Martes, 30 de Junio de 2009

Efeméride 1813: Se convoca a reunión del Congreso General para el 9 de agosto.

+ Ver Más
PESO ARG.

Compra:G. 1.250 /Venta:G. 1.310

+ Más cotizaciones
Temperatura Actual:

(
T.
.

+ Más información

AEG Live, empresa omoherakuãva papo mba'epu kyre'ÿ Michael Jackson oikuave'êtáva kuri arahaku Londres-pe, omoañete pirapie ojoguáva ojehecha haguã “rey del pop”.
(Lea en Español)

Arapo oñemotenonde sorteo Copa Sudamericana

Confederación Sudamericana de Fútbol (CSF) omotenondéta arapoteî Paraguaýpe sorteo octava edición Copa Sudamericana oñeha'ãtáva mokõiha semestre 2009. Libertad ha Cerro Porteño oiméta tetã rehe upe atýpe.
(Lea en Español)

Choke kakuaa Azara ha Iturbe ári

Peteî choque oñemotenonde microcentro Paraguaýpe. Accidente oikóva Azara e Iturbe ári. Mokõi mba'yrumýi ochoka ojuehe tape akãite ári. Peteî oembesti peteî karrito ohepyme'êva golosina ha oîva vereda ári, ha péva oho oike peteî mba'yrumýi rehe avei.
(Lea en EspañoL)

Argentina omotenonde arapytu'u mbo'ehaópe gripe H1N1

Haimete 14 umi 24 distrito Argentina-gui, ijapytépe tavaguasy federal ha provincia Buenos Aires, ohecha arakõime omotenonde arapytu'u mbo'ehaópe, ohapejokóvo gripe porcina hetapéma ojukáva.
(lea en Español)

Economía Latinoamericana opu'ã 6,8% jasyrundýpe

Economía latinoamericana oñandu jasyrundýpe omohendávo 6,8 por ciento kóva kasyapy ohasávape, ohechaháicha índice ohaíva universidad privada argentina omoherakuãva ko árape.
(Lea en Español)

BID oformalisa préstamo 50 millones dólar Paraguáipe

Banco Interamericano de Desarrollo (BID) oformalisa ko árape Paraguaýpe peteîn préstamo 50 millones de dólares Paraguáipe omopu'ãvo óga ha oipytyvõ umi proyecto productivo kóva Agencia Financiera de Desarrollo (AFD) rupive.
(Lea en Español)

Poapy dengue káso dengue oñemoañete

Ministerio de Salud Pública y Bienestar Social (MSPyBS) omoañete ko árape poapy Dengue káso ojekuaa, pokõi osê laboratorialmente, ojejuhúva ko'ã departamento-pe: Alto Parana (1), Ka'aguasu (1), Capital (2), Central (2) ha Cordillera (1). Joaju epidemiológico, oñemoañete oúgui peteî tekove Concepción-gui. Ambue káso, dependencia sanitaria omoherakuãva 15 ha'éva notificación Dengue oikéva ko sistema-pe 72 aravo ohasávape.
(Lea en Español)

"Ndaipóri Alianza", omoañete Jaeggli

Senador Alfredo Jaeggli omoañete ko árape Alianza Patriótica para el Cambio "ndaipóri", oñeporandúvo Partido Liberal Radical Auténtico (PLRA) omboykeva'erã coalición agrupación política ogueraháva Fernando Lugo yvate tetã sãmbyhýpe.
(Lea en Español)

PLRA osê Alianza Patrióticagui

Directorio Partido Liberal Radical Auténtico (PLRA) oguahê peteî ñe'ême ojeretirávo Alianza Patriótica para el Cambio-gui. Ko'ágã oñemotenonde gobierno Lugo, decisión paha ohechatáva convención partidaria ararundy 1 ha jasyapoapýpe, oguahêvo peteî ñe'ëme ko pyharépe agrupación política sesión extraordinaria.
(Lea en Español)

Lugo oikuaaukáta imarandu Congreso Nacional en pleno

Presidente Fernando Lugo ohecháta ko'êrõ igestión Congreso Nacional mbytépe omotenondévo sesión oprogramáva ko'êrõ, 08:30, aravo Palacio Legislativo-pe, oimévo umi miembro mokõi cámara Parlamento-pe.
(Lea en Español)

ABC remiandu

Ñandesape'a va'erã oikóva Honduras-pe. Honduras ruvicha Manuel Zelaya, ojeporavo va'ekue hekopete, péina ojepe'a mbaretépe. Péva peteî gobierno legal, ha oipe'ase rire chupe umi congresista, oguereko va'erãmo'ã Léi Guasu ipópe. Ha katu ha'ekuéra oho mbykyvehápe, ombyai democracia ha ombo'evai ñane Latinoamérika. Ko'ágã jahechami mba'épa pe oikóva: Zelaya ha iñirunguéra, consulta popular rupive, oikuaase oijepotápa reforma constitucional oike haguã reelección, ha Corte Suprema he'i kóva ilegal; Zelaya noikuaaséi mba'eve, ha péva ombohape golpe. Umi gobernante “bolivariano” ohecharamomi pe “consulta popular”, ha katu pe democracia rembiporu ojeporuvaírõ, ikatu ombyai ñande democracia representativa. Ko ojehúva ñanembo'e va'erã, anítei ñañepysangavai avei.

Chávez oporojokuái ojopy haguã Gobierno-pe

* Mokõi poguasu PDVSA pegua oñemongeta kuehe táva Paraguaýpe gerente general Petropar reheguándive. Lugo onegociajeyse pe 309 millón dólar jadevéva gasoíl rehe. Umi Chávez remimbou he'i “ko'ágãite” péva ndaikatuiha aipo “cuesión contable” rupi. * Ohechase uvei hikuái ambue tembiaporã: peteî empresa mixta pyahu ha Puerto Zárate-pegua mba'e jeporu. * Oimépa ndohecháiva oipuruha Petropar deveha ojopy haguã ñane Gobierno-pe?

Oje'e ivaiha pe golpe, ha katu pepevénte

Tavaygua umi organización social rehegua osê ombohovái Policía ha Ejército, táva guasu Tegucigalpa-pe. Heta oime oñenupã ha ojejapíva, oñemombe'u háicha. Opavave tetãnguéra onohê “condena diplomática” pe golpe de Estado rehe, ha katu ko'ágã peve umi embajador ALBA rehegua añoite osê Honduras-gui. EE.UU. nomondohomo'ãi tembiapo, ha umi socio comercial noñe'êi sanción rehe.

Brasil-pe pe cigarrillo ofinancia campaña, he'i Policía Federal ruvicha

Fernando Lugo he'i va'ekue omotenondetaha contrabando rerarirõ, oñepyrû porãite ha uperire katu ikane'õ vaicha ha opyta tapépe. “Pe evasión tuichaiterei”, he'i kuehe Ing. Gerónimo Bellassai, vicemisnitro de Tributación. Reinerio Santacruz (empresario ha político) peguarã, “ndoguerekói culpa pe ovendéva, ojehecha va'erã umi ogueraháha”. Ha Policía Federal brasilero ruvicha katu omombe'u: “Brasil-pe pe cigarrillo rupive oñefinancia campaña política”. Ko'ágã ojekuaa Paraguáigui osêha 10 por ciento umi cigarrillo oñecontrabandeáva yvyape ári tuichakue.

Mons. Livieres Plano-pe Itaipú ome'ê G. 1.300 millón Víctor Bernal

Itaipú ombohasa 1.300 millón guarani 2006 guive 2008 peve Mons. Rogelio Livieres Plano-pe. Kóva obispo Ciudad del Este rehegua. Ko pirapire ñande aipo “asistencia social ha moral-rã”, umi tapicha Alto Paraná ha Canindeyú-pe guarã. Ndojekuaái moõpa ojeporu umi viruita.

Sa'i oî reactivo oñediagnóstica haguã gripe A

Ministerio de Salud Pública ogueraha jeýta muestra Estados Unidos-pe, opáma rupi reactivo ojekuaa ojejapo haguã diagnóstico gripe A rehegua, Laboratorio Central-pe. Kuehe ojekuaa 11 tapicha hasy pyahúva, ha 96-ma umi hasýva pévagui. Heta umi mitã ojegueraháva pohãno'ao háre ojehechauka haguã.

Ojejapóma 104 óga táva Villa Hayes-pe

Peteî tembiaporã oñepyrû va'ekue omopu'ãse 100 óga popular rasami barrio Pa’i Roberto, táva Villa Hayes-pe oguahêma hu'ãme. Arateî ohasa va'ekue oñeme'ê ijararãme 30 óga ipahague. Ko tembiapo oku'e Asociación Solidaridad para el Desarrollo (ASES), Italia-pegua rupive, ko'ápe omoirûva Gobernación, Municipalidad ha umi tapihca óga jararãvoi.

PLRA ikatu osê, ha ojepy'apy Alianza

Oipy'apy Fernando Lugo-pe ohechágui oparei pe Alianza, oñepyrúva ikangy osê rire Comité Político oñe'ê PLRA ñesê rehe. Oñemoîva mburuvicha ykére he'i ñese nde'iseiha noñemoirûi Gobierno. Oñemombe'u kuehe Carlos Filizzola, Alberto Grillón ha Sixto Pereira nohenduiha Lugo mba'e jerure.

Chovykuéra oikotevê py'aguapy, he'i Amarilla

Umi aty oiméva Partido Liberal ryepýpe oñembyaty oñemongeta haguã mba'épa he'íta aty guasu Directorio PLRA-pe, oikótava ko ka'aruete, ohecha haguã osêpa pe Alianza Patriótica para el Cambio. Aty Equipo Joven, omyakãva senador Blas Llano, oñembyaty senadora Iris Rocío González rógape. Carlos Amarilla (gobernador Central reehgua) peguarã, tekotevê py'aguapy ñemongeta porã haguã.

Efraín Alegre opytase gobierno-pe

Karai ministro de Obras Públicas y Comunicaciones, Efraín Alegre, omombe'úma oime ramo PLRA he'imba'e ohejataha pe Alianza, ha'e nosêmo'ãi pe secretaría de Estado. Chupe guarã umi noñemoîriva ñe'êpeteîme umi mburuvicha chivykuérante oñondive, ndaha'éi Fernando Lugo ndíve.

Poder Ejecutivo myakãha ohóta Congreso-pe

Mburuvicha guasu Fernando Lugo ohóta ko pyhareve, aravo 8:30 jave, Congreso Nacional-pe, ome'ê haguã peteîha ñemombe'u hembiapo rehegua (informe de gestión). Péva ojehu ojeporavo ramoite rire Congreso ruvicha kuéra. Jahecháta mba'épa he'i umi mba'e oiko ramóva rehe.

Buzarquis okopi umi senador opyrû haguére iñe'êre

Salyn Buzarquis, omyakãva Cámara de Diputados, noha'arõi hague ojapo péicha senador liberal kuéra, nomomba'éi haguére acuerdo ojapo va'ekue Unace-ndíve. Umi ojapo va'ekue quórum umi kolo'ondive nohendúi ojeruréva PLRA.

FNC ojoko Policia ani haguã omomba'e orden judicial

Péva oiko táva Santaníme, omombe'u Sergio Escobar Rober (corresponsal). Umi chokokue oñembyatýva Calle 6.000 ojoko kuehe ani haguã oñemoneî orden judicial, ha ojopy umi policiápe opoi haguã peteî chokokue ruvicha, oguereko ramo jepe orden de captura ojapo haguére sarambi ha omboty tapehû.

Andraschko ombohasave audiencia

Ko pyhareve oñembojata kuri audienciarã Secretaría de Acción Social myakãhangue Judith Andraschko, apio “imposición de medida”-rã, ha katu kuehe ojerure topyta ambue ára-rã, tenonderãve.

Agroshopping-pe oñekuave'ê heta mba'e

Ko ára pukukue, Agroshopping-pe oiméta oñekuave'ê heta mba'e porã hi'upirã ko ro'y oñepyrûvo, aravo 8:00 guive 21:00 peve. Pépe “Agrofrut” oguerekóta grosella aju porã, ha frutería Kobec oguerekóta pakova a 1.000 la docena. Okamoto SRL oikuave'êta macadamia (nuez) a G. 20.000 ha pomelo G. 18.000 (vosápe ijaha 40 a). Avei, oîta ryguasu rupi'a porã. Granja Agrobiológica Marta Ibañez katu oguerúta tomate perita (a 3.950) ha lechuga pirati (a 1.000 el mazo).

Ñe'ênga

Tova atã ha kasõ potînte ovaléva.

+ Del Día
+ De La Semana
+ Del Mes

Artículos más leídos

INSTITUCIONAL

Estadísticas
	Visitas	Páginas
Hoy	116.851	1.338.934
Ayer	138.156	1.393.554
Ultima actualizacion:
30/06/2009 00:00:00

Martes, 30 de Junio de 2009

PESO ARG.

Artículos más leídos