abc Google  
Marandú

ABC remiandu

"Hesakãporãháicha pe ñande jerovia, ijusto ñande jerure”. Mbykyetemi, péicha mburuvicha Fernando Lugo he'i oñandúva opavave tavaygua he'ívo Brasílpe ijerure Itaipú rehegua. Ñandéve oguahê péichama pe injusticia Itaipú rehegua, ha katu ko'ágã jajerure va'erã opáichavo ha ikatuháicha upe derecho ñane retã mba'eteéva. Taha'e Fernando Lugo gobierno térã ambue oúva uperire, taha'e ideología térã partido ha'éva, opávave orairõ va'erã oguahê peve recuperación ñanemba'e rehegua, pe imperialismo brasilero pópe ho'a va'ekue, umi corrupto ha traidor ko'apegua ñemoirû rupi.

Peteî Tratado leonino ofirmáva'ekue mokõi dictador ndaikatúi ñamoneîve

Fernando Lugo he'i kuehe, táva Belem do Pará-pe péicha: “Che ha'e angirû ha mburuvicha Lula ndaikatuiha naorerendúi ha orerejarei. Pe Itaipú niko oréve guarã pe petróleo. Ha katu oréve guara peteî Tratado leonino oñefirmava'ekue dictadura aja, naiporãi ñamoneî gueteri jaikóvo ko'ágã peve”. Ndaikatúi noñehendúi ñane reivindicación pe precio justo rehegua Itaipúpé; Paraguái oikotevê pe libre disponibilidad upe ñande energía rehe, ojerure avei Lugo. Opakuévo, mburuvicha guasu he'i “Paraguái oconquista jevy va'erã pe idignidad. Ko tembiapo oñepyrûma ko'agã”.

Paraguái omomarã pe compensación oikuaveêva Brasil

Péva ojeikuaa kuehe. Karai canciller Alejandro Hamed Franco omombe'u ñane gobierno omomarãha pe compensación oikuave'êva'ekue ñande socio pe hidroeléctrica Itaipú-pe.Pe 2,7 dólar-gui, Brasil omobohasase 10,8 dólar por megavatio/hora pe ñane energía repy ohóva chupekuéra.

Museo del Fútbol Sudamericano oî ko'ápe

Ange pyhare oñeinaugura pe ipyahuetéva Centro de Convenciones y Museo del Fútbol Sudamericano. Táva Luqque-pe. Heta karai guasu ijaty upépe, ijapytpepe kuéra oî João Havelange, Nicolás Leoz, Joseph Blatter, Federico Franco, Eugenio Figueredo, ha heta ambue mburuvicha.

Oje'e oîha corrupción Defensoría del Pueblo-pe

Péicha ojekuaa kuehe Coordinadora de Víctimas de la Dictadura Stronista rupive. Omombe'u oñemongu'eha hekope'ÿ umi jerure ojejapóva indemnización rehegua.

Borda oipota Congreso omoirû crisis ñembohováipe

Ministro Dionisio Borda omobe'u pe medida gubernamental oguerekoha mbohapy vorépe, oñembohovái haguã pe crisis vai. Ha ojerure toî ñe'êpeteî Congreso ndíve ipya'e haguã pe “plan anticrisis” ñehesa'yijo.

Lugo omobe'u oguataseha socialismo gotyo

Ñande ruvicha guasu he'i kuehe Paraguáipe ho'a hague derrotado umi conservador, umi organización social pyapy rupi. Fernando Lugo omombe'u táva Belem (Brasil)-pe ko'ã aty ojepytasoha hendive gobiérnope omopu'ã haguã pe socialismo.

Estado omopokãseve pe mboriahu apî

Sa'ietevépe ohejase pe mboriahu apî, tesãi rehe ñangareko omoguahêse hetaitevépe, umi servicio básico oguerehase tetãpýre ha oguenohêse 5.000 mitã guatahágui. Koã mba'e ohai Gabinete Social, peteî ñemongeta aja tembiaporãre táva Cerrito (Chaco)-pe. Péicha omombe'u Miguel López Perito ha karai katupyry colombiano José Enrique Vargas

Ojejuhu irundy yvykya oñemokañy haguã tapicha

Umi Tropa especial ojuhu ka'aguýpe irundy yvykya ikatuha ojeguereko tapicha kañyhápe. Péva oiko táva Tavuatîme, San Pedro departamento, omobe'uháicha Roque González Vera. Umi irundy yvykua ojejuhu kaáguy mbytépe, asentamiento Planta 1, Tacuatí jerére.

Ñe'ênga

Ikaigueve tahachi cumpleáñogui.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

128.492

989.154
Ayer

148.123

1.061.187
Ultima actualizacion:
30/01/2009 00:00:00