abc Google  
Marandú

Empresario kuéra okyhyje ndoikói ramo guarã plan anticrisis

Umi medida ombosako'íva Ministerio de Hacienda ombohovái haguã crisis económica ikatu oguahê tapykuérima ha upévare ndoikóvéima. Péicha oñandu Cámara de Anunciantes del Paraguay (CAP).

Ñande producto interno bruto (PIB) ho'ataha 2 % ko arýpe

Karai Luis Saguier Blanco, kóva asesor CAP rehegua, he'i ñande ruvichakuéra ohechukaha “absoluta incapacidad” ombohovái haguã crisis internacional pyvoi ñande rehe, oguahêmava ñane retãme. Pe Fundación Desarrollo en Democracia (Dende) katu he'i pe ñande producto interno bruto (PIB) ho'ataha 2 % ko 2009-pe.

Gobierno okopiapa ojapóva Hugo Chávez

Ndojekuaái sa'ieterei rupi oî creatividad-pa, térã ñañeha'ãvoínte jajoguave haguã sistema bolivariano, omyenondéva presidente venezolano Hugo Chávez. Ha katu pe añetéva gobierno Lugo okopia chugui umi logotipo ojeporúva kuatia ha documento oficialpe. Pe periódico onohêva Presidencia de la República ojoguaitereíntema umi diario Rafael Correa ohaiukáva Ecuadorpe, térã Evo Morales onohêva Boliviape. Mokõivéva ko'ãva oikóva Hugo Chávez rapykuéri

Paraguái ojerure jeýta “libre disposición” electricidad rehegua

Ndoguevimo'ãi Paraguái, ha mburuvicha Fernando Lugo omondóta ko pyhare táva guasu Brasilia-pe mbohapy ministro oñemongeta haguã “libre disposición” ha “precio justo” rehe, ojeruréva ñare retã Brasil-pe electricidad Itaipu rehe. Ohóta Hamed Franco (Relaciones Exteriores), Dionisio Borda (Hacienda) ha Efraín Alegre (MOPC), ha hendive kuéra Ricardo Canese (negociador) ha Sixto Amarilla (Ande pegua).

ABC remiandu

Avave omyî'ÿramo, polítiko kuéra ojukáta ñane democracia. Heta tapicha oiméva Gobierno-pe ha umi polítiko oguerekóva puesto oikohápe decisión, ko'ãva ome'ê argumento umi grupo social jerurépe, oipotáva toñemyengocia minisitro Suprema Corte pegua, fiscal generalpe, tojedisolve Congreso ha toñehenói convención constituyente pyahu. Ñande polítiko kuéra ndojapói ramo mba'eve térã ojapovaivai ramo, ndohechakuaái ramo tapicha rekotevê, ndohayhúi ramo hetã, mba'érepa ñanerasêta uperire umi masa social ikane'õ ha opu'ã ramo ojerure haguã, iporã térã ivaiháicha, pya'e toñemoambue paite opamba'e? Mba'érepa hasêta umi opytáva damnificado?

Nils Candia ombojoja “Calé”pe Calígulare

“Calé” Galaverna, Calígulaichaite haguã, hemby chupe tomohenda ikavaju senador ramo. Péicha he'i Nils Candia Ginni, kóva Partido Revolucionario Febrerista myakãha, ñemongeta “Calé” Galaverna.

Oje'e ojeporuvaiha pirapire mitãtyre'ÿ mba'e

Umi mit tyre'ÿ opytáva'ekue Ykua Bolaños rire rérape ñande oime ojeporu heta pirapire. Ary 2008, pe Secretaría de la Niñez y la Adolescencia (SNNA), oiméva omyakã ministra Liz Torres, ombohasa heta pirapire peteî ONG omba'apóva salud mental-pe, ha katu pe viru oho Comisión de Huérfanos del Ykua Bolaños. Ha hetave plata oñemondo útil escola jejoguarã ha colonia de vacaciónpe.

Ndosói umi asalto táva guasúpe

Michîve rangue oiko ko'ã mba'evai ñande táva Paraguaýpe, hetave uvei ohóvo ára ha ára. Kuehe ojekuaa, barrio Bernardino Caballero-pe, peteî familia ojeasalta hague hóga renonde.

Ñe'ênga

Ivai che sueño, he'i kure ohechárõ iképe chicharõ.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

60.126

627.612
Ayer

67.744

672.716
Ultima actualizacion:
25/01/2009 00:00:00