abc Google  
Marandú

Oñemopore'ÿ legislador chovykuéra ha Lugo opyta decepcionado

Mburuvicha guasu Fernando Lugo ombyasy kuehe nosêi haguére chupe Senado ñehenói oñemyenyhê haguã vacancoa Corte Suprema de Justicia-pegua. Avei, he'i opytaha decepcionado ndoiméi haguére heta senador Alianza Patriótica rehegua, Partido Liberal Radical Auténticoyguáva.

Ka’a he’ê oñeñoty marihuana rekovia

Pe ñana hérava ka’a he’e (Stevia rebaudiana Bertoni) osê porãitendaje chokojue omba'apóva San Pedro departamentope. Péicha, ojekuaa ohejaha chupekuéra ganancia 10 millón guarani rupi hectárea. Péva rupi, heta asentamiento pegua tapicha oheja ko'ágã ka'avai marihuana ñeñotÿ, ha péina omba'apo potî, hekopete. Karai ministro de Agricultura, Cándido Vera Bejarano, ohecha kuehe mba'apohára kuérandive ka'a he'êty.

Yoyito oñeha'ã omombe'u mba'érepa oñemopore'ÿ umi ikorreli

Julio César Franco, kóva vicepresidente Federico ryke'y, oñeha'ãmbaite omombe'u haguã mba'érepa oñemopore'ÿ ikorrelikuéra. Péva kuri tenonderãite ojehecha va'erãmo'ã, he'i imandu'ávo umi parlamentario rehe. Ndohói kuehe Zulma Gómez ha Alfredo Luis Jaeggli.

Paraguái oñedemanda 1.000 millón dólares repy

Ñane retã oguereko demanda tetã ambuére ha operdepa ramo omoîva'erã 1.000 millón dólar. Péva omombe'u kuehe procurador general de la República José Enrique García. He'i ko karai aretéma ñande ñane gobierono kuéra tenondeve guare oheja ohasa ko'ã mba'e ojapo'ÿre mba'eve katu omo'ã haguã ñane retã mba'éva pirapireita.

Mons. Ismael Rolón ogueromandu'a 43 ary obispohague

Karai arzobispo emérito de Asunción Mons. Ismael Rolón, ombotýva ko'êrõ 95 ary hekove reñóî hague, ogueromandu'a 43 ary ojapo hague pe consagración peteîha obispo de Caacupé ramo. Uperire,1970-pe, Papa oguerova chupe táva Paraguaýpe. Ha'éva'ekue tuicha defensor derecho humano sãso rehegua, dictadura aja.

ABC remiandu

Tekotevê ñeha'ã ha py'ãporã ñande justicia ñembopyahurã. Cámara de Senadores, ohenói va'ekue Fernando Lugo sesión extraordinariarã, nombyatýi kuehe quórum ohesa'yijo haguã terna de candidato ministro de la Corte Suprema pyahu jeporavorã, omyengocia hagua Riénzipe. Péicha ojehu polítika rupieténte, hetave rupi umi senador oipotáva cuoteo polítiko. Ndojepotái pe Corte Suprema isãsóva, ombojojáva mayma tetãyguápe ha añete oikuaáva Derecho. Añete naiporãiete ko justicia reko Paraguáipe. Tekotevê tuicha ñeha'ã ha py'ãporã hendive oñembopyahu haguã hapoite guive ñande justicia.

Coronel Oviédope mokõi mondaha ogueraha 50 millón

Moto ári, táva Coronel Oviédope, mokõi mondaha ogueraha peteî depósto ha distribuidoragui 50 mollón guarani pe araapy (martes). Policia he'i ndoikuaaiha mávapa ojapo mba'evai ha moõpa oime hikuái.

Herakuã okuitaha director pohãno'ao Paraguarí-pegua

Doctor Lucas Barrios, kóva oime director ramo pohãno'ao táva Paraguari-pe, ojepe'áta pégui. Ange pyhare, oguehê ohóvo pépe umi 9ª Región Sanitaria myakãha kuéra ha ojuhu umi hasýva, iñirunguéra, pohãnohára ha paramédico ojapóva guardia Hospital Regional-pe nosêi tembi'u. Oñemombe'u avei ndaiporiha pohã hasývape guarã. Pévare okúita pe pohãno'ao ruvicha, herakuã.

Ko'agã oîma 30 oguerekóva dénge

Ñane retã tuichakue, ko'ágã ohupytýma 30 umi tapicha hasýva déngegui. Ko'ãva apytégui, mbohapy táva Paraguaygya (barrio Laureles, Seminario ha Sajoniaygua), ha umi hembyre (27) katu Concepción ha Pedro Juan Caballero-pe oime. Uperupigui ojejuhu hetave osê umi hasýva.

Verde'o ho'a abigeato rehe

Oime ho'a detenido 5 militar ojejuhu haguére ocarnea kañykápe mokõi vaka estancia “Nueva Florida”-pegua, empresario ha dirigente deportivo Horacio Cartes mba'éva. Péva oiko Km. 385, táva Tte. Manuel Irala Fernández ypy, Chaco-pe. Umi verde'o vaka'uha oime Tercer Cuerpo de Ejército, Mariscal Estigarribia-pe.

Ñe'ênga

Espíritu memete, he'i okeva'ekue cementériope.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

131.626

998.104
Ayer

153.454

1.083.753
Ultima actualizacion:
23/01/2009 00:00:00