, ojekuaa haguã mávapa ohóta tenonde. Maymáva oguahêva ohecha haguã ko mba'e oguerahá va'erã jopoimi tapichakuéra oikotevêva Chácope guakuérape guarã.

Gobierno oheja Transchaco Rally tenondeve guarã

Poder Ejecutivo oheja kuehe pe Rally del Chaco jejapo tenondeve guarã. Ne'îra gueteri ojekuaa araka'étapa oiko. Emergencia Nacional myakãha, Camilo Soares, omombe'u oñemongetataha Tourin Club saimbyhyha kuérandive oñe'ê haguã péva rehe. Camilo Soares he'i kuehe pe suspensión ojejapoha ojerure rupi péicha presidente Lugo

Ndaipóri pirapire karai ha kuñararai kuérape guarã

Pe tembiaporã oñembyesako'i va'ekue oñeme'ê haguã pensión umi karai ha kuñarai ohasáva guive 60 ary opytáta Cámara de Diputados-pe oñeñongatu gueteri. Péicha avei oikóta pensión umi áma de casa-pe gaurã rehe. Ministerio de Hacienda ndoguerekói pirapire pévarã.

Oikojeýma ñemonda santo ára hápe

Oiko jeýma asalto peteî santo ára jeguerovy'a hápe. Péva oiko pe arapoteî (viernes) pyhare barrio Mcal. Estigarribia, táva guasu Paraguaýpe. Mbohapy mondaha oike peteî ógape oikohápe vy'a ha omoperõ 21 tapicha; ogueraha chuguikuéra cartera, billetera ha ambue mba'e ojuhúva hesekuéra. Ombovu mboyve kamisa lómo ndaje ho'uraê jepe tembi'u oñembosako'íva mesa ári. Kóicha tembiapovai heta oiko ko'ágã rupi.

Pakistán-pe, terrorista kuéra ojuka 60 tapichápe

Peteî kamiõ henyhêva bómbagui oñembokapu kuehe hotel Marriott-pe oikévo, táva guasu Islamabad, Pakistán-pe, ha ojuka 60 tapichápe. Oime avei 250 rupi oñembatuka térã opytávavaíva. Sarambi oiko oñehendúvo kapu guasu ha oñeñandúvo oryrýi yvy, ojekávo heta ovetã ha oñehundi heta mba'eyrumÿi.
Ko atentado pyahu ombojuapyve ohóvo ko mba'evai ipukúmava ohóvo Pakistán-pe. Ko ipyahúva oñemboja Al Qaeda rehe, terã hesegua kuéra rehe.

Terrorismo opupitykuaa opavavépe, he'i EE.UU.

Tetãnguéra oîva yvy tuichakue ape ári omombe'u ivaiha pe ojejapóva kuehe Islamabad (Pakistán-pe), omano hápe jeta tapicha. EE.UU. Omboyke mbarete ko mba'evai ha he'i péva ikatuha oiko oparupinte. Upéicha avei Europa-pe, ha umi terã oñemoî Pakistán ruviccha kuéra ykére ombohovái haguã mba'evai.

ABC Remiandu

Tojesape'a Paraguái ha toheka mokõiha tape iderecho ohupity haguã. Omba'apo guive pe usina Itaipú, tuicha oñakãrapu'ã Brasil: imbareteve idiplomacia ha opa tetãnguéra omomba'e chupe. Ñambojojáramo hese ñane retã, jahecha ohasarire 20 ary, oime kuatiáre heta energía oguerekoha Paraguái, ha katu ha'ete ku ndaikatúiva oku'e ha osê jejopýgui, oimégui iñirû guasu oguerahapa ñanemba'éva Itaipu-pegua. Péina mburuvicha Lugo ojerure topa pe mba'eaña, ha Gobierno brasilero oipota toñembosako'i ñemongeta, ohendu haguã ñande jerure. Ha katu ñane Gobierno naiporãi ogueroviapa Itamaraty-he'íva. Brasil ombojuruhe'êmavavoi Paraguái-pe, ha upéi mba'eve ndoikói. Ani haguã oikojey ñanderehe péva, Gobierno paraguayo ojesape'a ha ohekava'erã mokõiha tape ohupity haguã derecho imba'éva.

Compañía TACA ovevéta Paraguái-pe diciembre guive

Pe compañía aérea hérava TACA oguahêta táva Lima (Perú) ñande Táva Guasu peve ha péicha ombojoajúta ambue tetã Sudamérica ha Centroamérica-pegua. Ko pepo atã guasu oúta Paraguaýpe oguejy ÿre tapére ambue hendápe.

Ñe'ênga

Che po gana la vieja, he'i hesa rurúva

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	63.477	723.821
Ayer	63.433	849.197
Ultima actualizacion:
21/09/2008 00:00:00

Domingo, 21 de Septiembre de 2008

PESO ARG.

Artículos más leídos