abc Google  
Marandú

Ojuhu aviõ rembýre ha'éva pe AF 447 ha umi mba'e oîva ipype

Umi Marina brasileña oytahára ojuhu ko árape umi mba'e oîva aviõme ha'év umi ekipahe oîha Air France ho'ava'ekue parápe 228 persona omoîva a bordo, oiméva yvóra víctima rehe, he'íva portavoz militar.
(Lea en Español)

Oñekandidata peteî paraguaya omyakã haguã Instituto Social Merkosur

Mburuvichakuéra área social Merkosur omonéî ko árape ha omondo Consejo del Mercado Común (CMC) kandidatura socióloga paraguaya María Magdalena Rivarola oisãmyhyséva Instituto Social ko aty, oiméva Argentina, Brasil, Paraguay ha Uruguay. Péicha candidatura, oikéta umi mburuvichakuéra Mercosur omyakãva upe cumbre 4 jasypokõime tavaguasu Paraguaýpe, omonéîva XVI Reunión Ministros y Autoridades de Desarrollo Social.
(Lea en Español)

"Libertad ndaha'éi oha'ã porãva" he'i Ramirez

"Tigre" Ramírez ombohovái torneo paraguayo, Cerro Porteño ñeha'ãre. He'i escolta, Libertad, "ndaha'éi oha'ã porãva", jepénte oreko peteî plantel ifrondosovéva. "Libertad oha'ã porãve ko plantel-pe, pero ndaha'éi pe ekípo oî porãvéva" omoañete delantero azulgrana.
(Lea en Español)

Fiscalía Boquerón oheka paraguayo isãsõva Bolivia-pe

FILADELFIA, Chaco (Marvin Duerksen, corresponsal). Fiscalía Boquerón, pyhareve omoñepyrû peteî operativo ohekáva Roberto Sosa, paraguayo oapresáva kuri umi militar Bolivia-gua peteî operativo Paraguáipe, kóva violación ojapóva soberanía territorial. Sosa oñembohasa Mariscal Estigarribia gotyo, ko'ápe omosãsõ uniformado boliviano-kuéra, he'i fiscal Alan Schaerer.
(Lea en Español)

Oime gueteri internado Clinicas-pe peteî paciente orekóva Gripe A (H1N1)

Pohanohára Clínica tasyopegua oime internado peteî paciente orekóva gripe A (H1N1) omoañete kuehe. Karai oúva Itapúagui naha'éi iporãmbáva “complicado” péva orekógui neumonía severa, he'i hikuái.
(Lea en Español)

Henry Lapczyk he'i noropensái rogana péicha, oñeme'êháicha

Arquero Sportivo Luqueño, Henry Lapczyk omoañete ko árape plan goleada auriazul Olimpia, kóva omoñaete ange pyhare 4 a 1. Péicha avei, oguerovia ko'ã plantel, oñorãirõtaha Torneo Clausura.
(Lea en Español)

Ministro Efraín Alegre oime Sepul, Corea del Sur-pe

Ministro de Obras Públicas y Comunicaciones, Efraín Alegre, oime tavaguasu ciudad de Seúl, Corea del Sur gotyo, oimehína “Cumbre Mundial de Información y Comunicaciones" oñepyrûva 14 jasypoteî ha ojeipysóva 21 ára oúva peve, he'i ko arapokõindýpe oficina de comunicaciones secretaría de Estado-gua. Omiyengovia viceministro de Administración y Finanzas, Juan Félix Bogado Tatter, ko'ágã.
(Lea en Español)

Italia ho'a Egipto rovái ha omoapañuãi hekove

Campeón mundial Italia ho'a 1-0 kóva bicampeón africano Egipto, ko ka'arúpe Johannesburgo renondépe, oha'ãvo partido mokõiha jornada grupo B Copa de las Confederaciones, omoapañuãiva ichupe ha iñemohenda semifinal Sudáfrica-pe.
(Lea en Español)

Paola Ferrari omombaretevéta club peruano

Paraguaya Paola Ferrari, ko'ã ára oha'ãvo básquetbol español, ha'e peteî omombaretéva club peruano Regatas Lima oha'ãvo Campeonato Sudamericano Clubes femenino Quito (Ecuador) kóva 13 guive 18 jasypokõi meve, péicha he'i encestadora katupyry.
(Lea en Español)

Ojerúre mburuvichakuéra Brasil-gua oipytyvõ comercio fronterizo

Tendota Dirección de Comercio Exterior Ministerio de Relaciones Exteriores, Raúl Cano Ricciardi, ojeruréva mburuvichakuéra Brasil-gua oipytyvõva comercio fronterizo kóva puente internacional de La Amistad gotyo, omomarandu mba'apohára secretaría de Estado-gua.
(Lea en Español)

Oñemomýima partido politico Fernando Lugo

Ohasávo arateî 14, peteî aty ojejapóva gobernador San Pedro, José “Pakova” Ledesma rógape, ko'ápe oñemoheñói peteï comisión provisoria omoheñóiva partido político presidente Lugo. @ @ Oime mhikuái operador choguykuéra, agitador, “sintecho”-gua ha umi “sintierra” kóva omokyre'ÿ Nicanor Duarte Frutos. @ @ Coordinador tetã pukukue ha'e superministro Miguel Angel López Perito, ojekuaaháicha oreko adisposición US$ 600 millones ha'éva Plan Nacional de Soberanía y Seguridad Alimentaria.

Clinica omoî peteî koty umi gripe orekóvape guarã

Mburuvichakuéra Hospital de Clínicas-gua oipe'a hokê ko árape orekóvo peteï sala ombosako'íva paciente-kuérape guarã kóva gripe estacional tipo H1N1. Ko intención omokyre'ÿva ñangareko ha omoha'eño haguã umi hasýva upe tasyópe, ani haguã ova ambue tapicháre, he'i hikuái.
(Lea en Español)

Cancillería Nacional oikuaauka ko pyharépe ojepóitaha paraguayo oîva preso-pe

Cancillería Nacional omoherakuã pyhare, ñane compatriota Roberto Sosa, oapresáva umi efectivo policial boliviano péva oikévo ilegal ñande yvy paraguáipe ha oñembohasa Bolivia gotyo, oñeentregáta mbuyuruvichakuéra República del Paraguáipe ágã 22:00 aravo jave, péicha oñemoherakuã oficialmente.

Ombohetáve presupuesto gobernación ha TSJE

Cámara de Diputados omonéî ko árape mokõi proyecto de léi. Péva iniciativa omotenondéva ampliación presupuestaria umi departamento-kuéra ha Tribunal Superior de Justicia Electoral (TSJE). Ko'ã propuesta oike léi ramo ha péicha ko'ágã oñembohasa Poder Ejecutivo-pe iveto térã promulgación-pe guarã.
(Lea en Español)

FIFA ombotove jey video ohechávo umi ñeha'ã ndoguerovaipáiva

FIFA omvotove oiporúva vídeo oime haguã decisión dudosa ha complicada oiméva fútbol ñeha'ãme, ha omoañetéva presidente, Joseph Blatter. Ko tendota fútbol mundial he'íva oñeporandúvo gol ome'êva Brasil-pe oñemotenondévo Egipto rehe 4-3 arakõi ohasáva Bloemfontein-pe.
(Lea en Español)

Preskripción proceso Gustavo Stroessner oñembotove

Juez de liquidación ha sentencia Arnaldo Fleitas ombotove pedido de prescripción proceso abierto oñemotenondéva ex dictador Alfredo Stroessner, Gustavo Stroessner Mora, estafa Estado rehe. Ko mba'ejerúre ojapo fiscal José Ovelar.

Estado omokyre'ÿ acción civil

Fiscal José Carlos Ovelar he'i ore kuatiahaipyrépe Estado, Procuraduría General ha Fiscalía General rupive, oreko potestad omokyre'ÿvo bienes malhabidos.

ABC REMIANDU

Merkosur oñapymi ohóvo, kóva ndaha'evéima peteî secreto avavépe. Kóva añete. Umi gobierno de turno tetãnguéra oikeha (Brasil, Argentina, Paraguái ha Uruguái) ojokóva yvytu hatãicha ombojeroviávo ha'éha peteî organismo regional añetehápe omoañete cometido fundamental, kóva omosãsõ comercio (gravamen cero) bienes ha servicios, omboguévo umi mba'e ohapejokóva ha orekóva restricción ohapejokóvo negocio ikatúva oiko ha umi ñeikuave'ê mba'erepy tentanguéra oîva ndive.

Jurado omokyre'ÿ fiscala Riveros-pe

Jurado de Enjuiciamiento de Magistrados ombohape oficio fiscala Viviana Riveros Ayala, orekóva antecedente ramo peteî denuncia Santiago Jure, omyakãva abogado Arturo Daniel, kóva agente Ministerio Público. Péva ijyképe participación ha obstrucción justicia rehe, kóva causa penal oipe'áva Alejandro Ferres Blanco ha Rubén Tome Levy, supuesta apropiación, estafa ha lesión jeroviáre.

Junta Municipal oguahê peteî ñe'ême odelimita haguã gigantografía ha arko

Comisión de Legislación Junta Municipal de Asunción omonéî kuehe gigantografía ha pórtico ñemohenda tavaygua rembe'ýre ha ojoajuhápe ambue tavapýre ani haguã oî apañuãi Lambaré ndive oikohaguéicha, oñemoñe'ê opintava'erã umi columna pytã ha morotî.

Pe ojejaposéva he'i hikuái hekope'ÿmeha

Oñeporandúvo propuesta ojapóva, Arq. Jorge Rubiani, urbanista ha ex concejal asunceno, he'ívo oñemoñe'êha “absurda”, kóva ojoajuhápe oîgui a disposición legal oñemoherakuãva, he'iháicha.

Mokõi káso gripe H1

Ministerio de Salud omoañete mok5i káso pyahu influenza AH1N1, kóva ojupíma 27 kásope. Peteî hasyete ko'ágã ha oime Clínica-pe.

Enfermera oñepyrû huelga Clínica-pe

Sindicato de Enfermeras y Personal de Salud Hospital de Clínicas-gua (SIDEHC) omoñepyrûta huelga ojerurévo oñemoañete haguã acuerdo omopyendáva mburuvichakuéra Facultad de Ciencias Médica-gua, jasypo oñepyrûvo.

Ministro ohai peteï plan desempleo rehe

Ministro de Justicia y Trabajo, Humberto Blasco, oikuaauka desempleo ha subempleo ndahetamo'ãi ñane retãme péva ñaimégui tekotevême, kóva oñemantene ha opáichagua empresa ha industria-kuéra. Secretario de Estado ha iñirûnguéra homólogo Mercosur-gua ohai kuehe Ginebra, Suiza-pe, peteî acuerdo oñangareko haguã empleo ko'ã jérere oîgui crisis financiera internacional.

Ojehupyty 19.000 mitãmíme oñembokuatia

Ministerio de Justicia y Trabajo (MJT) oikuaauka campaña de registro masivo ojejapóva Registro Civil de las Personas rupive. Ha'éva 19.000 mitã documentado opáite tendáre jasy ohasávape.

Ome'ê hikuái hi'upyrã ha aoaku avakuérape

Vívere ha abrigo, oñembyatýva temimbo'e mitãkuña ha mitãkuña'i colegio nacional Comercio N° 1-gua, oguahêva indígenaohasáma peteî jasy plása Uruguaya táva Paraguaýpe oimehápe temimbo'e ha mbo'eharakuéra.

Fernando Pistilli ofrima haeta convenio Mexico gotyo

Sambyhyhára Cultura Municipalidad de Asunción-gua, Fernando Pistilli, oúma kuñakarai intendenta Evanhy de Gallegos ndive México-gui oime upépe hikuái ha oñomongeta umi mburuvicha Puebla-gua ndive, haihára, editor-kuéra ndive ha avei ko árape oiméta hikuái edición Libroferia Asunción ñemoherakuãme.

Ko árape oipe'a hokê Libroferia Asunción

Péicha umi expositor kuehe omba'apo mbarete hikuái omohendávo umi aranduka umi stands-pe, ohechávo hi'aguîha XV Libroferia Internacional Asunción 2009.

Tajy ra'ÿ ome'êta ABC Color, kuatiahaipyre ndive

Ñande diario ome'êta ko'êrõ, peteî ejemplar ndive, tajy ra'ÿi (lapacho). Kóva ojegueromandu'ávo "Yvyramáta ára" oipytyvõvo pe oñemoherakuãva “A todo pulmón, Paraguay respira”. Ko'êrõ ojehecha umi acto conmemorativo, oñeñotÿvo yvyramáta'i hha oñeme'êta plantín.

Foro Tekombo'e Socioambiental

Ko'êrõ oñemotenondéta Foro Nacional de Educación Socioambiental kóva Cambio Climático rehe, oñembohéra “Educar para vivir”. Pyhareve 7:00 aravo guive 18:00 aravo peve, Centro Paraguayo Japonés-pe.

Mbo'ehára ojerúreEstado-pe politica educativa toñemboguata porãve

Haimete 6.000 mbo'ehára oîhápe paro nacional omyakãva OTEP, osapukáivo ndaipóriha interés ohechaukáva Estado osoluciona haguã apañuãi ohasa asýva tetãme. Ministro de Educación, Luis A. Riart, he'i omba'ejerurévo tî joja, ombyasy medida ohejáva mbo'epy ÿre umi temimbo'épe.

Ombyasy temimbo'e operde jey clase

Ministro de Educación y Cultura (MEC), Luis A. Riart, he'i kuehe umi mba'ejerúre ojapóva OTEP hendaitépe ha orekóha razón, pero ndoguerohorýi oñesuspende haguére clase protesta ramo.

Ombo'e hikuái oiporúvo laptops Xo

Ka'akupe (María Teresa Blanco, enviada especial). Fundación Paraguay Educa ha Centro de Estudios Judiciales ombokatupyry 1200 mit0Òme ha mitãkuña'i orekóva pokõi ary ha porundy ary peve táva ka'akupépe peteî software ojeheróva “El Juego de la Oruga”, ikatúva oike laptops Xo, oñeme'êva gratuitamente ko'ã tendáre. Ko tembiapo oñemotenonde programa “Una computadora por niño”, omyakãva Paraguái Educa, oipytyvõva empresa Personal.

TIC-pe guarã oîta asesoramiento argentino

Ministro Luis Alberto Riart oñomongeta oho jave Argentina-pe umi omyakãva modelo de Tecnología de la Información y la Comunicación (TIC) “Uno a uno”. Kóva ha'e programa argentino orekóva peteî “computadora por niño”, jepénte ko programa oñemopyendáva computadora portátil Classmate, ojapóva Intel ha oiporúva software de Microsoft, kóva oiporu modelo propuesto Nicholas Negroponte, oiporúva computadora Xo ha software libre.

Ta'angambyry MEC ndaha'emo'ãi político ha'éta pedagógico

Canal educativo ha'e peteï propuesta heñóiva Ministerio de Educación y Cultura (MEC) ha oiporúva herramienta pedagógica ha ani haguã oadoctrina mitãnguéra socialismo, omoañete Luis A. Riart, tendota ko cartera-gua. Péva oiko jave conferencia de prensa oikuaauka haguã gestión ha acuerdo ohupytýva tavaguasu Buenos Aires-pe ha'éva upe proyecto canal educativo Paraguáipe guarã, ojoajúvo tetã ambue ndive.

Ojerúre hikuái Gobierno oprotesta jesarekoitereígui

Umi ñemuhára ha umi oikuave'êva oikóva Ciudad del Este gotyo ojerúre Gobierno paraguayo-pe opresenta haguã protesta formal Brasil-pe oîetereígui control ojapóva Receita Federal brasileña Puente de la Amistad akãme. mburuvichakuéra oiméva circulación mba'yrumýime neumático pyahu ndive.

Pyhare oñemosãsõ tapicha oîva Bolivia-pe

Angepyhare oñeme'êma sãsõ paaguayo oîva preso Bolivia-pe.

Ho'a ka'irãime peteî policía, asalto rehe

Oapresa hikuái peteî policía omyakãva peteî ógape ñemonda.

Postal ivaietereíva Costanera-pe

Ombohetavéva ko'ã ára umi óga mimi Cabildo jerére, avei Congreso Nacional renondépe. Ymaite guive Costanera Paraguay orekóva ohundi pe oñemomorãiteva'ekue ha'e katu ko'ágã “zona roja” ojeipysohápe delito opáichguáva. Péicha comuna asuncena oipyhyva'erã nota ko'ã oñembyasyetéva ha omohendávako'ã tavaygua ko'ã tendáre.

Porandu mburuvicha rembiapóre

Ojekuaa 38% gentekuéra oguerovia economía ivaive ko'ágã. Péva porandu ojejapóva mburuvicháre oikuaukávo mba'éichapa oñandu ha ohecha tavayguakuéra tet0Ò sãmyhýre.

Ñe'ênga

Mboriahu menda ha jagua ruguái, ñorãirõpe mante opava'erã.

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

109.306

1.270.877
Ayer

122.218

1.716.489
Ultima actualizacion:
18/06/2009 00:00:00