Miércoles, 21 de Enero de 2009

Efeméride 1875: Una ley dispone que las monedas de oro y plata pertenecientes a los países que han firmado o adherido a la Convención Monetaria de...

+ Ver Más
EURO

Compra:G. 6.400 /Venta:G. 6.650

+ Más cotizaciones
Temperatura Actual:

(
L.
.

+ Más información

Ojupi kuehe 44ha Estados Unidos rendota guasu, Barack Obama, ha he'i oñepyrûha peteî ára pyahu jerovia ha responsabilidad rehegua mayma norteamerikáno-pe guarã. Oñe'ê tekotevêha jepytaso mbarete oime haguã pu'aka crisis financieravai rehe ha oñembohovái haguã ñorairõ mokõi hendápe: Irak ha Afganistánpe. Omombe'u umi tropa oñepyrûtaha “retirada responsable”.

Oipytyvõse umi tetã imboriahuvéva yvyape ári-pe

Oñe'êvio táva guasu Washington-pe 2 millón tapicha ijatyhápe, he'i avei tekotevêha oñemomba'e léi ha derecho humano kuéra. Ome'ê iñe'ê oipytyvõtaha mayma tetã imboriahuvéva yvyape ári-pe ikatu haguã opavavépe ohupity mba'e porã oguerúva desarrollo.

ABC remiandu

Gobierno pyahu Norteamérikape ombopyahu jerovia. Ndojekuáai ramo jepe heta mba'e gueteri Obama-gui hekove ha hemiandu polítiko tamo, pe ohecháva América Latina ko mburuvicha pyahúre iporã. Karai Obama presidente haguére añónte mba'e tuicháva, ha ochechuka oñepyrûmaha peteî transformación hypy'ûva Norteamérika sociedad-pe. Ko'ágã tekotevê pe mba'eporã ojekuaa avavei política exterior rehe, ha tomaña ñande región rehe. Péicha, ko Obama guahê Casa Blancape ogueru ñandéve ivitu ha jerovia pyahu.

Oî 8 tapicha hasypyahúva déngegui

Ministerio de Salud Pública omombe'u kuehe oimeha 8 hasy pyahúva pe déngegui. Péva ojehu táva Concepción-pe. Ko'ávã reve, oiméma 27 umi ojekuaa idéngeva tetã tuichakue, ha hi'ári oime umi 121 hasýva, ha katu ndojekuaáiva gueteri ha'épa añete péva avei.

Oñeintenveni mokõi embajada ha mbohapy consulado

Cancillería Nacional ointerveni umi embajada Inglaterra ha Francia-pegua, ha avei umo consulado táva Buenos Aires, Foz de Yguazú ha Curitiba-pegua. Péicha omombe'u kuehe canciller Alejandro Hamed. Omomba'e avei senador Alberto Grillón ojerure háicha, ikatu umi auditoría ohupity ambue consulado-pe tenonderãve,a ha katu kirirîhápentente ojejapóta tembiapo.

Lugo ohenói taijaty Senado oñemyengovia haguã Rienzi-pe

Ko'êrõ ikatu ijaty senador kuéra omohenda haguã Emiliano Rolón-pe Wildo Rienzi rendaguépe, ha péicha oimba hagua umi 9 ministro Corte Suprema rehegua. Umi kolo'o Varguadia Colorada pegua omoirû ramo, Lugo ohupitýta péva, omopê haguã Nicanor oguerekóva pu'aka ñande Justicia-pe.

Ndojekuaái araka'épevépa “operativo Jeroviaha”

Karai ministro del Interior, Rafael Filizzola, omombe'u kuehe ndosomo'ãiha pe tembiapo oñepyrûva'ekue San Pedro ha Concepción departamento-pe ooñondive policia ha militar ojoko haguã bandido reko. Ikatu avei ojkepyso Amambay gotyo. Ko tembiapo ndaha'éi Plan Colombia rehegua, he'i. Imandu'a avei policía kuéra oiméva upépe ndoguerekopaiha tempiporu ha oikotevêva omba'apo porã haguã.

Okúi kuehe comisario Horqueta

Comisión de Derechos Humanos del Paraguay (Codehupy) jerure rire, comisario Ricardo Chaparro, oiome va'ekue táva Horquetape Comisaría 3ª ruvicha ramo, oñemyengovia kuehe. Hendaguépe oñemoî comisario Carlos Domínguez.

Kuatia Ejército del Pueblo rehegua ojejuhu marihuana oñembyatyhápe

Umi fuerza de seguridad, omba'apoha umi pilicia ha militar oñondive, omombarete ohóvo hembiapo ombohováivo narcotraficante kuéra. Péina kuehe ojuhu hikuái Ejército del Pueblo Paraguayo rehegua kuatia peteî óga oñembyatyha marihuana-pe. Upekuévo, táva Horquetape oñembyatýta chokokue OCN-pegua omboty haguã tape ha ojerure haguã tosêmba toujey upégui fuerza conjunta reheguakuéra.

Ñe'ênga

Upépe, upépe, he'i ilómo remõiva.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	147.638	1.116.332
Ayer	149.508	1.047.334
Ultima actualizacion:
21/01/2009 00:00:00

Miércoles, 21 de Enero de 2009

EURO

Artículos más leídos