Domingo, 05 de Octubre de 2008

Efeméride 1943: El gobierno del presidente Higinio Morínigo establece el Régimen Monetario Orgánico de la República del Paraguay, por el que fue i...

+ Ver Más
DOLAR

Compra:G. 3.980 /Venta:G. 4.040

+ Más cotizaciones
Temperatura Actual:

(
M.
.

+ Más información

Ojejoko va'erã ñane sistema democrático ñembyai. Heta mba'épe ojojogua Hugo Chávez, Evo Morales ha Rafael Correa ojapóva. Yjapytépe, omokangyse umi partido político pluralista. Péva ohundiete haguã, ndojejokói ramo. Péva jeko omyengovia haguã aipo “sistema burgués” pe “democracia popular”, “socialismo del siglo XXI” térã ambue téra ipu porãmíva rehe. Avavépe nomondýi va'erã Fernando Lugo ojaposérõ avei péicha. Ojekuaa ha'e oñanduha avei ko'ã mburuvicháicha, omokañýnte ko'ágã ani haguã omboveve ynambu; mbeguekatu ojehecháta péva. Upévave iporãva'erã partido político myakãha kuéra ojesape'a porã ha oñamindu'u tembiaporã ojoko haguã ñane sistema democrático ñembyai.

Claudia Rúser ojopy Lugo rehe violencia oikóva

Umi sóha ñotÿhakuéra aty myakãkaha, Claudia Rúser, ojopy Tendota guasu rehe pe “espiral de violencia” oje'eha oîva tetãpýre ha ohejámava peteî okaraygua re'ongue pe arapoteî (viernes) ohasava'ekue. “Ore ro'emavoi kuri Lugo ikatuha ko'ãmba'e oiko noñehenonde'ái ramo, ha katu agroexportador kuéra ñe'ê noñehendúi”, he'i.

Oî jeko ñane retãme “guerrilla encubierta”

Kuñakarai Rúser ojapo avei denuncia oîha ñane retãme aipo “guerrilla encubierta”, ha avei oimehavoi manterei umi chokokue ohechauka arma ipópe. Chupe guarã, Mburuvicha guasu omboty gua'u ijapysa ha nohendúi temiandu.

Oguahê computadora mbo'ehao-pe

Ovy'a ha opukavpayrei umi mitãnguéra mbo'ehao “San Vicente Ferrer”, táva Fernando de la Mora-pe. Upéichata avei ningo: kuehe guive oipuru hikuái umi computadora pyahu oguahê ramóva oñepyrûvo tembiaporã hérava “Una laptop por niño”. Ko'ã tembiporu arandu, ndahetáiva gueteri ñane retãme, tekotevêtéta ikatu haguã educación imbateteve ha iporãve, mitãrusu ha kuñataînguéra oñembotupyry haguã hekopete. Banco Interamericano de Desarrollo omoirû ko mba'eapo.

Acuerdo Venezuela-ndíve noipytyvõi Paraguái-pe

Karai Bernardino Radil pe guarã, umi kuatia ohaiva'ekue ñane retã Venezuela-ndíve noipytyvõmo'ãiha Paraguái-pe oñakãrapu'ã haguã. Iporãve va'erã Fernando Lugo ogueru invesión tetãambuegui, he'i ko político.

Lambaré ndoguekói omombo haguã ijyty

Hetavétantema ko'ágã guive problema táva Lambaré-pe, ojepe'a rire yvy Táva guasúgui. Upépe ndahasymo'ãi tanda ñemopotî ha yty ñembyaty, ha ko'ýtema katu pe táva nodguerekói haguere omombo haguã ijyty. Péicha he'i tapicha katupyry.

IPS opaga 10.000 sueldo

Pe Ing. Pedro Ferreira ombohetave funcionario Instituto de Previsión Social-pegua 9.000-gui 10.000 peve, pe jasyteî (enero) guive jasypo (mayo) ohasa va'ekue peve. Péicha omombe'u Contraloría de la Repúbica. Ha katu IPS ruvicha pyahu, Amado Gill, ohapo'o rangue mba'evai, péichante avei ohose hese.

Ohasa asy táva San Pablo-pe heta ñane retãygua

Heta tapicha ñaneretãygua ohasa asy táva guasu São Paulo, Brasil-pe. Hetave oikóva kuatia'ÿre (oje'e oîha 35.000 péicha) ha omba'apo mante hikuái 12 aravo guive, 16 ha 18 aravo peve, ikatu haguã ohepyme'ê mba'e tekotevêkuete, ha nahembyvéina ombohuguami haguã térã ogueruka haguã hogaygua kuérape.

“Ogue” G. 81 millón Diputados ome'êva'ekue

Pe presupuesto ary 2004-pe, Cámara de Diputados omoneî raka'e G. 100 millón peteî fundación hérava “Pies Descalzos” (péva, Pynandi)-pe guarã, omoirû haguã mitãguéra oikotevêva rehe, osaimbyhýva Susana Fernández (kóva upe ramo guare parlamentario kolo'o Miguel Corrales rayhuha. Ko'ágã pe fiscala Delitos Económicos rehegua Alba Delvalle omoî hese imputación ha karai hue Hugo Sosa Pasmor-pe ohasáta tembiapo.

Ñe'ênga

Político ojejapóva ha lorito ka'u, ipysyrÿireíva.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	63.024	731.788
Ayer	65.416	724.049
Ultima actualizacion:
05/10/2008 00:00:00

Domingo, 05 de Octubre de 2008

DOLAR

Artículos más leídos