abc Google  
Marandú

ABC remiandu

Tekotevê ipyahu jevy umi funcionario público rembiapo. Opa ramo pe dominación ha'eñoite oguereko va'ekue ñane retãme Partido Colorado, 60 ary opukukue, oiporu rupive funcionario público kuérape. Ombyai, omokangy ha oiporu chupekuéra. Tenonderã, umi mburuvicha kolo'o oipe'a umi ndaha'éica guive kolo'o, ha pya'e oipe'apa; upekuévo oñepyrû ojerure afiliación. Péicha, Partido Colorado-gui oiko aty prebendario ha clientelista tuicháva, ha umi stronista oguerovy'ámi hetáre oî afiliado kolo'o. Pya'ete, pe administración pública-gui mba'e tuicha, pohýi ha ha ikarúva, ha karu sa'i ha mbeguéva oku'e. Peteî carrera umi empleado público-pe guarã rupive, oike'ÿhápe partido, ikatu vokoieténte jareko heta profesional pyahu ñane retã oficina kuérape.

Petropar deveha tuicha opo Lugo ojupi rire

Yma 31 de julio ary 2008-pe, ojupita jave ko'ágãgua gobierno, Petropar odeve raka'e 112,5 millón dólar, ha pévagui 21,7 millón PDVSA-pe.Ko'ágã odevéma 413 millón dólar (jasykõi peve). Porundy (9) jasy rire, Petróleos de Venezuela-pe ko'ágã ñame'ê va'erã 317 millón dólar, he pévagui 295 millónes oiméva vencido ha oîma hese interés 18 por ciento.

“Empresario” ho'a droga reve Italia-pe

Arturo Luglietto, peteî italiano ombosako'íva kuri ho'ápe heta aty vy'arã, ho'a detenido táva Nápoles-pe 250 kilo cocaína oñemokañýva samu’û mata ryepýpe, oje'e ogueraha hague Paraguaágui. Ogueraha gua'u aipo “planta tropical” omoinge haguã droga hetãme. Luglietto oguer va'ekue heta artista, Eros Ramazzotti, Juan Gabriel ha Bronco umíva. Nda'aréi, ojejuhu kuri Angel Barchini oiporúva ra'e oikóvo peteî Mercedes-Benz Luglietto mba'éva.

Oñekuave'ê heta cargo oî haguã ñe'êpeteî

Pe bancada chovy myakãha Senado-pe, Ramón Gómez Verlangieri, omombe'u kuehe oñemongetaha hikuái ambue aty-pegua kuéra ndíve ohekávo ñe'êpeteî. Oje'e pevarã oñekuave'êha mesa directiva pyahu rehegua ha avei ambue cargo, Contraloría, Defensoría del Pueblo, Fiscalía, TSJE ha Poder Judicial umíva rehegua.

Contraloría ha Fiscalía, mayoría rehe

Ñane gobierno oikuave'ê Contraloría General de la República ha Fiscalía General del Estado, opyta ramo chupe Congreso ñesaimyhy ha ohupyty haguã mayoría Parlamento-pe. Ñemongeta oñepyrûma Castiglioni ha Patria Querida rehegua kuérandíve, ha avei umi partido michîvéva ndíve.

Oúvo Montanaro, ipiro'ymi Lugo

Oguahêvo ministrokue Sabino Augusto Montanaro tetã Honduras-gui, mburuvicha guasu Fernando Lugo, ha'ete vaicha oñeha'ãvo oiko tesarái umi ñe'ê ta'ýra ha hese isarambíva, péina ko'ágã oñemo aguî umi víctima oheja va'ekue dictadura rehe. Oñemongeta hendive kuéra ha he'i ojepe'ataha umi mba'e hepy malhabido omonda va'ekuégui.

Honduras nomomarandúi oútahague Montanaro

Paraguái oporandúta Honduras-pe mba'érepa nomomarandúi chupe oútahague Stroessner ministro del Interior-kue Sabino A. Montanaro. Canciller Héctor Lacognata ohai kuatia ha omoguahêuka chupe.

Oime polítiko ojokoséva tembiapo ñemohesakã, he'i Mateo

Oime polítiko ojokoséva tembiapo ñemohesakã
Karai director paraguayo Itaipú pegua, Carlos Mateo Balmelli, he'i kuehe oimeha ñane retãme heta ikyrÿietereíva ha ojokoséva tembiapo potî Itaipu Binacional-pe. Ha'ete ku ndoipotáiva oñemohesakã tembaipo, he'i imandu'ávo demanda hese oñemoîva ha pe interpelación oikóta koarapo (jueves) 7 oúvape, Cáma de Diputados-pe.

Lacognata ojerure Brasil-pe “precio justo”

Karai canciller, Héctor Lacognata, oñepyrûvo hembiapo, ojerure kuehe Brasil-pe “precio justo” ha “libre disponibilidad” upe ñande electricidad osêva Itaipúgui rehe. Ing. Ricardo Canese he'i háicha, omombe'u avei ñane retã ndoipotaiha oñembotapykue ha oñembopuku upe euda Itaipú. Ko arapoteî oúvape jaikuaáta mba'épa oikuave'ê mburuvicha Lugo-pe karai Lula.

Senado ohejase impuesto a la renta personal ary 2110-pe guarã

Ko arapo (jueves) oúvpe, Cámara de Senadores oñemongetáta pe impuesto a la renta personal (IRP) rehe. Hetave váicha oime umi parlamentario (kolo'o ha oviedista kuera oñondive) ohejaséva IRP ary 2010-pe guarã. Gobierno ndoipotavéima péicha ojejapo jevy.

Opavave tavaygua ojoko va'erã mba'asy oúva

Karai viceministro de Salud, Edgar Giménez, ojerure kuehe mayva tavavaygua toñeha'ã ikatu haguéicha omoirû ikatu haguã ñahenonde'a pe mba'asy hérava influenza H1.

Ndohomoavéi político Embajada ha Consulado-pe

Oñe'ê ñepyrûvo canciller pyahu Héctor Lacognata umi funcionario Ministerio de Relaciones Exteriores-gua ndíve, he'i chupekuéra opátamaha nombramiento político Embajada, Consulado ha ambue misión háre. Tenonderã, oñemoneîta escalafón diplomático ha ováta ohóvo funcionario kuéra.

Oñeporandu moõpa oime umi 400 desaparecido

Seminario Metropolitano guive oho kuehe manifestación Hospital de Policia ha Embajada EE.UU. ypý peve ojerurévo toime castigo umi tortura ha jejukaita ymave oiko va'ekue rehe. Umi tapicha ijaty va'ekue oipota umi mba'evai apohare omombe'u moõpa oime umi 400 desaparecido. Movimiento Campesino Paraguayo (MCP)-ygua katu omombe'u oimeha aty chokokue oike oga guasu Stroessner mba'ekue oiméva táva Mbujapeýpe.

Omba'apo va'erã 8 aravo pukukue umi empleado público

Péicha ojehai Ley de la Función Pública-pe ha péicha omombe'u kuehe ministra de la Función Pública, Lilian Soto. Ko'ágã peve, heta entidad pública omomarã gueteri pe léi he'íva.

Ñe'ênga

Juru he'ê ha ñe'êngatúgui rejere va'erã mombyry.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

123.631

1.612.388
Ayer

71.085

938.603
Ultima actualizacion:
05/05/2009 00:00:00