Domingo, 12 de Abril de 2009

Efeméride :

+ Ver Más
YEN

Compra:G. 48 /Venta:G. 50

+ Más cotizaciones
Temperatura Actual:

(
N.
.

+ Más información

Ñane Gobierno pópe oime tetãygua jerovia. Opavave tapicha ñanetetãygua (Latinoamérika tuichakue avei) oikuaa porã mba'épa he'ise jeikovejey jerovia rupive. Upéva he'ise pe resurrección mandu'aha ko árape. Ko arýpe katu, hetaiterei ára rire, Paraguái ohupyty ko Pascua de Resurrección peteî gobierno pyahu (ndaha'éiva kolo'o) reheve, iñambuéva ndaha'éi ipoyvípe año, avei umi mburuvicha pyahu ome'ê iñe'ê omombaretetaha moral pública, ohechuka haguã tuicha ambue umi mondaha 60 ary ohasava'ekuégui. Lugo ha iñirunguéra pópe péina oime ho'ágã compromiso guasu ndaipórimo'ãiha guevi térã jevy; umi mondaha ogueraha va'ekue ñane retã ndohupytymo'ãveimataha pu'aka ñane retãme.

Ojejavyky ndaje licitación 5 millón dólar rehegua

Pe Agencia de Estados Unidos para el Desarrollo Internacional, USAID ramo ojekuaáva, ojopói kuri 5,3 millón dólar aipo oñemodernisa haguã base de dato pe Departamento de Identificaciones rehegua. Upépeve iporãmbaite. Ha katu péva ojeporúta mba'aporã información sensible rehe, umi servicio de inteligencia ohecharamoitéva. Péina ojekuaa upe pirapire nohasaihague Hacienda rupo, léi ojerureháicha, ha herakuã ojejavyky hague licitación rehe ogana haguã peteî compañía upe tetãygua.

Iporãite ñande Táva Paraguay

Ojapoporãite ñande rehe jaguata ha jahechávo ñande Ñande Táva Guasu, ko'ã arete guasu aja, py'aguapýpe. Ambue ára ndajahechái váicha hetave umi mba'eporã iñasãiva guataháre, ohechuka háicha Parque Caballero yke ha ambue henda rupi. Ndahetái táva guasu yvy ape ári ojehecha péicha naturaleza jeguata ojehe'áva óga yvate rehe. Oúva ñane retãme péva ohechakuaa ha oikuaa porã.

Umi abogado he'i Lugo-ha aipo mitãru

Umi mokõi kavogado, Walter Acosta ha Claudio Kostinchok, olitigáta ohechuka haguã aipo ñande ruvicha guasu-ha peteî mitãru. Ha pe kuña mitãsy ramo osêva ofirma upe demanda. Péicha he'i mokõive. “Ore pu'akáta hesekuéra, oimehápe, ha ndorokyhyjéi mba'eveíchagua demándagui”, he'i Kostinchok.

Heta mba'e herakuã San Pedro-pe

Táva Chore (San Pedro departamento) guive, Sergio Escobar Rober omombe'u mba'épa he'i tapicha kuéra uperupigua ko ojehúva rehe. Oñemombe'u ñepytû guive mitã Viviana Carrillo Cañete (26) rehegua, herakuã hetamba'e, ha katu avave nde'iséi mba'eve hova omoîtaramo.

Viviana ha'e peteî kuña letrada

Umi pariente ha Viviana amigo kuéra katu he'i hasyha oñañe'ê haguã ko mba'ere. Omombe'u hikuái aréma ojapoha oho hague pe kuña upégui, ha sa'i hague omombe'u ojapóva rehe hekovégui. Avei he'i hese hikuái “Vivi” ha'eha peteî kuña kirirî y “astuta”, ha hasyha oñeguenohê chugui he'ise'ÿva.

Hetakuã Nicanor omongu'eha pe denuncia

Pe denuncia oñemopu'ã presidente Fernando Lugo rehe, he'i haguã imba'eha peteî mitã, ndajeko oguereko aipo “trasfondo político”. Néstor Stellato Mojoli (kóva apoderado general PLRA rehegua) he'i umi mokõi avogado ha'e hague Nicanor Duarte Frutos apoderado Itapúa departamento-pe.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	71.478	852.532
Ayer	69.494	943.429
Ultima actualizacion:
12/04/2009 00:00:00

Domingo, 12 de Abril de 2009

YEN

ABC remiandu