abc Google  
Marandú

Legislador UNACE-gua ome'êta arapoteî oúvape hemiandu

Ko'ã parlamentario Unace-gua ome'ëta arapoteîme peteî sobre oñembotýva ombohováivo organización política umi representante ANR ha Partido Liberal kóva propuesta oikéva mesa directiva Senado ha Cámara de Diputados, omoherakuã Lino Oviedo. Tendota Unace-gua he'i oîha umi omomarandúva mburuvichakuéra Partido Colorado, oikuaukáva marandu. Oviedo he'i umi legislador ojerúre peteî convocatoria extraordinaria ko'ã cámara Congreso Nacional oiporavóva Poder Legislativo-pe umi mburuvicha pyahu.

Blanca Rosa González concuñado ojeapresa

Oficina de prensa Poder Judicial oikuaauka iportal Web-pe, oîha umi efectivo policial oiméva apostado Poder Judicial-pe oapresa konkuñado dokañýva justicia-gui Blanca Rosa González, ha'éva Antonio Eliseo Mora Barijho, orekóva orden de captura ohaíva fiscal Federico Espinoza. Ha'e opresenta omotenonde haguã comparecencia ambue káso jueza Patricia González, umi uniformado oapresa.
(Lea en Español)

Takumbu Sanidad-pe

Ministro del Interior stronista, Sabino Augusto Montanaro, ndorekomo'ãi mba'eveichagua privilegio ko'êrõ oikéta sector Sanidad Takumbu ka'irãime, he'i director penal, Julio Acevedo, oñe'êvo radio Ñandutí ndive.
(Lea en Español)

Bolivia ha Paraguái osella acuerdo

Policía Bolivia ha Paraguái omoañetévo acuerdo ombohovái oisãmbyhýva narcotráfico ha omondáva mba'yrumýi operación simultánea, omomarandu Ministerio de Gobierno (Interior) boliviano. Ministro del Interior paraguayo, Rafael Filizola, omopyenda acuerdo, ohesa'ÿijóva control frontera-pe, interdicción delito, prevención ha capacitación ombohováiva narcotráfico ha delito conexo, omomýivamba'yrumýiva.
(Lea en Español)

Basile imandu'a oútaha jey Boca-pe

Seleccionador argentino Alfio Basile omyendýhe regreso dirección técnica del Boca Juniors, hembipotápe oikuaaukáva oficialmente arapo oúvape, omoañete fuente popular club Buenos Aires.
(Lea en Español)

Ndaipóri artefacto explosivo Congreso-pe

Umi Policía Nacional omopyendáva Congreso Nacional odenunsiávo bomba oîha tercer piso edificio Cámara de Diputados-pe ha ndojuhúi mba'eveichagua artefacto explosivo, omoañete umi oikuáva.
(Lea en Español)

Ministra he'i ndojokóiha ministro-kue ñembohasa

Ministra de la Corte, Alicia Pucheta de Correa, he'i nointerneníri osuspende haguã ex ministro Sabino Augusto Montanaro traslado Takumbúpe. Ex jerarca dictadura stronista oñembohasa mo'ã penitenciaría hospital Rigoberto Caballero. Policía omoañete oñehenóihague ojoko haguã operativo.

Diputado oipytyvõ donación mbohapy aviõ brasileño Paraguái

Comisión Merkosur Cámara de Diputados omonéî proyecto Gobierno brasileño oplanteáva Paraguái ombojopói mbohapy aviõ T-27 Tucano, oiporúva combate narcotráfico rehe, oikuauaka fuente parlamentaria.
(Lea en Español)

Canciller Lacognata oiméta cumbre ALBA-pe

Ministro Relaciones Exteriores Paraguay, Héctor Lacognata, oiméta ojesareko haguã cumbre extraordinaria Alternativa Bolivariana América Latina ha Caribe (ALBA), ojapóva Venezuela-pe, oikuaauka oficina de comunicaciones Cancillería Nacional-gua.
(Lea en Español)

Mitãrusukuéra he'i oguatáta kolo'o róga rovái

Mitãrusukuéra kolo'o oguatáta umi tendota Asociación Nacional Republicana (ANR) róga rovái ojerurévo unidad partidaria, he'i tendota juvenil ko'ágã opositor Partido Colorado, Diego Lansac, oñe'êvo radio Ñandutí ndive, Paraguaýpe.
(Lea en Español)

Cumbre Merkosur ágã 23 ha 24 jasypokõi

Cumbre tetãnguéra oikéva Mercado Común del Sur, ojuhúva 4 jasypokõime, oñemotenondéta 24 ha 25 ko jasýpe, oikuaauka Ministerio de Relaciones Exteriores-gua. Oñembohasa ambue ára Brasil, Argentina ha Uruguay, kóva ombojojaúvo jeporavo omoherakuãva tetãnguera.
(Lea en Español)

Lugo ndoquerella mo'ãi gueteri Benigna-pe, he'i hikuái

Presidente Fernando Lugo neírã opensa okerellatápa Benigna Leguizamón-pe, kuña odemandáva filiación rehe jefe de Estado-pe, he'i ko'ágã presidente orãirõ hague ichupe: Representante legal, Marcos Fariña, he'i Lugo oha'ãrõ omohu'ã káso omboguatáva Juzgado de la Niñez ha Adolescencia tavaguasu Ciudad del Este-pe.
(Lea en Español)

SAS tendota he'i umi politico oipe'áse chugui presupuesto

Parlamento oip'áse ichugui recurso presupuestado oime hagu7 umi imboriahuvéva ha pirapire oiporúva político en forma prebendaria ojesarekóvo elecciones municipales oúva rehe, péicha he'i Pablino Cáceres, tendota secretaría-gua.
(Lea en Español)

Bolivia ha Uruguay oñombohovái estrategia ombotapykuévo antidroga

Ministro del Interior Bolivia-gua, Alfredo Rada, ha Paraguái, Rafael Filizzola, oñombohovake tavaguasu boliviana Santa Cruz-pe upe acuerdo binacional omombia haguã narcotráfico, oikuaauka administración La Paz-gua.
(Lea en Español)

ABC remiandu

Oñemotukumbo va'erã negociadovai oikova'ekue SAS-pe. Secretaria de Acción Social-kue Judith Andraschko, sintecho ruvicha Felipe Cabrera ha ambue 22 tapicha ñeimputa, oipuru haguére “programa social” yvy tetãygua mboriahu róga rendaguã jejoguápe omondo haguã 6.000 millón guarani, pévagui oñepyrû va'erã tembiapo guasu ojehekýi haguã mondaha atýra ñane retãgui; umi oaprovecha tapicha mboriahu rekotevê ombyaty haguã pirapire ijykére. Pe mba'evai ndahérai, tapicha ypy'a'ÿva rembiapo. Ñande justicia pópe opyta ko mba'e, ohechuka haguã ikatuha jajerovia jevy hese, ha upe kuévo tojoko ko delito pohyiete. Ko'ã mba'evai omongueráima tetãyguápe, ha umi marxista-pe ome'ê changui okopi haguã ñane sistema democrático de gobierno rehe.

Ministerio-pe guarã, reforma educativa ndohói mamove

Ministerio de Educación y Cultura omomarandu kuehe Banco Mundial-pe ndoiporumo'ãiha pe pirapire oñembosako'i va'ekue oñembojuapy haguã mokõiha reforma educativa. Péicha ñande ojejapóta pe peteîha nosêi haguére ojepotaháicha.

Riart omomarã peteî préstamo, ha gobierno omoneî ambue

“Ojeheka mboyve pirapire financiamientorã, tekotevê ojekuaa ha oñembyesako'i hekopete tembiapopyahurã, modelo pedagógico rehegua”, he'i kuehe karai ministro Luis A. Riart. Péicha, MEC omboyke 24 millón dólar Banco oikuave'êva. Kóichagua mba'e ndoikóiva gueteri. Upekuévo, ñane Gobierno omoneî peteî pytyvõ oútava Europa-gui, 170 millón dólar repy, tekombo'erã.

Ojeike ha ojejapo sarambi estancia Arroyito-pe

Kuehe, 200 tapicha okaraygua oike ha ohapy retiro peteî estancia tenda Arroyito-pe, opytáva 40 kilómetro táva Horqueta-gui. Upe propiedad tuicha 6.000 hectárea ha ijára, peteî brasilero, ñande oñemongetase Estado-ndíve ovende haguã pe ijyvy.

Umi chokokue oha'arõ ñemongeta yvy jejogua rehe

Umi chokokue oñemohenda ijypýpe ha he'i ndohomo'ãiha upégui hikuá Indert noñemongetái mboyve mba'e jejogua rehe. Ambue hendápe oñemombe'u mba'eve gueteri ndojekuaáiha pe policía jukaharégui.

Ñane retã ha China ombyesako'i oficina comercial

Paraguay ha República Popular de China omoîta vokoieténte oficina comercial Shangái (amo) ha ñande táva Asunción-pe. Karai canciller Héctor Lacognata omombe'u oguataporãha ñemongeta pevarã. Péva ohechuka mokõive gobierno ombosako'iha tenondeve guarã relación diplomática. Mercosur-pe, ñane retã añoite pevá ndoguerekóiva gueteri China continental-ndíve.

Mboriahúpe guarã pirapire rehe oiko ñorairõ

Ñane Parlamento-pe oime ojeipe'ase hína Secretaría de Acción Social (SAS)-gui umi pirapire presupuesto rupive oguerekóva oipytyõ ahguã umi tapicha imboriahuvévape. Umi polítiko oipyhyse viruita prebenda ramo, péina oikopotámavo jeporavo elección municipal puahu. Péicha omomarandu kuehe Pablino Cáceres, omyakãva SAS.

Mercosur aty ohasa 25 de julio-rã

Pe Cumbre del Mercosur oikóta va'ekue 4 de julio ohasa 24 ha 25 de julio-rã. Péicha omombe'u kuehe canciller Héctor Lacognata. Ko tendota guasu kuéra aty oñembosako'i Confederación Sudamericana de Fútbol (Conmebol), táva Luque-pe.

Montanaro oho va'erã Tacumbú-pe

Karai hue Andrés Casati, ohendu rire ministro secretario de la Presidencia de la República Miguel Angel López Perito omombe'úva, he'i kuehe ministro del Interior-kue Sabino Augusto Montanaro ohova'erãha Tacumbú-pe. Péva hína oguerekóva kuri prisión preventiva Mario Schaerer Prono tortura ha jejuka rehe.

Heta umi oisambyhyséva Congreso Nacional

Ipukúma ñorairõ senador kuéra apytépe hetágui umi omyakãséva ñane Congreso, ha ko'ágãpeve ndojekuaái gueteri mba'épa pe oikótava. Tuicha pe interna umi oviedista ha kolo'o kuéra apytépe. Enrique González Quintana (Unace)-pa terã umi aliancista, Patria Querida ha vanguardista kuéra (oñemopeteî ramo) oisambyhýta Congreso Nacional. Ko 30 jasypoteî (junio) oúvape oikóta jeporavo mesa directiva pyahurã.

Fiskal General oimputa va'erã Víctor Bernal, he'i Mateo

Fiskal General oimputa va'erã Víctor Bernal, he'i Mateo
Mateo Balmelli ojerure kuehe fiskal general del Estado Candia Amarilla-pe toimputa Víctor Bernal-pe, ha tojekuaa ñemonda oikova'ekue Itaipú-pe rehegua. Carlos Mateo Balmelli (Itaipú omyakãva) ojerue fiskal guasu-pe toñeha'ãmbaite tomyesakã porã ojapo va'ekue senador Víctor Bernal, oñemo'ãséva fuero-pe ani haguã ohupity chupe proceso.

Candia Amarilla ndojepovyvymo'ãi senador rehe

Umi fiskal Delitos Económico ha Anticorrupción rehegua nomondohomo'ãi tembiapo omboguatáva umi casos Itaipú rehegua. Director general Carlos Mateo Balmelli ojejure kuri Fiskal Genera-erevoitomyakã tembiapo Víctor Bernal Garay procesamiento rehegua. Ministerio Público omyakãva, Rubén Candia Amarilla, he'i ojeroviaha umi ojapóva investición umi irregularidad ha director-kue, senador kolo'o Víctor Bernal Garay rehe.

Ministerio de Agricultura omyakã va'erã Planal

Ministerio de Agricultura y Ganadería (MAG) omyenonde va'erã pe hérava Plan Nacional de Seguridad Alimentaria, Planal oje'eha. Péicha oñeñanduka Asociación Rural del Paraguay, isaimbyhyhára Juan Néstor Núñez rupive. Chupe guarã, karai ministro secretario Miguel López Perito ndoikéi va'erã ko tembiapo guasu-pe.

Chovy kuéra ojerure patriotismo ha toñemoirû Lugo rembiapo

Umi chovy Club Liberal Alón rehegua ombosako ñemongeta liberal kuéra apytépe ikatu haguã oñemongeta ha oñemopeteî chovy kuéra, ikatu haguã péva rupive ojepytaso omoirû ha omombarete ñane Gobierno, ikatu haguã omohu'ã hekopete hembiapo, ha avei omopyenda porã alternancia tetã saimyhýpe, jahechápa ary 2013-pe ndojupíri peteî liberal haite.

Vanguardia ha Patria Querida ndoipotái embajada

Umi Vanguardia Colorada ha Patria Querida-ygua he'i ha'e kuéra ndoipotaiha cargo umi embajada-pe. Upévare, karai canciller Héctor Lacognata imandu'a kuehe pe ñekuave'ê ojejapo va'ekue umi sector político-pe rehe. Chupe guarã, pe política exterior rehe ndaha'éi peteî partido térã peteî alianza-pe guarãnte; péva opavavepe guarã.

Ñe'ênga

Arriero argel remiendo pytã

  • + Del Día
  • + De La Semana
  • + Del Mes

 Artículos más leídos

INSTITUCIONAL

Contactos: Emails | Teléfonos | Staff
Publicidad: Como Anunciar | Fúnebres |Clasificados
Institucional: Nuestra Historia | ABC y la Educación | Libertad de Prensa | Propiedad Intelectual
Otros Canales: ABC Blogs | ABC Ciudadano | ABC Wap | ABC RSS | Archivo | Fotonoticias | Efemérides | Noticias por E-mail

ABC DigitalYegros 745 esq. Herrera. Tel: 41-51-550/51 © Copyright 2008. Reservados todos los derechos.

Estadísticas
 

Visitas

Páginas
Hoy

127.179

1.302.357
Ayer

112.384

1.235.803
Ultima actualizacion:
23/06/2009 00:00:00