abc Google  
Marandú

Omoherakuã firma mitãrusukuéra omba'apo haguã

Representante Cámara de Diputado, Ministerio de Justicia y Trabajo (MJT) ha Viceministerio de la Juventud ofirmáta hikuái convenio de cooperación ohekáva omopyenda condición legal ha jurídica empleo juvenil rehe, omoañete marandu oñemoherakuãva ko árape Cámara Baja-pe.
(Lea en Español)

Oñemotenonde Roland Garros-pe argentina-gua

Juan Monaco, Juan Martín Del Potro ha Máximo González, ha'e umi argentino oñemotenondéva mokõiha Roland Garros jerépe.Ecuatoriano Nicolás Lapentti oñembotapykue Novak Djokovic orekógui lesión. Emoñe'ê umi resultado torneo Roland Garros, Grand Slam mokõiha jerépe.
(Lea en Español)

Lula oha'ãrõ oike Venezuela Merkosur-pe

Presidente Brasil-gua, Luiz Lula da Silva, omoañete ko árape iñirû Hugo Chávez oha'ãrõha oike Venezuela Merkosur-pe omonéîva Senado brasileño-pe oasyporundy mboyve.
(Lea en Español)

Lucero oguerovia oike jeýtaha supeclásico-pe

Ojehechávo peteî receso orekohágue Torneo Apertura oñeha'ãvo arapokõindýpe, upéva partido Eliminatoria rehe, Juan Manuel Lucero oguerovia ikatútaha oha'ã jey Olimpia ombohováivo Cerro Porteño-pe, 14 jasypoteî oúvape. Ko atacante franjeado oñelesiona Rubio Ñu rovái.
(Lea en español)

Pira mba'apohára aty odenunsia oñeñembosaráiha hesekuéra umi guardia privado estancia-gua

Ko'ã pescador-kuéra odenunsia guardia privado-kuéra estancia Yvyku'igua. “Estancia-pe, orembyepoti látigo ha mbokápe, oreatropella kavaúpe, ha oresu'u jagua. Roguereko prueba, ta'anga umi lesión rohupytýva”, he'i umi afectado-kuéra.
(Lea en español)

Kuña Paraguáigui oipe'a hikuái chugui irundy mitã EE.UU-pe

SALTO DEL GUAIRA (Rosendo Duarte, Corresponsal). Sally Villalba, peteî paraguaya heñóiva ko táva guasúpe, ojeipe'a chugui imemby irundy michîvéva ha oapresa ichupe umi policía Estados Unidos-gua. Ohasáma po ára ndikatúi oñe'ê avave ndive. Ha'e ndorekói recurso opaga haguã fianza ni ombohovái haguã juicio ogueru jey haguã ita'ýragui ha oime pytyvõme, oikuaauka ko kuañakarai.
(Lea en español)

Pablo Rojas oha'ã ha oñemotenonde Libertadores-pe

Pablo Rojas, peteî representante paraguayo Copa Libertadores 2008 futsal FIFA-pe, ombotapykue ko árape 2 a 1 Independiente Argentina-pe oha'ãvo Grupo A ndive.Péicha ko aty oñeha'ã Arena Jaraguápe, tavaguasu brasileña Jaragua do Sul, estado Santa Catarina-pe. Upéi oha'ãta Coronel Escurra ndive.
(Lea en Español)

México ohaíma 85 omanóva gripe A rehe

Papapy omanóma México gotyo péva gripe porcina rehe ojupíma 83 a 85 rupi, ha umi oñeinfectáva oguahêmaa 4.721 rupi, péicha oikuaauka araapýpe momarandu secretaría de Salud. “Kuehe arakõime(lunes) pyhare oñemoañete 4.806 káso influenza A H1N1 tetãme, ko'ãva 85 omanóma”, omoñaete.
(Lea en español)

Omondo Congreso-pe imba'ejerúre omonéîvo crédito BM

Gobierno omondo ko ára Congreso-pe imba'ejerúre omonéîvo crédito 100 millones de dólares ome'êva Banco Mundial. (BM). Ko pirapirépe Ejecutivo oñeha'ã ofinansia plan anticrisis. Ministerio de Hacienda he'i paralelamente oñeplantea ampliación omohendávo ko'ã fondo presupuesto.
(Lea en español)

Oheka gueteri mokõi operario ho'áva silo-pe

Peteî ekípo de rescate Cuerpo de Bomberos-gua oiko gueteri oheka mokõi operario firma LDC ho'áva peteî silo-pe Ko'ã mba'apohára miles de kilo de soha ho'a hi'ári. Ko'ã kuimb'ae ho'a upe tendápe oñembyatyhápe soha ra'ÿi peteî accidente rire. Mokõi retekue oñeguenohêma ko ka'arúpe.
(Lea en español)

Oapresa hikuái peteî mbo'ehára he'ígui bomba oîha Palacio de Justicia-pe

Mbo'ehára peteî General Resquín-gua, Mario Luis Fariña 33 ary, ojeapresa Policía Antisecuestro presunta participación mokõi oñehenóiva japúpe explosivo Poder Judicial de Asunción.
(Lea en español)

Roberto Carlos ikatúta oha'ã jey fútbol brasileño

Lateral brasileño Roberto Carlos omonéî “contacto” omyakãva Fluminense, omoîhápe acuerdo opáichaguáva club carioca ekípo ojesarekóva hese, Fenerbahce turco. “Fluminense omoañete. Oîha contacto dirección ndive. Péicha posibilidad omotenondéva ambue ekípo Fluminense añete, japu ndaiporiva'erã”, he'i ex jugador Real Madrid, odeklarávo televisión ESPN Brasil-pe.
(Lea en español)

Oñepyrû XXI Aty guasu kuñanguéra Merkosur-gua ono'ôva

Oñepyrû ko ára guive XXI Reunión Especializada de la Mujer del Mercosur (REM) Paraguáipe. Omyakã aty paraguay ha Hernandarias-pe, oike convocatoria Ministras de la Mujer tetãnguéra Merkosurgua ha delegación Venezuela, Chile, Bolivia, Ecuador, Perú, Colombia ha México.
(Lea en español)

"Cuenta ndaha'éi chemba'e", he'i juez Andrés Casati

Juez Andrés Casati omoañete ko árape umi mokõi cuenta ojejuhúva banco Suiza gotyo ndha'éiha imba'e. He'i ituvakuéra mba'éha ha'e apoderado-ha, avi ijoyke'ykuéra. Fiscal Arnaldo Giuzzio omoañete ko árape omotenonde investigación magistrado-re oîgui supuesto enriquecimiento ilícito-pe.
(Lea en Español)

700 ñane retãygua ojerure kuatia oiko haguã Argentina-pe

Ary 200 oñepyrû guive, 280.000 paraguayo rúpima ojerure kuatia radicación permanente oguereko haguã Argentina-pe. Péva omombe'u karai embajador pe tetã remimbou Rafael Romá. Umíva apytégui, 143.000 oguerekóma kuatia. Péva ojehupity tembiapo “Plan Patria Grande” rupive, opátava ko 1 de junio oúvape. Oje'e 120.000 tapicha rupi nomoguahêmo'ãiha hu'ãme ijeheka. Pévare ikatu ojepysomive tembiapo. 700 tetãygua tupi oñemboja al día Consulado paraguái táva Buenos Aires-pe, ha upépe ndaipóri pu'aka ko'ágã.

"Iporã ne bienvenida”

Ivaitéma pe mba'e ñane retã ohechaukáva puente “San Ignacio de Loyola” akãme, Puerto Falcón-pe, ojeikévo Argentina-guívo. Pérupi heta tapicha ohasa Paraguái-pe. Pe “zona primaria” oje'eha, oimeha Aduana, Puertos, Migraciones ha ambue institución estatal, oime ivaivéntema. Ñatÿ haguãicha. Oimépa hesarái mba'e umi he'iva'ekue oñemyatyrõtaha ko'ã mba'e.

Ministro ndoikuáai Lugo remiandu agroquímico rehegua

“Ndaikuaái mba'épa he'i Poder Ejecutivo. Chéve nahesakãi gueteri Lugo remiandu. Upévare che nda'emo'ãi gueteri mba'eve”, he'i karai Enzo Cardozo, ministro de Agricultura y Ganadería, oñeporandúvo chupe mba'épa política oficial pe léi pyahu agroquímico jeporu rehegua ha avei Decreto 1937/09 rehe.

Venezuela ha Bolivia ovende uranio Irán-pe, he'i Israel

Táva guasu Jerusalén guive, agencia AFP ha avei EFE omombe'u Israel he'iha Venezuela ha Bolivia oipytyvõha Irán-pe omboguata haguã tembiapo programa nuclear rehegua, ome'êvo chupe uranio. Kuehe, Ministerio de Relaciones Exteriores Israel rehegua ohechuka kuatia pévaregua, he'ivo umi mokõi tetã omoirûha avei Irán-pe ani ohupity chupe tukumbo Naciones Unidad-gui ikatúva ou chupe.

Aduana nomomarandúi pirapire garantía cigarrillo rehe

Dirección Nacional de Aduanas nomomarandúi gueteri pe sistema de garantía rehe, ohasáva 1.400 millón guarani, oipyhy va'ekue opoi haguã cigarrillo atýra ojepe'a va'ekue jasykõi (febrero) ohasava'ekue-pe, Canindeyú departamento-pe. Heta ojeiko rire hapykuéri kuéra, ko'ágã mburuvicha he'i ko pyhareve ome'êtaha pe marandu.

ABC remiandu

Brasil nomyengoviakuaai ñane energía Itaipú-pegua. Edison Lobão (ministro de Energía Brasil-pegua), omomarãsévo Paraguái jerure Itaipú rehegua, he'i hetã oguerekoha ambue opción hidroeléctrica onohê haguã energía ivaratovéva. Péva japu ivaivéva, Lobão nde'ipái haguére añetegua. Ojekuaa Brasil-pe ndohupityvéima energía hidroeléctrica oguerekóva oñangarekopa haguã hekotevê ára ha ára hetavéva, ha umi ipyahúva ombosako'íva hepy ha mombyryve ohóvo umi táva guasu ojeporuvehágui. Péicha, Brasil ndoguerekói omyengovia haguã ñane energía Itaipú-pegua, hepykuépe avei. Amo hapópe, ta añeténa gua'u ra'e upe he'íva'ekue. Upéicha ramo, mba'égui nome'êi upe “libre disponibilidad” ikatu haguã Paraguái ovende pe energía ambue tetãnguérape, oiméva ohepyme'êporãseve Brasil-gui pe mba'e.

PLRA oñeha'ambaite omyakãsévo Senado

Omotenondéva bancada liberal Cámara de Senadores-pe, Ramón Gómez Verlangieri, omombe'u kuehe oimeha oñemogotáta hukuái opavave sector político-ndíve, oipotagui peteî PLRA-ygua oî Congreso renonde. He'i péva rupive ikatutaha ojehupity gobernabilidad, oñemoirû ahguã Fernando Lugo rembaipo. Chovykuéra oñemoîma ñe'êpeteîme Miguel Abdón Saguier oñemohenda haguã pe tendápe.

Comandante Cíbar Benítez nomomba'eguasúi Lino he'íva

"Ikatu ha'e he'i oúva chupe iñakãme”. Péicha he'i kuehe contralmirante Cíbar Benítez Cáceres, comandante Fuerzas Militares rehegua imandu'ávo Lino Oviedo rehe, oiméva kuri oñe'êvai Fuerzas Armadas rehe. Pe mburuvicha omombe'u oîha py'aguapy militar kuéra apytépe. Ha aipo 3.000 bala ryru kañy rehe katu he'i oñepytûha ñeporandu sumario rupive.

Lilian Samaniego-pe ohenõi Fiscalía Penal

Partido Colorado myakãha Lilian Samaniego oñehenõi oho haguã fiscal Alejo Vera Ojeda ha Sandra Quiñónez renonde omombe'u haguã, declaración testifical rupive, mba'épa oikua bomba ñemoî umi institución pública ha privada-háre, ñahendúva ojehúva oikóvo ñande Táva guasu-pe.

Consulado Foz de Yguazú-pe “okañy” heta pirapire

Cancillería nacional ojuhe noimbái pirapire Consulado Foz de Yguazú (Brasil)-pe, Nicanor Duarte Frutos gobierno aja. Péva omombe'u kuehe canciller Héctor Lacognata. Avei ndaje ofalta viru Embajada oîva Gran Bretaña ha Francia-pe.

Montanaro ikatúma osê de alta

Sabino Augusto Montanaro, oime va'ekue ministro del Interior ramo pe Alfredo Stroessner dictadura ramo, ikatu osêma de alta. Péicha ohai umi pohãnohára Pablo Lemir, José Nicolás Lezcano ha Juan Félix Bogado Gondra ha omomarandu Poder Jusdicial-pe kuehe peteî katia rupive.

Lugo nohendúi PLRA jerure

Lugo omboty ijapysa PLRA ojerurerõ chupe toipe'a Carlos Cardozo pe Yacyretá-gui. Péicha he'i kuehe Blas Llano. Upekuévo, nombotuichái oje'éva oposición rehe, aipo omoîha condicionamiento oñemboja haguã oñemongeta Gobierno-ndíve tetã rekotevê rehe, ko jasypoteî (junio) oúva oikévo.

EBY opaga suedo G. 118.000 millón 8 mese-pe

Pe Entidad Binacional Yacyretá (EBY) ombohogue G. 118.321 millón omoîvo salario ramo; péva ojehu ra'e poapy (8) mese ary 2008-pe. Péicha omombe'u Contraloría General de la República (CGR), kuatia ombosako'íva rupive. EBY-pe hembypa empleado, ha péina ko'ágã oî 2.000 funcionario ñane retã gótyo.

Mateo omo'ã ilícito, he'i Patria Querida

Pe bancada Partido Patria Querida (PQ) rehegua, Cámara de Diputados-pe, oñemoî diputada Olga Ferreira (PQ) ikére. Chupekuéra guarã, Itaipú myakãha ojaposénte tetêu rembiapo omo'ã haguã heta irregularidad hembiapópe.

Intendente kuéra ojerure pytyvõ Mburuvicha Guasu-pe

Karai intendente kuéra oguahêva 200 municipio.gui tetã tuichakue rupigua, oñembuyaty kuehe mburuvicha Fernando Lugo-ndíve he¿i haguã chupe “tekotevêtereíha” oñembopukuve un añomi mandato oguerekóva hikuái Municipalidad kuéra renonde. Pévarã oñe'ê hikuái oîha motivo político, social ha económico. He'i avei hikuái Léi 246/04 (oñe'êva pe plazo 4 ary rehe) oimeha “inconstitucional”.

Oho avei Vicepresidente rendápe

Umi intendente ha concejal municipal, heta departamento-gua, oguahê avei kuehe karai vicepresidente de la República, Federico Franco, rendápe oipotágui umi parlamentario omboyke pe Léi 2460, he'íva pe mandato munícipal ipukutaha ko'ágã 4 arýnte, ojepyso rangue 5.

Omoñepyrû va'ekue “viagra” oñemoñe'ê ange pyhare

Umi célula oñecomunica oñondive, ha pe óxido nítrico rupive péva oiko. Pévara tuicha mba'e pe iporu ha ikatúva ojejapo péva rupive. Péuicha omombe'u Dr. Ferid Murad. Kóva ohuíty Premio Nobel Medicina rehegua ary 1998-pe, ha ange pyhare oñe'ê Hotel Villa Morra Suites-pe. Omombe'uvo ikuaapy.

Ñe'ênga

Ipukuve haragan pyapêgui.

Albirrojo omotenonde tembiapo hete ombokatupyrývo

Poapy jugador selección paraguaya de fútbol-gua, oentrena ko árape upe Centro de Entrenamiento Deportivo y Educativo (CARDE) Ypanéme, oguahêvo Eliminatoria Sudamericana Mundial Sudáfrica 2010-pe oha'ãtáva. Ombosako'ívo nivel físico, ombokatupyrývo preparador físico Elvio Paolorosso ha asistente técnico Jorge Pautasso.
(Lea en Español)

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

127.851

1.322.035
Ayer

119.450

1.252.027
Ultima actualizacion:
26/05/2009 00:00:00