Domingo, 21 de Diciembre de 2008

Efeméride :

+ Ver Más
PESO URU.

Compra:G. 200 /Venta:G. 240

+ Más cotizaciones
Temperatura Actual:

(
M.
.

+ Más información

Dirección de Material Bélico (Dimabel) ningo ojoguaka 50.000 mbokara'ÿi (bala) peteî empresa privada-pe. Ha'e ndaje mboka 7.62 x 39 peguarã, ha oipurúva militar kuéra mante, umi fusil AK-47-pe. ko'ã mboka ningo oipuru avei umi aty guerrillero ha aty oporujukáva avei. Peteî tapicha Guns SRL pegua, he'i umi mbokara'ÿi ndaje ojejuka mymba hamba'e.

Mbo'ehao ñemity reheguape oñeme'ê jopoi

Mbo'ehao ñemity rehegua hérava San Francisco, oîva táva'i Cerrito (Chaco-pe), opytáva 46 km. Paraguaýgui, ogueru 2º jopói consurso hérava “Desafío Mundial”. Oî kuri upépe 700 proyecto, hetaiterei tetãgui.

He'i Carlos Mesa, Bolivia mburuvichakue

Ndaikatúi ningo oñegoberna tapéguive...

Fiscalía ohecháta ndojapóipa Calé tráfico de influencia

Oî ndaje indicio oñembojurujái haguã peteî povyvy Juan Carlos Galaverna rehe ojehecha haguã ojapópa tr´+afico de influencia upe BNT kásope. Ko mba'e oje'e peteî tesa'ýijo ojaporire Fiscalía de Delitos Económicos kuatia kuéra oñemondo va'ekue Corte Suprema rehe.

Hetaiterei ñemonda oiko Paraguaýpe

Hetaiterei ñemonda ha ñepoperõ oiko tapicha kuéra oikóvare tava'i Paraguaýpe. Kuéhe pyhareve voieterei ningo mokõi tujami oñemonda hogaitépe voi. Avei, ambue óga, ndaipóri haguépe óga jára, oñemonandi kuehe.

Ko'ágã peve ndojehecháiti upe "social aty guasu"

Upe Alianza Patriótica para el Cambiio, aty guasu ogueraha va'ekue Lugo tendotáramo, he'i ohenoiseha peteî aty guasu ikatu hápe oî opavavéa tapicha, taha'e ha'éva aty pegua. Upéicha avei iporã ñanemandu'a ojaposéramo guare hikuái upe mab'e hesaráiete upe discurso gui, ha upéa ikatu ñambohéra hipocresía, térã katu mba'e vai ojapóva mburuvicha oheja haguére okápe tapicha noîvai hendive. Mburuvicha Lugo ojapóramo guare aty multisectorial refoprma agraria ojearandueka haguã, "hesaráiete" umi chokokue yvy jára ha omba'apóva yvýre amo tetãpýre. Péicha ojejapóramo ningo ndaikatu mo'ãi oñemopu'ã lñane retã. jaikotevêpa ningo ojuyehe ñanoheséramo ñane retã yvykuágui.

Ojejerure "Pakovápe" oheja haguã PLRA

Movimiento Equipo País, PLRA pegua, omyakáva Dr. Federico Franco, ojapo ñe'êmegua mbarete gobernador José "Pakova" Ledesma-pe, ha ojerure chupe oñe'ê vaítaramo umi liberal kuérare, toheja PLRA ha toho ambue partido-pe.

Ikatu haku 40º C peve ndaje

Upe sensación térmica oje'eha ikatu oguãhê ko árape 40º C peve, he'i umi omba'apóva Dirección de Meteorología-pe. Ko ára haku ningo omoñepyru hína araaku ohóva Jasyapy 21-peve. Ojejerure ani haguã oñesêterei kuarahúype, ikatúgui ñanembohasypa.

Ndaipóri ndaje fiebre amarilla táva san Lorenzo-pe

Servicio Nacional de Erradicación de Enfermedades Transmitidas por Vectores (Senepa) oikuaaka ndaipori ha ojekyhyje haguã fiebre amarilla gui. Oiko ndaje vacunación táva San Lorenzo-pe ha upéicha ojejoko ani haguã oî tapicha hasýva upe mba'asýgui. Upéicha avei umi omyakãva Senepa ojerure oñemopotî haguã umi tenda ikatu hápe oñemuña ñati'û.

Ojejuhu ñemonda ha sabotaje INC Vallemí peguápe

Cemento vosa, cubierta, cable ha opámba'e rei ndaje oñemonda Industria Nacional del Cemento (INC) oîva Vallemíme. Péicha ojepilla peteî poyvy omyakãva fiscal Blas Imas oikorire. Avei ndaje ikatu oje'e oikoha sabotaje upépe.

Oñemonandi reserva natural Itapúa pegua

Hetaiterei yvyramáta ningo ojeitypa ambue reserva naturalgui, opytáva Carmen del Paranáme. Péicha osapukái ha omombe'u concejal kuéra Juan Malinowski (PEN) ha Víctor Acosta (PLRA).

Hetavéntema ko'ágã mitã ojeruréva viru táva Ciudad del Este-pe

Oporomyangekói umi mitãita oñemoíva tape ypýpe ojerure haguã viru umi ohasáva mba'eryrúpe. Sapy'ánte he'ínte hikuái omopotîtaha mba'eryru parabrisa, ha katu oiko chuguui kuéra "peajero", ha upéicha ojopy hikuái tapichápe ha ome'êka chupe kuéra viru térã oimea mba'e.

Mitãkuéra ndaje oî tapére sociedad kúlpare

Abogado Benigno Cáceres, oficina regional Secretaría Nacional de la Niñez y Adolescencia opegua, ningo he'i umi mitã oikóva kállere omba'apo gua'u limpiaparabrísas ramo, ndaje oiko upéicha socienda nome'êi haguére chupe kuéra peteî oportunidad, ha ojapóro hikuái mba'e vai ndaje ha'e umi adulto o'okasiona haguérente.

Opá ko'árape Expo Nacional del Ao Po'i

Tembi'u Paraguáiete ha so'o mbichy ikatúta oje'u ko árape ojembotývo 11ª Feria Anual de Ao Po’i, plaza “Gral. Francisco Roa”, táva Yataity, Guairápe. Umi artesano he'i ovy'aha ohohaguére hetaiterei tapicha ohecha haguã hembiapo kuéra, ha avei ojejoguas haguére heta mba'e chugui kuéra.

ÑE'ÊNGA

Upéva pako oî avei, he'i aipo omombe'upa'ÿ va'ekue.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	55.249	612.697
Ayer	62.721	686.990
Ultima actualizacion:
21/12/2008 00:00:00

Domingo, 21 de Diciembre de 2008

PESO URU.

Artículos más leídos